Analysis Services
سلام بنات..انا شفت البرنامج في التلفزيون و مت ضحك...لهالدرجه الهنود غزونا؟ حتى شايهم صار هو المعتمد...على العموم هذي طريقتي في الكرك كل مدمنين الكرك في العائله يتخبلون عليه...المقادير لكوبين و انتوا دبلوا على كيفكم..
حطي في الغوري ثلاث اكواب ماء(الكوب اللي بتشربون فيه الشاي)
تخلينه لين يغلي تحطين ثلاث ملاعق صغيره سكر او حسب الرغبه و تخلينه يغلي شوي بعدين تحطين نص ملعقه صغيره هيل مطحون و تخلينه شوي يغلي بعدين تحطين ملعقتين صغار شاي بودره بروك بوند...مب ورق و لا اكياس و تخففين النر و تخلينه يغلي 3 دقايق بعدين تحطين علبة حليب رينبو كامله و تخلينه يغلي على نار هاديه 3 او 4 دقايق في هذي الأثناء دوري لج على ساري هندي و البسيه علشان تكملين الصوره
23-10-1425 هـ, 03:53 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
هههههههههههههههههه

ضحكتيني على الساري الهندي...

نفس طريقتي اللي اسويها ..بالضبـــــــــــط
لكن انا اخذ حليب ريمبو اللي على هيــــل
ويطلع حلوووووووووووو

مشكورة اختي على الطريقة ..
23-10-1425 هـ, 05:37 مساءً
 
هلا موج البحرين...مشكوره حبوبه عالرد..بيرب الرينبو اللي بالهيل عجبتني فكرتج...شكرا
23-10-1425 هـ, 09:08 مساءً
 
ههههههههههههه حلوة منج
و الله خاطري في شاي كرك الحيييييييييين بس الساعة 5 شو اللي بيرقدني!!
يعطيج العافية ..
24-10-1425 هـ, 03:06 صباحاً
 
ضي الصباح...احلى من شاي الكرك ضحكتج يالغاليه...مشكوره عالرد بس يربيه بيعجبج ان شاء الله
26-10-1425 هـ, 07:23 مساءً
 


الساعة الآن 11:24 .