السلام عليكم ورحمة الله وبركاااتة

شخباركم بنات وش علومكم ؟ كيف الرشاقه معكم


بدخل بالموضوع على طووول << ماتعرف تكتب مقدمات

انا توني واصله السعوديه من اسبوع وشفت وحده قريبتي كانت دوبه لكن الصراحه ماكانت دووبه مره

لكن صااااارت الحين بااااااربي ماشاء الله تبارك الله شفتها في زواج واستحيت اسالها وش مسووويه

الا صدفه بنتها تسولف معي بعد كم يوم وجابت طاري حبوب تنحيف من لبنان وانه قريبهم دكتور شاف الحبوب وقال مافيها شي وعلى المحتويات كويسه وحتى طلب علبتين منهم

عاد انا انهبببلت وقلت هذا المطلوب وتطمنت علشان الدكتور طلب منهم

وقالت لي انه امها طلبتها من وحده صديقتها لبنانيه جابتها من لبنان براس مالهم بدون فايده

ونشبت لهم الصراحه ... وماقصرت ام البنت قالت انا خلاص نحفت وبعطيك حقين وانا بطلب لي بعدين

والحمد لله اخذت منها حق 3 شهور

والعلبه ب150 ريال عطتني اياها وانا شفت سعرها بموقعهم 150 ريال بدون شحن

وقالت لي انه وحده تعرفها بعد كانت دوووووبه بشكل مو طبيعي والحين صارت رششششيقه من هالحبوب ومررره تشجعت يا بنات

واليوم ثاني يوم لي مع الحبوب دعواتكم انها تجيب نتيجه معاي

والحبوب تساعد على سد الشهيه وحرق الدهون بالجسم

وحبه اول ماتصحين الصبح مع كاسه مويه كبيره

انا امس واليوم من يوم اخذها احس نفسي تصدددد عن الاكل واحس نفسي شبعااانه مره كاني ماكله ذبيحه

حتى غصبت نفسي اتغداا بس قلت علشان ماياثر على صحتي واكلت بس صحن مرق مع برتقاله وبالغصصصب ماكنت مشتهيه

واول اسبوع يقولون ينزل الوزن من 4 الى 5 كيلو

والصراحه ماقست نفسي اول يوم لكن ان شاء الله بقيسسسه من بكره واشوف كم نزلت عليها بعد اسبوع

والعبله الوحده مدتها شهر فيها 30 حبه يقولون تنزل بين 8 الى 15 كيلو

واي معلومات يا بنات انا في الخدمة وان شاء الله اقول لكم بالنتايج

ولو في تاجرات يوفرونها يعطوني خبرر لاني شفت سعرها مع الشحن تطلع العلبه ب250 تقريباً

بنات اللى جربتها ولا تعرف احد جربها تقول لنا التجارب

الهدف الأول
دعواتكم يا بنات
شكرا عيوني

بس ما قلتي حبيبتي ايش اسمها علشان نفيدك
uuuuuuuuuuuupppppppppppppppppp pp
حسبي الله ونعم الوكيل على من نبش بمواضيعي وخرب علي حسبي الله ومابدعي عليه بس شكوته للخالق
رفع000
الله اغفر للمسلمين والمسلمات والمؤمنين والمؤمنات الاحياء منهم والاموات
طيب ياليت تكتبين اسمهاااا عشان نبحث عن معلومات عنها؟؟

بس الخوف انه لها اضرار على المدى البعيد لاقدر الله

ياليتك اتصلتي على صيدلاني معروف بااحدى الصيدليات الكبيرة وسئلتيه عن اسمها واضرارها





الساعة الآن 04:39 .