آسفة خواتي على التأخير.. لأني مادخلت النت صار لي كم يوم بس يوم فتحت تفاجأت بالردود..
يا حبيباتي أنا ذكرت لكم انه بنك الرياض وما يهم أي فرع!!!! والمبلغ موب 500 ريال يا حبايبي هذي قيمة (المحفظــــــــــــــــــــة) والمبلغ اللي مساهمة فيه خمسين ألف ريال يعني بالضبط زي وضع كهرمان بس هي الضعف وهي فاتحة محفظة عشان أسهم قديمة كانت عندها ولا سحبت أرباحها وهم بيخلصونها لها....فنصحتها الموظفةاللي في البنك بهذه الفكرة ولكن ما نوعية المشاريع اللي يتعاملون فيها ما عندي علم!!! عشان كذا انا سألت ذوي الاختصاص يفهمونا وش هالمشاريع اللي يتضاعق ربحها بهالصورة؟؟؟!!! وحسب كلام البنك نفسه الدعوة ربح وخسارة!!!!!!!!!! بس ان شاء الله راح ازور الفرع مع الوالدة بأقرب وقت واوافيكم بالجديد.. شكرا للجميع على التفاعل......................

الاخت عتاب السنين
لا أظن اني أفعل العكس..

حسب معلوماتي والخبر اللي نشر في جريدة الجزيرة يوم الثلاثاء 7/12 ان بنك الرياض فيه هيئة شرعية برئاسة الشيخ المنيع وعضوية الشيخ المطلق وقاموا بالامس بافتتاح فروع اسلامية جديدة بالرياض!! والله اعلم

ياليت احد فاهم وله تجربه طبعا بعد سؤال شيوخ ثقه ويقولنا
يارب ارزقنا ووسع رزقنا جميعا بالحلال

أيوه يابنات ياريت احد يسأل شيخ ثقة ,,, والله نستفيد وندعي له :26:

الكلام هذا غير معقول أبداً.. مع الأعتذار لك أختي.. لكن لا يمكن يدخل العقل لأي شخص فاهم في معاملات البنوك..

أنا فتحت صندوق استثماري متوسط في الراجحي بألفين دولار يعني حوالي 8000 ريال.. وما طلع لي ربح إلا 150 ريال (أو أقل) خلالسنة تقريباً لأنها على ما يبدو كانت سنة قحط على حظي..!

أرباح الصناديق والمحافظ بسيط جداً ومتوسطها 15% للصناديق الآمنة ، وأقصى ما يمكن أن تصل إليه عادة هو 50% إذا كانت المخاطرة فيها عالية مثل صناديق الأسهم الآسيوية..

أكيد قصدك أنها حطت << 50 ألف >> علشان يطلع لها 12 ألف اللي هو 24% من قيمة رأس المال وهذه نسبة معقولة بل عالية جداً بالنسبة لأرباح المحافظ والصناديق..

أنا أعرف مديرات وعاملات بنوك كثيرات بعضهم صديقاتي وما عمر أحد قال أن فيه أي صندوق (حتى الحسابات الربوية المحرمة) يعطي هالنسبة المهولة اللي ذكرتيها أختي (عذراً) اللي هي 2400% يعني 24 ضعف!!!!!!!!!! وإلا كان الناس ما اشتغلت ولا طلعت للعمل..