عندي سلطه حلوه مع صلصه عجيبه و حاره.............

السلطه عباره عن خس أمريكي مقطع + فاصوليا المضغوطه ( تبع الاطباق الصيتيه ) مفوره قليلا + مشروم طازج مقطع شرائح + جوز منقوع في ماء حار + فلفل بارد ملون مقطع ال مكعبات + القليل من الكزبره و النعناع و البقدونس و الشبت غير مقطع يعني حبات كبيره + ملفوف بنفسجي + حلبه نابته + عروق صويا + فاصوليا حمراء علب.
تصف على شكل الوان ثم توضع عليها الصلصه.

الصلصه عباره عن :
فنجان من الصلصه الفرنسيه الجاهزه + فنجان من الصلصه الايطاليه+ نصف فنجان من thai chilli sauce+ واحد ونصف م. ك HP صلصة شرائح اللحم + 2 م.ك كاتشب + نصف فنجان صويا صوص أو حسب الرغيه + شوي من زيت السمسم + دقوس حسب الرغبه في الحراره.

و اتمنى انها تنال اعجابج..........
اثنين ديسمبر لها عيدي... دولتي يا كيف أعايدها؟؟؟.... أسكب الدمعات وش بيدي...... عيدها من غير قايدها..... أصرخ بآأهي وتنهيدي... اليتيمه غاب عنها والدها..... زاد فيني الحزن ترديدي... كيف هي من دون زايدها؟؟...
عندي لك طريقة سلطة رووووعه بس حاااااااااااارة
يعني الله يعين ضيوفك
جيبي فلفل حار الكمية اللي تبين ودقيها مع شوية ثوم (دقيها في الهاون دق جامد)وبعدين اخلطيها مع شوية معجون طماطم وملح وشوية خل ابيض وليمون حسب الرغبة وقدميها
تذكرت سلطة اكثر من روووووووووعة ومتأكدة راح يسالونك عن طريقتها
اسمها سلطة الحمر او التمر هندي
---
نقعي تمر هندي في ماء وفصصيه وبعدين شيلي الفصوص وارميها وحطي التمر هندي مع مويته في الخلاط واضيفي له طماطم على حسب كمية التمر هندي ( يعني يكون التمر هندي اكثر من الطماطم) واضيفي ايضا الفلفل الحار حسب رغبتك وشوية ليمون وشوية ثوم وكمون وفلفل مدقوق وملح واخلطيها في الخلاط ثم قدميها
صدقيني روعه وراح تعجبك وتعجب ضيوفك
بس مافهمت عليك طماطم مستوي شلون يعني مطبووووخ ؟؟
لا حبيبتي ومشكوره على الدعوات الحلوه .........بالنسبه للطماطم هي طماطم عاااااديه بس لنتي حطيها في ماء حار لين تفك الجلده وبعدين اهرسيها


الساعة الآن 03:54 .