السلام عليكم ورحمه الله و بركاته ,,,

اعذروني ردي متأخر بس حاولت أدور على هالاكلة أو اعرف اكثر عنها

أنا أذكر اني شفتها في أحد المنتديات و مب متذكرة اسم المنتدى .. و اذكر الي حاط المشاركه كان رجال بعد
خزنت الوصفة في المفضلة عندي بس كل شي طار لما سويت فورمات و مدري ايش الي خلا الاسم ينط في بالي و صار خاطري فيها مع اني ما اتذكر شو هي بالضبط

المهم بعد ما سألت و بحثت و نقبت .. الي طلعت بيه أن المراحب هذي عبارة عن خبز و صالونه

يعني عجينه عبارة عن طحين و ماء و ملح .. نعجنها و نقطعها دوائر .. و نفردها بايدنا .. و نستخدم تقريباا يدينا لغاية المرافق في فرد العجينة .. ثم نضعها على الطابة و بتستوي بسرعه .. و ممكن تحطي عليها سمن إذا حابة

أما الصالونه مالها فهي عبارة عن بصل مقطع صغير نحمره ثم نضيف عليه طماطم مقطعه ... و ما اذكر شوو بعد

عاد هذا الي فهمته من شغالة ربيعتي الي كانت تشتغل بالسعودية ..
المهم هي أكلة سعودية مدري من جدة و لا ابها .. تراها اشتغلت هناك ...

هاااا يا بنات السعودية .. حد منكم عرفها ..؟؟؟؟؟؟ او عرف شي قريب منها ؟؟؟

أريد اسويها .. فالي تعرفها اتمنى تتبرع و تنزل موضوع بالتفصيل الممل و المقادير المضبوطة عنها و ياليت تصور الخطوات .. لأني من النوع الي ما يتعلم بسرعه إلا لو شاف الشي جدامه ..

و بالنسب لبقية الأكلات الشعبية السعودية ... ممكن يا بنات السعودية تنزلولنا طرق عملها

مراصيع
جريش
مرقوق
قرصان
هريس
محلى
حنيني
مطازيز

حبذا لو وحدة تتبرع و تعلمنا هالاكلات .. خاطري اتعلم الطبخ
بتريا ردكم خواتي

و السموحه عالقصور



اختكم
alone4ever


الساعة الآن 01:44 .