هههههههههههههههههههه

بس والله زوجي خوفني مره
بس الله يجزاكم خير افدتوني
انا باقول لابوي عن هالموضوع وهو يشوف له صرفه
اهم شي ارجع لبتي قبل رمضان وارتب بيتي<<هذا اللي هامها

يارب توصلين بالسلامه وماعليك شر ابد

امور بسيطه كلها ورقه جاهزة ومطبوعه عندهم بس توقيع من الوالد

وحتى بالرجوع كنت خايفه والحمد الله ربي يسرها وصلت بالسلامه ومحدثتك ماعاد تدعيدها ابد


<<<<<<<<<< قويه

هلا بنت سدير كيفك
ماودي اخوفك بس ودي تاخذي احتياطك
انا يوم رجعت لوحدي لامريكا كان زوجي في امريكا والجوازات رفضت تعطيني تصريح سفر الا بحضور الزوج
حتى ابوي الله يطول بعمره رفضوا قالوا لازم وجود الزوج المهم زوجي ارسل وكاله شرعيه وارسلها على اخوه واخوه طلع لنا تصريح السفر
بس المره الثانيه بعد ماجبت بنتي بالسعوديه ولازم تصريح سفر من ابوها
جبنا تصريح بواسطه كبيره
اسالي وتاكدي ززززين قبل موعد السفر لاتوهقين وانتى في المطار
وسمعت ان اللحين صارت سهله انه رسله زوجك تصريح مووو مثل على خبري
ووالله يسررر لك امرك ويوصلك بيتك سالمه
ويسررر لي سفر لاهلي ورجعتي لزوجي

يالغلا انا صار لي مثلك .. وفعلا زوجك صادق

وبالمطار ما تقدرين تطلعين الا بشيين ..

اما ورقة من زوجك (وانتي ما سويتيها)
او ابوك يكون معك بالمطار مع اثباته يطلعك ..

ماودي اضيق صدرك
بس في الغالب صعب انا مريت بنفس موقفك
زوجي بكندا ومامعي ترخيص سفر واخوي اللي بيسافر معي ولا رضوا
وكلمنا كم شخص بالجوازات ولا فاد الا لما جت الواسطه من طرف اهل زوجي وافقوا وطلعوني على مسؤوليتهم
نظام عقيم بس وش نسوي حاولي تطلعين ترخيص احسن لك

وعلى فكره خلي ابوك يجرب والا انا ابوي راح للجوازات بيطلع لولدي جواز سعودي ورفضوا!!! يقولون لازم ابوه يجي يطلع
لكن الواسطه فوق كل شي راح ابوي دخل على مدير الجوازات وطلعوه بنفس اليوم