السلام عليكم

الله يعطيكم العافية بجد افتونا واثريتوا معلوماتنا
سؤالي للاخت لوما ممكن اسم وعنوان مشغلك اللي بحي الملك فهد واذا وحدة من الاخوات بتفيدني الله يجزاها خير بس بسرعة ضروري وشكررررا
اقتباس مشاركة  (رغد66)
المحمديه على طريق الأمير سلطان

بعد ماتعدين الهرم وجرير

بعدها بمسافه تلاقين بنك الراجحي

من نفس اللفه اللي عند البنك تدخلين يمين في يمين في يسار

وتمشين شويه تلاقين المكتب مقابل برج موبايلي تماما

أرجو اني أفدتك


تسلمين ياقمر
لااله الا الله ولا حول ولا قوة الا بالله العلي العظيم اللهم لا اعتراض ياختي العصايه او العصابه احترم رايك لكن اسالك بالله العظيم
هل قراتي ماكتبته في الصفحات الاولى قبل الحكم علي ؟

هل تتوقعين وبالحكم القاطع من خلال كلامك باني ماخفت من الله وفقط خوفي من الشرطه قد وقعت بالذنب لانك قذفتيني وحكمتي علي ظلما وبعدين مين قالك اني انا جالسه عشان خساير وفلوس لاوالله وتالله وبالله طز بالفلوس اهم ماعلى الانسان صحته وعياله لكن لما يجيك انسان مايخاف الله وكل يوم يقولك كلام ويواعدك بوعود ويجعل عندك امل بالتريث والصبر وشغلك ماشي وشقيتي وتعبتي وقفتي على حيلك وتركتي بيتك وعيالك ووظيفتك اللي ماتوكل عيش لكن العوض ولا القطيعه وكنتي تبكين الليل والنهار من ضيقة النفس اللي تجي فجاه ومن دون شعور بسبب مشكله او مرارة حتى لو بسيطه خوفا من زعزعة المكان لانك تشوفين كل اللي قاعده تبنينه ينهار بلحظه وش بيكون موقفك تبين تطلعين لا والله تبين تكافحين لاخر قطره
وانا مااقول ماله حق في رفع الايجار ولكن ماله حق يحرمني من تقبيله ولا له حق يحكم علي ويقولي التجاره ربح وخساره انتي اقبلي الخساره وهو يعلم بحالتي وانه مصدر رزقي انا وعيالي ولا له الحق يراوغ بالكلام وكل يوم يقولي كلمه اولا قالي من سنه ان الايجار حيرتفع قلت اوكي مو مشكله طبيعي يرفع الايجار مثل غيره ويوم سالته كم الارتفاع قالي مثل السوق والمحلات اللي حواليكم قلت خير ان شاء الله يوم سالت عن الايجارات لاحظت ان الارتفاع بسيط يعني اللي بعشره الاف صار ب12 الف حلو فاتصلت عليه وقلتله سالنا عن اللايجارات كذا كذا ... فقالي المكتب خلاص يكون خير فجاة وبعد مضي ما يقارب 6 شهور على كلامنا اتصل علي المكتب وقالي حبينا نقولكم ان الايجارات رفعناها من اربعين الف الى 75 الف انا انصدمت من كلامه وشلون نط هالنطه وخصوصا بعد كلامنا الاخير فحاولت اقنعه واشرحله ضروفي اني ما اقدرولو اقدر ماقصرت ....الخ واقترحت عليه اني اطلع بشرط يضمن لي استاجر الشقه الارضيه لما تفضى فقالي هي مستاجره انتي حاولي مع اللي ساكن بالشقه يطلع لانه يقول انه بيطلع اصلا فكلميه يطلع بدري وعوضيه عن الاشهر لحين انتهاء عقده فكلمت اللي بالشقه وشرحت وضعي فقبل وبكل رحابة صدر وانه قاعد يدور على شقه اخرى ففرحت فحاولت اساعده وقعدت ادور له شقه ماخليت مكان لحد ماجبت شقه ارضيه جديده وكبيره احسن من الشقه اللي ساكن فيها وشافها واقتنع بس بلاخيروبعد التعب اللي تعبته ودوراني بالشوارع ليل ونهار وخساير جوالات ووووو رجع في كلامه وقال ماعندها بقاله عشان عجوزه تقدر تروح وتجي لها ولكن انا بطلع في بداية رمضان قلت خير ان شاءالله ويوم اتصلت على المكتب عشان اقوله ايش صار علي واسال عن ايجار الشقه بلاول قالي 24الف مع انها كانت تاجر ب15 الف ثم 18 الف ثم 20 الف لحد 24 الف قلت ان شاء الله توصل لثلاثين الف احسن من 75 الف مع انها قديمه وصغيره بس ميزتها جنب محلاتي الجدار بالجدار عشان زبايني ...الا واتفاجا بعد السؤال يقولي ترا المالك رفع الايجار الى 85 الف جتني الصيحه حرام عليكم ليه تسوون فيني كذا كل ما احاول معاكم واترجاكم اشرحلكم وضعي الا بالعكس يزيدون علي اكثر بيمسكوني باليد اللي توجعني مع العلم اني ماقصرت انا الوحيده وعلى كلام العقاري اللي ادفع الايجارات اول باول عمري ماتاخرت افرح اول ما يكون الايجار عندي اعطيه على طول عشان ينزاح همي فرفضت الزياده الامعقوله وخلال كم يوم بس !!!!قلت طيب تضمن لي الشقه قالي انتي الاولى اكيد فصبرت لين ماحل ايجاري فارسل لي اني اسوي عقد جديد او اطلع الان كيف اطلع الان واللي بالشقه ما طلع وين اروح الموضوع مب سهل ويبغاله وقت عشان اطلع ...والمشكله ان اللي بالشقه ينتهي عقده بعدي ايش اسوي ؟ قالنا مب شغلنا وهذا حكم المالك ..الخ واشار علي اقبله قلت اوكي مع اني ماودي بس مين يقبل محلات ايجارهم 85 الف مافيه احد بيرضى وانا ماالومهم يمكن فيه ناس طمعوه بزياده بلايجار عشان اطلع وهذا اكتشفته لاحقا من خلال المكتب لكن انا ايش ذنبي يقطعون رزقي ويقفلونها علي من جميع الجهات ولا علشاني طيبه وعلى نياتي .
بلاخير قال حشتكيك للشرطه قلت له اشتك خلاص انا تعبت وفعلا راح واشتكى على لكن ماحت انا راح زوجي وقالوله يا تدفع الايجار الجديد او تطلع الان فجاب زوجي واسطه انه يجلس سنه اخرى بنفس الايجار الاول واذا انتهت السنه يا يدفع الايجار الجديد او يطلع قلنا اوكيه فشكلهم انقهرو من القرار ويبون يعوضون اللي فات ويبون ينتقمون مني مع اني والله ان القرار ما عجبني ولا ودي صار اللي صار وكان مع زوجي شيك ب60الف ريال بيعطيهم لكن صار اللي صار وبعد القرار رجعت اكلم المالك باني مالي دخل واني مالي ذنب وانتم اللي حديتونا على كذا واخر كلامي قلت انا ممكن اخل بالقرار وارجع اعطيك الشيك اللي محتفظ فيه زوجي ودفعه واحده ندفعلك الايجار مو دفعتين وانا بكذا احاول ارضي الطرفين هوا وانا .
ولا رد علي فحاولت بالشقه مره تانيه ووعدني المكتب فيها واخينا بالله اتاري اللي فيها ما طلع ولا شي وهو اللي وهقنا وحاسنا مع المالك الله يهديه مع انه من سنه وهو يقول انا بطلع ولا طلع ويوم قرب انتهاء العقد الاخير بثلاث شهور اتصلت على المكتب اسال عن الشقه الا ويوقولي ابشرك انه بيطلع بعد شهرين والله فرحتي ما توصف ولكن صدمني مره تانيه وقالي لا تفرحين كثير ترا المالك ما يبغا ياجر حيطلع كل اللي بالعماره واصلا مابقي الا انتي والشقه وبيحولها مكاتب قلت اوكي مومشكله من حقه يسوي اللي يبيه لكن انا على امل بالشقه عشان كذا ماقدرت اقبله وليش ماقلتولي مااتصلتو علي حرام والله انكم ضلمتوني ووهقتوني وحستو علي وشتتو تفكيري وش الذنب اللي سويته فهموني؟؟؟
وطبعا رد المكتب كالعاده بكل برود ايش اسوي لك !!!!!!!
قال شيلي عفشك واطلعي والله ثم والله اني وانا اكلمه ابكي اقوله خافو الله فيني لا تسوون فيني كذا انا بطلع بس اعطوني فرصه بتقبيله قالي انتي اصلا مالك حق تقبليه لان عقدك حينتهي وخلاص لا تحاولين اكثر مالك حق عندنا قلت طيب طز بالمحلات ولا ابي تنازل بس عوضوني بالشقه على الاقل قال هو مايبي ياجر حريم لكن بحاول معاه محاوله اخيره اتوقع يا بنات انهم طابخينه مع بعض ومتفقين وكان هدفهم مادي مو انهم مايبون ياجرون لان المكتب اتصل علي يقولي ان المالك وافق ياجرني الشقه ولكن الخبر السئ ان الايجار 40الف ريال قلت ليه شقه صغيره في عماره قديمه 25 سنه ومب على شارع عام ب40 الف متحس انه ضلمني وبيمسكني باليد اللي توجعني فرجعت احاول معاه وهو رافض حت قلت له اعطيك ايجار كامل 30 الف مره وحده وكل سنه اعطيك ايجارك دفعه واحده وبرضو رفض لا حياة لمن تنادي القلوب حجر حاولت بكل السبل ما استطعت وبلاخير اقنعت وحده انها تاخذ المحلات وشرحت لها ان الايجار ب85 الف ويوم عطيتها رقم المالك وكلمته قال كلمي على المكتب ويوم كلمت المكتب قالها ان الايجار 120 الف ريال ياناس ياعالم ياهووووووه هل يعقل هذا وخلال شهرين فقط صار هذا كله طبعا هي رفضت وصرفت النضر وقالت 85 الف ويخب عليه ولو ماانه قريب من محلها وزباينها ما اخذته بهالقيمه
ورجعت اكلمه قلت ليش ترفضون تاجرونها؟ ليش كل يوم لكم كلمه؟ ليش ما تصيرون مثل الناس والخلق كلمتكم وحده ومن اول مره؟ ليش ليش ليش وانا الحين ارجع في كلامي لاحظووووووو يا بنات كيف هالمده كلها اترجاهم واحاول ارضيهم وجبت لهم ناس يقبلون المشغل بالايجار اللي يبون وتنازلت عن محلاتي وعن خسارتي وقلت ربي يعوضني خيرا منه لكن ارجع واقوله ابي الشقه فطبعا سفهوني وطنشوني لحد ما ارسلتهم رساله اخيره استفسر عنها اتاري يرد المكتب يقولي للاسف الشقه تاجرت عن طريق المالك شفتو كيف تم الموضوع وشلون دبروها وكيف التناقض هذا مره بياجرون مره لا مره بيحولوها مكاتب لكن ارسلت لهم رساله بان الموضوع اصبح عناااااااااد وماراح اطلع وقلتلهم طفو الكهرب واقطعو المويه خلالالالالالالا لالالالالالالال الالالالالالالا ص انا بايعتها تعبت مليت لكن دعيت عليهم ان الله يقطع ارزاقهم مثل ماقطعو رزقي ورزق عيالي وان ضيقتي وهمي وتعبي ان الله يجعلها فيهم وبعيالهم وحسبي الله عليهم ونعمى الوكيل وان الله ما يضيع حق احد وان الظلم ظلمات يوم القيامه

هااااااااااه يالعصايه بعد سرد القصه من طق طق لسلام عليكم مين الحق معاه بغض النظر عن الماديات وانما بلاتفاقيات والكلام والوعود اللي حصلت والله على ما اقوله شهيد وحسبي الله على من ظلمني واللي ايده في النار مو متل اللي ايد بالمويه وما يحس الانسان بغيره الا اللي عايشها وصرااااااحه عذرا مداخلتك غريبه وش هالحميه والحماس عسا ماتكونين من المشاغل اللي جنبي و حاسديني ويبوني اطلع او زوجة المالك وانا ماادري مااقول الا لله في خلقه شؤون عزيزتي اسأل الله ان من اراد بك سوء ان يرده بنحره وينصرك على من عاداك.............سبح ن الله كل المعوقات التي تمنعك على الاستمرار دليل ان شاءالله على الخيره فيما اختاره الله ماتدرين وين الخيره فيه يمكن الله يعوضك في موقع احل من محله وايجاراقل وسمعه اكبر ............لاتيئسين خلي ثقتك بالله قويه...وكلي امرك لله....والانسان يرزق على نيته هم نيتهم سيئه ثقي ان الله ماراح يوفقهم لانهم قطعو رزقك .......وانا يااختي مريت بظروف الله يعلم فيها؟؟؟؟ لين الله ارسلي بنت الحلال الي اخذت بيدي ووجهتني ونصحتني.ودعمتني نفسياًومادياً. فعلاً هي أختي التى لم تلدها امي انسانه كانت لاتعرفني ولااعرفها جمعني فيا القدر سبحان الله كأن الله ارسلها لي ...والله ثم والله ثم والله انها كل ماتطري على بالي ادعيلها من كل قلبي ان الله يوفقها ويرزقها ويحميها من كل شر لانها انسانه نادره في الوجود ....تبون تعرفون مين هي (لوما الكثومه )الله يوفق هالانسانه وين ماتروح ..اسأل الله العظيم رب العرش العظيم ان يشفيك يالومه ويقومك باسلامه ويخليك لنا يارب..وعلى نياتكم ترزقون..
سبحان الله وبحمده سبحان الله العظيم مطلوب كوفيره فلبينيه شامله لتنازل ويوجد كوفيره مغربيه لتنازل
اقتباس مشاركة  (اطلال ذكرى)
متفائلة الله يفرجها علي وعليك .. انا ماقلتلها صاحبات المشاغل يجوها من دون علمي

وانا اعطيها 1700

كانت 1500 وزودتها .. حسبي الله ونعم الوكيل ..

شرايك بكم اتنازل عنها ؟؟؟

ودي اسفرها وانتقم منها بس احس بترجغ بسرعه لان زوجها يشتغل بشركة هنا
شوفي أختي انا عندي طريقه حلوه قوليلها ان سفرتك بخليهم يختمون على جوازك وماتقدرين ترجعين لمده 5 سنين واذا اصرت على السفر قوليلها بسويلك تأشيره ذهاب وعوده وتكون مدتها تقريبا سنه ما تقدر ترجع الا لك لإنك أنتي كفيلتها وبتستلمينها من المطار وراح تجلس غصبا عنها لأنه لو تنازلتي عنها انتي اللي بتخسرين وما بتلاقين وحده ثانيه بسهوله وكمان علشان الباقين يعرفون انك منتي بسهوله ممكن يلون ذراعك
اقتباس مشاركة  (مرة مشعان)
وعليكم السلام

موشررط شهادة الخياطة والتجميل أهم شي شهادة الثانوية

والتكاليف على حسب الموقع والغالب أقل شي 80 الف

والله يعينك على التعب

أنا الآن لي سته شهور من أخذت المكان والى الآن مكتب العمل ماأعطاني تأشيرات عشان أبدأ الشغل
الله يجزاك خير حبيبتي

مشكوره ماقصرتي ..

يووه الله يعينك ويسهل امرك ...
يعني ماتنصحيني افتح مشغل ؟؟


من وزن 40 الى 49


الساعة الآن 04:10 .