يهمني نظافة الصالون وتعامل موظفة الاستقبال لاني سبت مشغل شغل حلو بسبب الموظفة اللي تنافخ وتناظرك بنص عين كانها بتسوي لك ببلاش
واخاف بالمشاغل الصغيرة والكبيرة من عدم نظافة ادوات العمل من فرشة الاستشوار الى البانيو حق البدكير لادوات المانكير والبدكير
واكيد افضل المشغل اللي يسوي عروض دايم وحلوة ومايكون فرق في الشغل بين السعر اول والسعر بعد العرض
واكره شي العاملة اللي تسوي لك تكون مدخنة فاحس نفسي حموت تسوي لك تنضيف او حواجب وريحة نفسها تقرف وتتكلم فوجهك وتسولف مع العاملة اللي جنبها وضحك وصوت عالي مافي احترام للزبون ابد
14-10-1431 هـ, 01:21 مساءً
 
موضوع حلو ومفيد شكرا لك اختي سيدة اعمال
14-10-1431 هـ, 02:19 مساءً
 
البنات كفو ووفو

ودي
14-10-1431 هـ, 02:50 مساءً
 
اهم شي السعر الزين والشغل المضبوط والنظاااااااااااااااااااافه
14-10-1431 هـ, 03:17 مساءً
 
اكيد النظافة اهم شي
وخصوصا فرش الشعر واغراض المكياج

ثانيا الزحمة ثم الزحمة
تصير اللي في الاستقبال تستقبل وهي عارفة انو ما فيه وقت لهذول بس تبي زباين
اذا جوها الناس مدوا لسنتهم عليها وين الترتيب وين ووين قالت وقفوا استقبال وشو بعده
وخصوصا في العيد هذي المناظر اشوفها
وفي الاخير طلعت بأستشوار لو تشوفونه بتقولون بنتك الصغيرة اللي مستشوره شعرك يحوم الكبد
لدرجة اني رجعت وسويت استشوار من اول وجديد
وقالك رايحة علشان اكسب وقت استشور عندهم بما انهم قريبين عن بيتي وارجع استشور لبناتي شعورهم
رحت للمشغل الساعه 10 ولا رجعت الا 3 ونص يالله امداني اسوي شغلي وكل ما قلت بطلع قالت خلاص بسوي لك تجي وحده جايه من المغرب تقول ليش هذي قبلي تسويها وعلى هذا الشغل اللين جاء دوري قبلها قلت بطلع ما ابي منكم شي الفاتورة ما فيها ترجيع طبعا قلت معليش بجي اسوي بعد العيد قالت لا بسوي لك بس تزيينها يحوم الكبد وقالك هذي احسن وحده عندهم مع العلم ان المشاغل اللي اروح لهم معروفين وما اجازف والكل يقول جربي مشاغل ثانية وانا ارفض وبشدة بس جربت لان العيال كثروا وابي ارجع بسرعة وقريب وهذي الضريبة يعني اللي اعرفه عندي لو يدبلون السعر واللي ما اعرفه مستحيل اجازف في مناسبة
15-10-1431 هـ, 12:53 مساءً
 


الساعة الآن 03:37 .