Analysis Services
اختي لوما الكتومه :

ما احد يشتري فيز الان
مكتب العمل فتح اللي يبي يطلب لانهم منعو نقل الكفاله







كيف يعني ؟؟؟؟؟؟؟؟

اي احد يبي فيزا بمسمى كوافيره والا خادمه .... والا كيف ؟؟؟؟


29-08-1431 هـ, 10:22 صباحاً
 
اقتباس مشاركة  (لوما الكثومه)
ما احد يشتري فيز الان
مكتب العمل فتح اللي يبي يطلب
لانهم منعو نقل الكفاله
كيف يعني غيروا فالاجراءات شي
بسالك اخت لوما هل فيه مشكله من جلوس المغربيه لوحدها5 ايام لان موعد الفلبينيات يوم الاثنين وهل ممكن اخلي مع المغربيه مفتاح واوصي جيران المشغل عليهم لان المحاسبه عندي كثيييير تتاخر وماتفتح المشغل بالمواعيد واخاف يجوا زباين مايقدرون الكوافيرات يفتحولهم
29-08-1431 هـ, 12:03 مساءً
 
نونو كمانونو افا عليك بس اش دعوه ما ارسلتيلي طريقة البديكيور الفرنسي وانا اطالب فيه من فتره الضاهر محنا قد المقام ولا شلون هههههه تراني امزح لكن ان شاء الله ما راح تقصرين ومبارك عليك وعلى الجميع الشهر
29-08-1431 هـ, 02:13 مساءً
 
بنات لالالالالالا تثقون بالعاملات نهائيا وابدا مهما كانت وكوني حريصه عليهم حتى لو كنتي مرتاحه للاسف وحسبي الله عليهم بعد تقصي الحقائق والمراقبه من بعيد اكتشفت ان العامله اللي جالسه بالمشغل تستقبل زباين بعد الدوام والقهر فيه وحده معاها اندونيسيه قاعده تتعلم جايه لمشغلي على اساس نضافه وانا وافقت على اساس نقل كفاله ويوم طلبت الاقامه قالت كفيلي راضي بس رافض يعطيني الاقامه الا اذا سلمته 7000 قيمة الجواز والاقامه وقلتلها على الاقل جيبي موافقه خطيه انه سمح لك بالعمل عندي لين ماالله ييسرها وتتعلمين الشغل وللمعلوميه اكتشفت ان العامله اللي عندي متفقه مسبقا ببيتها انها تعلمها مقابل مبلغ 2000 ريال وهي اللي جابتها على اساس يكون التدريب نضري على الزباين حسبي الله عليهم وانا كان عندي احساس بس ما حبيت اتكلم لين اتاكد انه فيه انا بالموضوع
طبعا راقبتهم لان قالتلي المديره فيه عندهم زباين ويمكن يتاخرون فانا والباقي خلصنا شغل وانتهى الدوام قلت اوكي والثانيه هي والاندونوسيه قالت حتجلس لين ينتهون من الزباين ويروحون فقرصني قلبي ورحت المشغل على الساعه 10ونص وكانت الاضاءه الخارجيه مغلقه وقمت اراقب من بعيد والا وفجأة دخلت وحده للمشغل بسواقها جربت المشغل اللي جبنا قالولهم انتهى دوامنا بعدين راحت مشي لمشغلنا والا اتفاجا انهم افتحولها وسكرو الباب وجلست حتى الساعه 12 ونصف وطلعت طبعا انا اخذت رقم الزبونه من السواق عشان اتاكد ايش الخدمه اللي سوتها وكم المبلغ لكن للاسف ماردت علي وارسلتلها رساله وبرضو ما ردت قلت مو مهم المهم اني كشفتهم على حقيقتهم وجلست اراقب حت الساعه الواحده بالليل حتى طلعو الزباين اللي كانو قبل فيه 1 وعشر وستنيت الى 1ونصف والاخوات ماطلعو قلت يصير خير رحت للبيت
وكلمت المديره انهبلت وتفاجات وقلتلها خلينا نعطيهم فرصه اذا جاء بكرى ماقالولك شي يكون فيه حساب اخر وفعلا ماجابو بالطاري لا هي ولا الكلبه الاندونيسيه اللي معاها طبعا رحت المشغل تاني يوم بالليل ودخلت عليهم كان عند العامله زبونه ودخلت على الاندونيسيه واستدرجتها بالكلام وكانت معترضه على كلامي وخافت وقالت ماادري اسالي عاملتك وهددتها وهزاتها وماقعدت خمس دقايق الا واعترفت انها كانت رافضه تستقبل الزبونه بعد هالوقت والعامله حقتي قالت دخليها وسوت ب150 ريال خمسين للاندونيسيه و100 لها فعلى طول قلتلها برا ماتقعدين عندي وهاتي ال50 ريال ويوم خلصت عاملتي من الزبونه اخذت طبعا ولا قالت شئ وتبتسم لي ولا كان شئ صار وتسال الاندونوسيه وين السواق الليموزين جاء ؟؟
قلتلها وين ماشاء الله وين المفتاح سالتني مستغربه ليش اسالي نفسك وقمت اهزاها وخليتها ماتسوى لين اعترفت وقامت خمتني وبكت زي الاطفال وانا اسفه وهذي اول مره ....الخ والسبب انها اخذت الفلوس عشان حق الليموزين اللي بيوديهم وجيبهم بكرى لاني انا رفضت اخليها تبات بالمشغل طبعا ذيك الليله بعد ما طلعت حرتي فيها واخذت الفلوس منها خليتها بالمشغل وقفلت عليها الباب قفلتين وقلت حيكون الوضع كل يوم على هالتقفيله اذا ماجازلك والا اطلعي الان قالت اوكي سكريه واليوم حسحب دبة الغاز منههم لانه ممنوع وبالطقاق وبالحريقه اللي تحرقهم اذبحوني اجيهم يمين يجوني يسار وانا اقول ليش ما يطيقون الاداريه تجي الصباح بدري ولا يبون اداريه والمشكله كنت من فتره واثقه فيهم اثري يا غافليلكم الله بس وش اسوي كنت مضطره واللي خلاني اجيب اداريه لاني كشفتهم انهم كانو يتلاعبون ارجوووووووووكم يا بنات وخاصة لومه وش السوات وهل عندكم راي اخر
29-08-1431 هـ, 02:54 مساءً
 
على كذا ماني بمعطيه احد مفتاح بخلي المحاسبه تسكر عليهم واخلي مفتاح بصيدليه صغيره عندهم ووقت الطوارئ لاسمح الله يكلموني اجيهم او يكسروا الصيدليه ويطلعوا المفتاح
29-08-1431 هـ, 03:19 مساءً
 


الساعة الآن 04:33 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏