السلااام عليكم ,,
كيفكم امورات ..........

دخلت على امي امس بالمطبخ لقيتهاااااااا تشيل وتحط وتحووووووووووووووووس ...
قلت .. وش تسوين
قالت .. احاول اصلح قشد مثل العالم ,,,,
المشكله اذا خلصت خلتنا نااااكله وهو مو مضبوط ,,,
والمشكله العظمى ان ابوي يممووووووت فيه ودايم يمدح بزوجات زملائه ,,
امس يقول لأمي بعد ماجاء من الدوام والله يازوجة فلان جايبه لنا قشد و حنيني يطير العقل ...
عاد امي صار شكلها كذا


قلت ولااااااااااااااااايهمك بنات حواء مايقصرون يعطونك الطريقه اللي ترفع راسك .....

يالله عاد انا سويت اللي علي لاتفشلووووووووووووووني تكفون عند امي لانها من جد كاااسره خاطري ,,,

ترى امي تنتظركم

وبسررررررررررررعه ترى انا واخواني الضحايا ,,,,
مرحبا اختي الفاضلة

هذا الرابط يوجد به الي طلبتية للاخت حنيني تفضلي
مرحبا اختي وهذا الطريقة من منتدى ثاني للاخت اسيرة الغربة

المقادير :

- تمر بدون نوى .
- قرصان لين يعني مسوى في البيت أو خبز بر .
- ماء مغلي .
- فنجال زيت .
- زبده سايحة

الطريقة :

يحضر قدر ويوضع به الماء المغلي والزيت ثم يغط به القرصان أو الخبز البر المهم الي متوفر عندك ويرفع يعني بسرعه حتى لايتقطع .

- ثم تفرمين القرصان مع التمر بمفرمة اللحم ولازم تكون كمية القرصان والتمر متساوية إلا إذا كنتوا تحبونه حالي بزياده فكثري تمر وإذا كنتوا تحبونه مر قللي تمره .

- وإذا كانت الكمية كبيره ضعي كل كمية بعلبة بلاستيك وضعيه في الفريزر لحين الحاجة .

- بعدين قبل تقديمه بساعة ضعي في قدر قليل من الزبده ثم ضعي عليه الخليط وضعيه على نار هادئة انتبهي لازم هادئه حتى يذوب على راحته


- إذا شفتي انه ذايب بالمره ضعيه في صحن التقديم وبالهناء والعافيه واي سؤال انا في الخدمة .
أهلين لأختي هذي طريقتي في القشدة والبعض يسميها العفيس0
اصبع زبده
كأس دقيق اسمر(بر)
كأس لبن
تمر منزوع النوى (نص كيس تمر كنيز ابو كيلو)واذا كانت كيسة التمر عندكم من النوع الكبير فتأخذين ثلث الكيسة0


اصبع زبده نذوبه على النار +كأس دقيق بر ونحركهم مع بعض وبعدين نجيب نص كيس تمر خلاص ابو كيلو منزوع النوى ونضيفه الى الدقيق وبعدين نجيب كاس لبن ونخلطهم مع بعض ونحطهم على نار هاديه على شان يستوي الدقيق يجي من ثلث الى نص ساعة مع التقليب من وقت لآخروهني وعافيه0

أجود انواع التمر للقشدة الخلاص0 وذوقي ازين عفيسة من طريقة الجدة الطباخة ام على 0 وبس سلامتكم0


الساعة الآن 11:10 .