سؤال لبنات القصيم

سؤالك غير محدد

المحلات كثيره والأذواق مختلفه والتخفيظات موجودة

وين انتي بالضبط ؟

اذا تبين مولات .. عندك عنيزة مول في عنيزة
وعندك النخيل بلازا والعثيم مول في بريدة

انا ماعرف عنيزه مول
بس بسالكـ هل هو حلو وبضاعته حلوه
وتعرفين محل ممنون للاطفال اسمع انه حلو بس مادري عن بضاعته
هل فيه ملابس حلوه ومسوي تخفيضات والا لا

مسا الخير صباياااا
وانا بعد اختي الرايقه احب اعرف وين محل ممنون فيه واسعاره غاااااااالى او لا
والله لا ادعي للي ترد ان الله يحقق اللى في بالها
ولا تنسون قراءة سوره الكهف
استغفر الله واتوب اليه

اهلين حبيباتي

محل ممنون موجود في عنيزة وبضاعته حلوه واحس فيها شوي تميز ... والناس اذواق ترى يمكن يكون الشي عاجبني وغيري مايعجبه .... بس المميز فيه انه مكمل من الى ... يعني جزمه وانتي بكرامه وفستان وضاغط واكسسوار والخ

موقع المحل تلاقينه على امتداد طريق الشبيلي اذا تعرفين الساعه اللي في عنيزة وهي معروفه جداا اي احد يوصفها لك تخلينها وراك وتطلعين على فوق يعني يصير ماكدونالدز على يدك اليسار وتطولين تجيك اشارة تاخذيها وتستمرين لين يجيك المحل على يدك اليسار جنبه مملكة الطفل ومحل اقمشه .... وبالنسبة للأسعار بصراحه مااقدر احكم لانها متفاوته روحي وشوفي وبالتوفيق ياقلبي

ان شاء الله واضح الوصف ؟