اختي ام اربعة حلوين الله يخليهم لك يارب
من زمان ودي الاقي طريقة لصنع البروستد بس تكون مضمونة
وشكل طريقتك حلوة ان شاءالله اجربها ومتاكدة بتعجبني
ومشكورة عيوني
29-10-1425 هـ, 11:16 مساءً
 
معليش حبيبتي ام اربعة حلوين
ممكن تكتبي طريقتك في مقلوبة الدجاج والخضار
اذا ماعليكي امر
وسلامتك
29-10-1425 هـ, 11:18 مساءً
 
يا هلا بك يا بنت الجبيل

بالنسبه لطريقة البروستد ان شاء الله بتعجبك <<<<<< وحده واثقه .

وبالنسبه للمقلوبه آسفه على التأخير , طريقتها تقطعين الدجاج قطع صغيره وتحمسينه مع بصل وثوم وزيت وماجي وصلصه وبهار وطماط مطحون وأثناء الحمس تسلقين الرز بمويه وملح وزيت وشوي ماجي ابيض , بعدين تضيفين الخضار المقطع مكعبات وسط ( بطاطس , جزر , كوسه ) او اي نوع من الخضار تفضلينه , بعدين تخلين الدجاج مع الخضار ينحمس شوي ثم تضيفين له الرز الابيض وتخلينه على نار هاديه بعدين تقلبين القدر في صحن مدور وبالهناء والعافيه .. ما بقى الا اسهل شيء وهو الاكل ..

02-11-1425 هـ, 03:04 صباحاً
 
شكل البنات اللي في المنتدى كلهم ما يطبخون

الظاهر ما يطبخ في هالمنتدى غيري انا وبنت الجبيل وام واسامه ولومي بسسسسسسسسسس

يالله يا بنات خلوكم سنعات واطبخوا وعلمونا وش طبختوا <<< قلت لكم ملقووووفه ما صدقتوني

اليوم انا طابخه سمك مقلي ورز ابيض وصينية بطاطس في الفرن ... شفتوني سنعه ما شاء الله علي ..


02-11-1425 هـ, 03:12 صباحاً
 
موضوع حلو بالنسبه لطريقتك في المقلوبه يا اخت ام اربعه حلوين
نفس طريقتي بالظبط واليوم مسويتها غداء والفطور ماشي زوجي يفطر في الدوام والعشاء صينية خضار
وطريقتها تسلقين خضار اللي تبين انا سلقت كوسه جزر بطاطس مقطعه دوائر في ماء وماجي وشوي ملح مع الزيت وبعدين صفيتها في صينيه وحمست بصل ودجاج مقطع صفار ومع ماجي وملح وجزر مبشور واضفت شوي ماء وتركته حتى يستوي وحطيته فوق الخضار وجبت الخلاط وحطيت علبة قشطه و2 ملعقة صغار جبن بوك سائل وشوي ماء وصبيتها على الصينيه ودخلتها الفرن حتى تنشف شوي وقدمتها مع الخبز والف عافيه
02-11-1425 هـ, 03:42 صباحاً
 


الساعة الآن 05:12 .