اقتباس مشاركة  (الحورية حور)
لوما ارسلتلك على الخاص مارديتي علي ياغاليه؟
اي رساله توصل ارد عليها تاكدي من الصادر
اقتباس مشاركة  (الغيـــــــد)
حيااااااااتي لومه والله ألف ألف شكر لون الصبغه يجنن

حتى زوجي انهبل عليه يقول صرتي قوووومر

أنا يابنات قبل سويعات كنت عند لومه الاموره وطلبت صبغه اشقر رمادي وكنت

خايفه مره انها ماتظبط لاني كنت محنيه شعري قبل 3 شهور بس والنتيجه


واااااااااااااا ااااااااااااااا ااااااااااااااا ااااااااو

طلع شعري احسن من اللون اللي طلبته من جد لومه ايديها تتلف بحرير ماشاء

الله عليها وتعاملها رااااااقي جداً وايضا طاقم العاملات اللي معها ذوق واخلاق

من جد ماتتحسفي الريال عليهم ... شغل ذمه وضمير ويارب يكثر من امثالها


والله ماكتبت الا من خلال تجربه و ياما رحت مشاغل اطلع وانا متضايقه ومو

عاجبني الشغل لكن لومه شي ثاني وربي حتى زوجي لاحظ اني من جد مبسووووووطه وراضيه عن نفسي

واوعدك مو اخر تعامل بيننا ياقووووومر

شكرا لك ولكل وحده ساهمت معك اليوم وبلغيهم شكري
ياقلبي ماسوينا غير الواجب وكلك دوق على كلمات العسل
اهم شي مبسوط ليجيبك عندنا اكثر من مره

انتظر زياره اخرى وديه لنضايفك ماتكوني مشغوله
اقتباس مشاركة  (عذوب الرياض)
لوما حبيبتي ابي اعرف وين صالونك بالضبط وايش اسمه حابه اجي اقص شعري واعمل كذا شغله بس بشرط تخبريني عن وحده شطوره مرررررررررررررر ررررره بالقص ، لاني حسيت بصراحة ان شغلكم حلو ماشاء الله من التساريح اللي شفتهم والردود ،،

وحابه اذا سمحتي اعرف طريقة البديكيور بالفازلين بصراحة اول مره اسمع عنه ،،

ودمتم بخير ،،
حياك اختي

الرقم على الخاص
السلام عليكم

شلونكم يا بنات والاخت لوما مشكوره حبيبتي على الموضوع الروووووووووووو ووووووووووووعه واستفدنا منه كثير
بالنسبه للكيرايتن
انه شريت جيجارا وهو برازيلي اصلي تقريبا مثل قلوبل بس يفرد الشعر بنسبه 60% وهو علاج 100%

وان شاء الله على اليوم او بكره اعمل شعري وشوف النتيجه بس ما اخذته الا بعد بحث دقيق عن جميع انواع الكيرتين وارحت لجيجارا

وان شاء الله اول ما اسويه اخبركم بالنتايج

بالنسبه للفرد انه استخدم بيرينا وجربته على شعر اثيوبيه وتعرفون شلون شعرهم

تغير شعرها حتى اهي ما كانت مصدقه

كانت فاقدة الامل ان شعرها يتعدل او يتغير بس عن جد تغير صار ناعم وشكله حلووووووووووووو ووو

مع اني ما خليته على شعرها وقت طويل خفت انه ما يتحمل

بس طلع حلو والحمدلله

امممممممممممممم مم بعد شنو

اي الصبغه استخدم ويلا بس للاسف ويلا انقرض من البحرين ما احصل الا الوان معينه يعني درجات الاشقر والرمادي مخلصه من السوق مو لاقيه

واللحين في نوع شريت منه عينه لون اشقر وراح اصبغ شعر وحده هاليومين منه واذا طلع اوكي راح اعتمده ان شاء الله
المندوبه نفسها الي تبيع ويلا تبيع من هالصبغه ناسيه اسمها بتأكد من الاسم وانزله لكم

الاخت لوما سؤال الزبونه شعرها اسود وتبي تصبغ اشقر

شنو نسبة الاوكسجين الي استخدمها مع الصبغه بالنسبه للاطراف والجذور

اهي تبي تفتح لون شعرها

ومشكوره اختي مقدما

بالنسبه للوقت الحالي ركووووووووووووو وووووووود صار لي اكثر من اسبوع ولا زبونه وان شاء الله الايام الجايه تعوضنا خير

انه صالوني جديد صار له شهرين ولا زلت ادفع فيه من القرض الي خذيته والقرض خلص وشكلي بطلب زياده عشان اغطي المصاريف والرواتب وابدا مو مستعجله على الربح بس ان شاء الله اقدر اغطي التكاليف

ادعو لي بالتوفيق

والله يوفق الجميع يااااااااااااار ب
موضوع رائع وصاحبته اروع
أخت لومه الله يسعدك ويوفقك ويستر عليكي دنيا واخره

الله يرزقك ماتتمنى ويوسع عليكي رزقك

والله ماتعرفي قد ايش استفدت من مواضيعك خزنتها عندي وطبعتها وبحاول اقرا واستفيد اكثر واكثر

الله يجزيكي كل خير بكل حرفه وكل كلمه كتبتيها واستفادوا منها البنات بصراحه انت انسانه رائعه الله يجزيكي الجنه على طيبة قلبك وطولة بالك

والله لو اكتب من هنا لبكره مانوفيكي حقك


الساعة الآن 02:04 .