السلام عليكم ورحمة الله وبركاته .....

كيفكم يا بنات عالم حواء ؟؟؟؟؟


بصراحه جت على بالي هذي اللعبه اللي هي ان كل وحده منكم تدخل وتعلمنا وش طابخه اليوم .....
فطور او غداء اوعشاء او حلى او اي شي مسويته في مطبخها <<<< الاخت ملقوفه مررره
عشان الكل يستفيد وبصراحه انا تجيني ايام احتار وش اطبخ فيها فابغى استفيد منكم وافيد
الله لا يحرمني منكم ... آآآآآآمين يا رب العالمين ..



انا بالنسبه لي طابخه اليوم صينية خضار رهييييبه وطريقتها ...
قطعت الخضار قطع صغيره ( مكعبات ) وكشنت بصل وطماط وثوم وماجي وبهارات وملح واضفت لها مويه ودخلتها الفرن لمدة ساعه تقريبا ... وبعدين قدمتها مع خبز .. وبصراحه صارت لذيذه مرررره , مفيده وتدفي ...



يالله عاد لا تحرمونا من مشاركاتكم يا طباخات ..



اللهم اني اعوذ بك من زوال نعمتك وتحول عافيتك وفجاءة نقمتك وجميع سخطك
وعليكم السلام ورحمة الله وبركاته :
فكره حلوه يالله نبدآ اللعب :
طبعآ الفطور سندويتشات على الطائر مع كأس حليب للعيال
الغداء :
1-جريش بالدجاج
2- فاصوليا بزيت الزيتون
3-فطائر بيتزا بالصامولي
4- سلطة زبادي بالخيار
وبعد المغرب : محلى بالتمر
العشاء :
للعيال كورن فليكس بالحليب
ابو العيال : مجموعة خضار مكونه من : بقدونس -جرجير - فجل - شبث-بصل اخضر -
مع فول وخبز تميس .
وسلامتكم
أسألك اللهم باسمك الأعظم أن ترزقني رضاك والجنة..
العشاء : شوربة كويكر بالدجاج
عرايس الدجاج جبتها من المنتدى
سلطة خضار ( كرنب+خس+طماطم+بيضه مسلوقه+جزر مقلي+بطاطس مقلي +خبز مقلي + صوص)
عصير الجوافه بالحليب


فكرتك حلوووووه
مشكورة اختي على الموضوع الحلو
بصراحة عجبني وودي اشارككم فيه
اولا: الفطور
انا اليوم قطعت كبدة وسلقتها لين استوت
وبعدين قطعت بصل وفلفل رومي قطع صغيرة وحطيتهم في المقلى مع شوية زيت وحركتهم زين لين مااستوى البصل وذبل الفلفل وحطيت عليهم مكعب ماجي وماجي ابيض وملح واذا انت تحبي الفلفل الحار قطعيه وحطيه معهم بعدين حطي عليهم طماطم مقطعه صغار وبعد ماتذبل اضيفي شوية ثوم مدقوق وبعدين صفي الكبدة من المويا واضيفيها على الخليط وقلبيها زين وبعدين غطيها لمدة دقيقة لين تتجانس مع بعض وارفعيها عن النار وقدميها مع الخبز المفرود
------------
ثانيا:الغداء
سويت لحم مقطع مكعبات في قدر الضغط وطريقته انك تقطعي اللحم مكعبات وتحطيه في قدر الضغط وتحطي عليه حلقات بصل وحلقات طماطم وفلفل رومي وتجيبي كوب ماء حار وتحطي فيه بهارات الكبسة وشوية كمون وفلفل ومكعب ماجي وماجي ابيض وملح وشوية خل ابيض وحركيها مع بعض وقبل ماتصبيها على اللحم حطي فص ثوم بدون دق في وسط اللحم وصبي عليه خليط الكوب وغطيه وحطيه على نار هادية
وبعدين قدمته مع رز انا كاتبته في منتدى الاطباق الساخنة
------------
اخيرا: العشاء
سويت التوست المحشي بالجبن ولزقت اطرافه بالدقيق وغطسته في البيض والبقسماط بعدين قليته وقدمته مع الشاي
------------------------------
على فكرة انا حبيت اكتب طريقة كل وجبة عشان كلنا نستفيد وياليت مااكون طولت عليكم
وشكرا مرة ثانيه


الساعة الآن 08:07 .