Analysis Services
  • «
  • 1
  • 2
  • 3
  • >
  • »
بنات الله يسعدكم اتحمست وصلحت ملوخية ناشفة ومن غشامتي لما نخلت الملوخية ماعرفت استخدم اللي في المنخل ولا اللي نزل منها فقمت استعملت الناعمة اللي نزلت

سؤالي بعد ما عملتا قال زوجي ان طعمها تراب طيب هل هي طعم الملوخية الناشفة كذا ولا انا غلطت ولا شلون

يعني اكب الملوخية وانا مصلحة كثير ؟ ولا كيف؟؟
02-08-1431 هـ, 12:19 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
بليييييييييييز
02-08-1431 هـ, 01:33 صباحاً
 
مافهمت على العموم أخذي أوراق الملوخيه ويبسيهافي الشمس ثم إ طحنيها زين وسوي حمسة بصل وثوم ثم حطي عصير الطماطم وشوي صلصه وبزار ثم الحم أوالدجاج ثم سكري الغطا خليها تتسبك ثم حطي ماء حار إذا قاربت في الإستواء حطي الملوخيه ثم خليها عشر دقائق ثم احمسي ثوم مفروم وزبده وكزبره خضراء مفرومه وحطيها على قدر اللي فيه الملوخيه ثم طفي النار وهذي مره لذيذه وإذا قصدك الملوخيه الينه خذي الاوراق ثم حطيها في الخلاط وحطي شوي ماء معها عشان تنخلط زين ولاتنخلين الملوخيه أبداوسويها نفس طريقة اليابسه
02-08-1431 هـ, 01:59 صباحاً
 
انتي اللي نشفتيها والا شريتيها منشفه
اذا شريتيها من برى يكون فيها تراب كثير لانهم ما يغسلونها
على طول ينشفونها
لانهم لو غسلوها تخرب
ليه نخلتيها
حطيها كلها راح طعم الملوخيه
ان شاء الله ابنشف اذا وصلت الراياض
وابعلمك .......... بس ارسلي لي على الخاص
روحي لملف اسمه استشاره يوميه للاخت
don
لان اغلبهم من مصر واتوقع بيفيدونك اكثر
موفقه
02-08-1431 هـ, 02:03 صباحاً
 
لا أختي طعمها مو تراب بس يمكن نوع الورق اصلن مو زين أنا عندي طريقه أخذتها من جارتي مصريه وهي تسوين مرقه عاديه دجاج او لحم وتورقين الملوخيه قبل زيانها بكم يوم وتغسلينها وتيبسينها ولاجا يوم الملوخيه احمسي بصل وحطي معه شوي زيت ولاتحمر ضيفي له مويه وخليه يغلي شوي وشوي بهارات وثلاث حبات دارسين وحطي لحمه اودجاج مقطعه وخليها لين تستوي لاستوت خوذي الورق الي يبستيه واطحنيه بيدك وسط زبديه وحطيه على المرقه وخليها تغلي كم غليه وبدون ماتغطينها خليها مكشوفه وهذا سر نجاح الملوخيه وكذا ماراح تفقد لزوجتها وفي هالوقت جهزي لك كم فص ثوم على حسب الرغبه قطعيه صغار وحمسيه شوي مع سمنه المراعي او زبده واهم شي انتبهي لايحترق وحطي عليه شوي كزبره يابسه يعني ملعقه ونصف صغيره وقلبيها لين تطلع ريحتها وحطيها بسرعه على الملوخيه وبسرعه طفيها وغطيها شوي وبالعافيه عليكم واذا تبين نكهه حلوه على الملوخيه وقت التقديم في الصحن حطي عليها شوي سمنه المراعي وتقدم مع صحن رز ابيض او رز مصري محمص نصه والنص الاخر بدون حمص ويطبخ جميعا في قليل من الماء ونصف كاس جبن صغير زيت ويقدم بعد تعبأته في صحن مستدير ويقلب ويزين بالليمون والبقدونس
02-08-1431 هـ, 02:04 صباحاً
 


الساعة الآن 12:41 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏