السلام عليكم ورحمة الله

شحالكم جميع ؟
عساكم بخير ؟

انا والله من زمان متابعة لطبخات عالم حواء وكثير أكلات سويتها من عندكم ، طرررق تهبببل ومضبوطة

بس دورت لي طريقة لبرياني الربيان ولا حصلت

تكفون أبي أحد يفيدني بطريقة مضبوطة 100% ومجربة ،
بدعيلكم من كل قلبي ..


تحياتي
24-07-1431 هـ, 08:22 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
المقادير على حسب عدد الأشخاص ..

الطريقة:

اول شي انقشر الربيان ونشيل الخيط الأسود وانقعه بعصير الليمون وبهارات .

بعدين نكون طابخين ماي ونحط فيه بهارات عدله (هيل-قرنفل(مسمار)+دارسين-فلفل أسود- ملعقه متوسطة بهارات مشكلة مطحونة).

ونحط الربيان ونخليه لما يستوي .

بعدها نسوي حمستنا وهي عبارة عن :

نحمس بصل صغار كمية كبيرة وبعد ما يذبل نحط معاه بهارات عدلة (هيل-دارسين-قرنفل-فلفل أسود)

وبعدها ما يتحمر نحط تندوري وبابريكا وثوم مدقوق وزنجبيل ونحمس بعدين نحط معجون الطماط ونحمس .

وبعد ما استوى الربيان نضيفه للحمسة .



ونضيف بعدها كزبرة مفرومة.




وهذا شكل الحمسة النهائي




طبعا نكون مسوين عيش مشخول وهم حاطين بالماي بهارات عدلة


الحين نحط دهن اشويه بالجدر ونخليه يصير حااااااااار وبعدين نحط طبقة عيش

وفوقة اشوي من الحمسة وفوقة بصل شرايح مقليه وقطع زبدة ورشه من البقدونس
المفروم والنعناع>> سر النكهة




نرد نحط طبقة من العيش وفوقه حمسة الربيان والزبدة والبصل والبقدونس والنعناع.



طبعاً اخر شي يكون طبقة من العيش ونكون مزهبين الزعفران المنقع بماي الورد ونحطه فوق العيش مع قطع الزبدة ونخليه لما يتسكر .







بعدها نقلبه بحذر وننجبه بالطبق ويزين بالبقدونس وقطع الليمون واذا تحبون بعد الصنوبر المحمص.

وهذا شكله النهائي






أتمنى يعجبك ولا تنسيني من الدعاء
24-07-1431 هـ, 08:33 مساءً
 
اقتباس مشاركة  (^جرح الزمن^)
المقادير على حسب عدد الأشخاص ..


الطريقة:

اول شي انقشر الربيان ونشيل الخيط الأسود وانقعه بعصير الليمون وبهارات .

بعدين نكون طابخين ماي ونحط فيه بهارات عدله (هيل-قرنفل(مسمار)+دارسين-فلفل أسود- ملعقه متوسطة بهارات مشكلة مطحونة).

ونحط الربيان ونخليه لما يستوي .

بعدها نسوي حمستنا وهي عبارة عن :

نحمس بصل صغار كمية كبيرة وبعد ما يذبل نحط معاه بهارات عدلة (هيل-دارسين-قرنفل-فلفل أسود)

وبعدها ما يتحمر نحط تندوري وبابريكا وثوم مدقوق وزنجبيل ونحمس بعدين نحط معجون الطماط ونحمس .

وبعد ما استوى الربيان نضيفه للحمسة .



ونضيف بعدها كزبرة مفرومة.




وهذا شكل الحمسة النهائي




طبعا نكون مسوين عيش مشخول وهم حاطين بالماي بهارات عدلة


الحين نحط دهن اشويه بالجدر ونخليه يصير حااااااااار وبعدين نحط طبقة عيش

وفوقة اشوي من الحمسة وفوقة بصل شرايح مقليه وقطع زبدة ورشه من البقدونس
المفروم والنعناع>> سر النكهة




نرد نحط طبقة من العيش وفوقه حمسة الربيان والزبدة والبصل والبقدونس والنعناع.



طبعاً اخر شي يكون طبقة من العيش ونكون مزهبين الزعفران المنقع بماي الورد ونحطه فوق العيش مع قطع الزبدة ونخليه لما يتسكر .







بعدها نقلبه بحذر وننجبه بالطبق ويزين بالبقدونس وقطع الليمون واذا تحبون بعد الصنوبر المحمص.

وهذا شكله النهائي






أتمنى يعجبك ولا تنسيني من الدعاء
يعطيك العافيه
24-07-1431 هـ, 09:17 مساءً
 
ياجعل ربي مايهينك أختي جرح الزمن !
بإذن الله أطبّق بكرة ف غدانا وأرجع أحط النتيجة ،
تسلمين حبيبتي ..
وربي انقذتي وحدة ماتعرف كوعها في طبخ الربيان خخخ ..
24-07-1431 هـ, 10:36 مساءً
 


الساعة الآن 10:36 .