بنات ضايق صدري ودي اصيح

السالفه ياطويلات العمر بعد تفكير قررت اني اسوي فرد الكراتين مشغلي بعد الحاح من العامله الفلبينه انها تعرف من هاحكي
المهم ماخليت رقم محل تجميل الا ودقيت عليه ولا خليت مندوبه الا وكلمتها علشان ابي الكراتين الاصلي جلوبال
المهم اشتريته علمتني المندوبه طريقته بطريقه سريعه طبعا ارسلتلي المندوبه سي دي بس للاسف مافيه الا باللغه الاسبانيه
المهم الرجال اللي بشتغل بالسي دي وهو يفرد الشعر يرش ماده على الشعر سئلت العامله بماعنده من خبره ايش هذي قالت مويه مخلوط بلسم
قلت متاكده قالت ايه اكيد مكتوب على العلبه

المهم فيه بنت اتفقت افرد لها شعرها مجانا لان شعرها خشن حيل متعقده منه نفسيا طبعا هذا كلام امها وحالتهم الماديه سيئه رحمت البنت وقررت افرد شعرها مجانا
عمر البنت10 سنوات
دقيت على ام البنت وقلت تعال



جت البنت وفردنا لها شعرها وكله تمام وطلع يجنن وقلت لها لا تغسلينه الا بعد 4 ايام


وعطيت البنت شامبو خاص


بعد ماراحت الزبونه قالت الكوفيرا المفروض نغسل شعرها بس بلسم مو بشامبو
دقيت على المندوبه وقلت لها كلام الكوفيرا قالت البلسم والشامبو تستعملهن


و سالتها عن سالفة رش البلسم مخلوط مويه وحنا نفرد
قالت غلط فردكم وبعد ماتغسل الزبونه شعرها راح يرجع زي اول لان البلسم صار حاجز بين الشعره ومادة الكيراتين



دقيت على ام البنت وقلت لها بعد اربع ايام تعالي اغسلي شعر بنتك عندنا


والله يابنات ضاق صدري مرررررررررررررررررررررررررره ودي اكفخ الكوفيرا
والمشكله مصره على طريقته تقول حنا بالفلبين كذا اقولها المنتج يختلف
ماتفهم وتقول بكل برود نرجع نعيد لها مره ثانيه


الحين البنت بتروح للمدرسه وشعرها مفرود وراح سئلنها البنات من فرد شعرك بتقول مشغلنا ومن بكرا بتغسل شعرها بيرجع زي اول خشن حيل بنضرب سمعتنا
27-10-1431 هـ, 09:16 مساءً
 
كيفكم ان شاء الله بخير انا جالسه اجهز مشغلى مو عارفه ايش افضل انواع لشدوهات تكون حلوه وبفس الوقت غير مكلفه يعني تنفع للمشاغل انا افكر في بل فيساج احس الوانها حلوه ومو باهته انتم ايش رايكم
28-10-1431 هـ, 11:01 صباحاً
 
اقتباس مشاركة  (ازهار حديقه)
كيفكم ان شاء الله بخير انا جالسه اجهز مشغلى مو عارفه ايش افضل انواع لشدوهات تكون حلوه وبفس الوقت غير مكلفه يعني تنفع للمشاغل انا افكر في بل فيساج احس الوانها حلوه ومو باهته انتم ايش رايكم
انا عندي من بلفيزاج حلوه لكن اختاري اللون الصحيح لان فيها الوان باهته قبل ماتشترين سجلي الارقام الحلوه من كل لون لان كل لون منه باهت وناااقع
ابي اسال اصحاب الخبره في الفرد ابي فرد ممتاز وابي اتعلمه ابيه دايم يعني بعد فتره تفرد جذوره فقط تكفون دلوني
وبنسبه للقص انا عندي القص ب50 لكن يجوني زباين يقلون نبي تحديد ولما اسالهم كيف يقولو نفس قصتهم بس اقص الطبقات مره ثانيه فانا اعتبرها قصه مو تحديد وقول ب50 لكن يزعلون ويقولوا لا في المشاغل التحديد غير سعره25 وش رايكم احس كذا راح يكون فيه تحايل مزي الي يبي مكياج ناعم وبعد ماتحط تقول زدي شوي اسحبي شوي حطي لمعه ووو لما تسوي فخم وش رايكم
28-10-1431 هـ, 12:08 مساءً
 
اختي فخوره بالنسبه للفرد انا ماعندي خلفيه للاسف خصوصا الكيراتين بحثت وسالت على ايهم الاصلي كل واحد يقول شي وبصراحه كنسلت الفكره مع العلم كثير يسالون لانها مسؤوليه يا ترفع المشغل يا تسيئه

اما من ناحية قص الشعر ههههههه ياحبيلك مو اي شي يقولونه الزباين تصدقينه بالنسبه للقص على قولتهم قص اطراف مثلا تجيك وحده شعرها لنصف الظهر قطعه واحده تقوم الكوافيره تقصه باستقامه واحده مو طبقات اما بالنسبه للقص العادي يقسم الشعر الى طبقات ويقص وانا للامانه كوافيراتي حتى لو قص اطراف يقسمون الشعر وكل وحده حسب طريقتها
28-10-1431 هـ, 01:49 مساءً
 
السلام عليكم

كيف اخواتي ان شاء الله تمام

وكيف لوما ان شاء الله احسن

بغيت اسالكم وش رايكم في الكوافيرات الفلبينيات الي سبق لهم العمل في الكويت والبحرين

هل يتاقلمين على النظام في السعودية او لا
28-10-1431 هـ, 05:05 مساءً
 


الساعة الآن 02:01 .