خدامتي بتسافر واناعلى مشارف رمضان كيف ارتب وقتي

عادي حبيبتي مو لازم شغاله م اعليك الا تنظمي وقت وتعودي من الحين
اول ما تجلسين من النوم نظفي الاشياء الخفيفه عشان اذا جلسو اكفالك ما تتراكم العفسه
المهم تنظفيني البيت وتقفضينه واخذي لك استراحه و اذا جلسو العيال خليهم يلعبون على كيفهم
بس اذا ما تبين عفسه شغلي لهم عـ التلفزيون وبيصيرو لك هااادئين و طبعاً بدأي تجهزين الاشياء حق الفطور
و اذا جا وقت صلاه الظهر تعبدي ربك وصلي وابدي في المطبخ اطبخي للفطور :angry:
وقبل ما تطلعين من المطبخ غسلي كلل الصحون عشان ما يتراكمون وقفلي الباب على العيال
وقفضي عفسه عيالك وحاولي ان كل ما عفسو الاطفال نظفي بأسرع وقت علشان ما تتراكم الاشياء
والباقي عليك :icon28:
سلامتك :26:

الحال من بعضه انا وانتي في الهواء سوا وهي قالت قرار السفره فجأه الله يجعل سفرتها خير علي وزوجي وذريتي والمسلمين يا رب

بورك لامتي في بكورها ،،، واهم شي عيالك بسم الله عليهم كبار عوديهم من الحين قبل رمضان يرتبون غرفهم واي شي ياخذون يرجعونه محله ،،لاااااازم تعودينهم على هالشي
فرزني كل اللي تقدرين عليه من فطاير وسمبوسه واصابع وكذا ،،،
اي شي في البيت طول اليوم لازم يكون في محله لان هذا يخفف التنظيف ،،خذتي شي رجعيه محله وعائلتك عوديهم على هالشي ،،خلي تنظيف البيت كله في الليل قبل النوم ،،،امسحي الغبره ،،ونظفي الارض وفضي الزباله واكنسي واغسلي الحمامات واذا كنتي سريعه ماراح ياخذ وقت ولو تعودين الصغار يساعدونك باللي يقدرون عليه ،،
خلصتي تحممي واقري قران ،،
المطبخ دايما خليه نظيف اذا صحيتي قبل الظهر قطعي البصل وخليه يكفي لمده يومين ،،سوي اللحمه المفرومه وكثريها ليومين ،،الشوربه سويها ونفس الشي ليومين ،،الفيمتو والعصير سويه بالليل احسن عشان يبرد وعشان يخفف الزحمه عليك والكريم كراميل والحلو نفس الشي سويه بالليل ،،
السمبوسه سوي اللحمه المفرومه بالنهار واحشيها بالليل لبكره اذا ماتبين المفرزن ،،باختصار الطبخ خليه في النهار والاشياء اللي ماتحتاج طبخ مثل لف السمبوسه سويها بالليل ،،ابدي بسحورك وانتي تصلحين فطورك ،،،اسلقي الدجاج او اللحمه وخلصيها في النهار مع الفطور ،،واذا جا وقت السحور بس كملي طبختك بسرعه وسهوله وبدون توصيخ للفرن وكثر صحون ..
غسيلك اشتري اتوماتيك وغسلي يوميا او كل يومين واكوي برا لو قدرتي او اكوي المهم وخلي البيجامات طبقيها وخلاص ،،
ولاتستهينين بوصيه الرسول عليه الصلاه والسلام لبنته لما طلبت خادم ،،طبقيها وبتشوفين كيف ربي يبارك لك في وقتك وتتفاجئين من انك قدرتي تسوين كل شي تبينه ،،نظمي وقتك ترا الروتين شي مهم جدا ،، النت له ساعه ،،التراويح نص ساعه مثلا ،،القران نص ساعه ،،
تصحين في وقت محدد ،،تنامين بوقت محدد ،،تغسلين بوقت محدد وتنظفين وتنومين عيالك ووووو..والله يساعدك ويعينك يارب

الله يكون بعونك ويساعدك يارب

الله يكوون في عوونك