اريد حلا .. ساعدوني
لجألت اليكم للمشورة

ومن يجد في نفسه القدرة على المساعدة برأي سديد لا يمانع نفسه


أنا أعمل امرأة واحدة في مكتب مع 6 رجال

الأول هو المسؤل

الثاني و الثالث هم أكفائي في الوظيفة

المشكلة في

الثالث والرابع والخامس هم من يفترض ان يكونوا تحت طوع امري

المشكلة ان الثالث والرابع افراد غير متعلمة , ويا ذوب تنجز العمل بناء على متابعة الأرقام اما الخامس فهو من حملة الثانوية يعني يقدر يذبر روحه بس لازم نتابعه لأن وظيفتنا حساسة للغاية
الثالث والرابع سهل السيطرة عليهم رغم تحسسهم مني في كثير من الأحيان شلون بنت تفرض كلامها على رجال ومعذورين بحكم عقليتهم وهالمشكلة عالجتها وياهم مع الايام كلما تعاملت معهم بالكلمة الطيبة و الدعاء لهم بالخير و يا حجي و يا أبو فلان .. لكن الخامس أصغر سن منهم وطويل لسان وقليل أخلاق ووصلنا معاه لمشاكل لانريد بها غلق باب الرزق عنه وعن أهل بيته
منذ اقدم على العمل ونحن في مشاكل دائمة وتعبنا واحنا نكلمه ونقول له أحسن التعامل مع فلان وفلان في النهاية هم كبار بالسن و غير متعلمين .. يسمع الكلام يوم يومين ,شوي إلا الوقود خلص وصارت مشكلة ..
أنا الأن في اجازة ستقارب الـ6 أشهر عندما ارجع للعمل مريحةاعصابي ومفتكة من المشاكل .. وضغوط العمل

مسؤلي بالعمل قال لي .. انه يحاتني على كثر ما سأواجه من ضغوط و مشاكل اول ما ارجع العمل لحدوث اشياء كثيرة ..
اما امس فقد استلمت مكالمة هاتفية من أحد أكفائي بالعمل وهو ايضا في اجازة يقول لي ان الثالث اتصل به وطلب النجدة والحل من الخامس الذي لا يحسن التعامل معهم على حد قوله (( نحن لا نعمل عنده )) وعلشان يتخلص منه قال ليه لا تدير بال ولا تهتم بعد ايام قهوة الصباح بترجع و تعدل الوضع وبتحل كل مشاكلكم وهي قدها وقدوود .. انا انحرجت ..قلت ليه يعني انت ما تدري بظروفي الي بصير فيها اول ما ارجع من العمل بعد غياب 6 اشهر .. بيكون حالي حال اي موظف جديد لازم يدرس التغيرات الي صارت في هالفترة الزمنة كلها , لازم ارتب المكتب ، ولازم ولازم .. يعني مضغوطة فليش وعدته ..
قال لي اولا علشان اتخلص منه
ثاني شي لأني بكون في اجازة انا والثاني وانتي الي بتتحملين المسؤلية علشان لا ترجعين وتتفاجاجئين بالوضع المقرف الي احنا فيه ..

ومن امس وانا افكر شنو بسوي علشان اضبط العمل في المكتب ويا الرجال ...
طبيعة عملي لا استطيع تقسيم العمل على فلان وعلان لأن اثناء اداء العمل يجب ان يرافقني احدهم لانجاز مهمة كانه مساعد لي .. ومن ضمن مشاكلهم انهم يتحسسون الشغلة هذي و على المزاج يعني لو قلت للثالث خلك وياي والرابع روح أعمل كذا على طول صارت المشكلة شلون انا تخليني اروح المكان الفلاني في شمس في مطر في مسافة وفلان قاعد مستريح .. شلون اهو مستريح وقاعد يساعدني قال المكان بارد ..
بدلنا الادوار تحججوا خليتنه يروح برا الحين بسوي الشغلة وبيداور وبروح لزيد وعبيد .. وفي النهاية لازم ينتهي الدوام بمشكلة ..


أنا ابي حل سريع وعاجل واهم شي يكون سديد !!

ابي اعمل جدولة عمل علشان يتنظم بحيث الكل يعمل واجباته بلا وجع راس ولا مشاكل , وأبي حل للخامس المتغطرس علشان ما نتسبب ليه بقطع رزقه لأن مسؤلي بالعمل ينتظر مني تقرير فيه وعلى طول بيرفعها للأدارة وانا صعب علي أقطع رزقه ورزق عياله


شوفو لي حل تكفون ؟؟
ولسوف يعطيك ربك فترضى
يختي الشغل شغل !!!

وكل واحد عنده عائلة ويتقي الله في عمله ويحلل لقمته !!

أختي انتي لازم تكثرين من الاجتماعات حتى لو كانت قصيرة لأن الكلام يكون موجه للجميع !! ووجها لوجه واللي عنده أي استفسار بيقوله أمام الجميع.

خلي التنظيم على ورق يعني سوي الجداول وخطط العمل بشكل واضح وعلى ورق أنيق وملون ( لا أقصد مزركش ) لكن واضح تقسيم الشغل .
بأي بلد أنت ؟؟
نعم اختي الكريمة

هذا ما اود فعله

لكني لا ادري ما افعل

وكيف اخطط


(( هديل المنامة )) حتما من البحرين فاسمي واضح واسم بلدي اعتز فيه




مع خالص الشكر
هدولة
ولسوف يعطيك ربك فترضى
هدولة

انتي في حكومة او خاص؟؟؟؟؟؟



من رايي انك اتصارحين الخامس وتقولين له حط بالك على روحك وعلى شغلك وانه الي اتسويه مو في صالحك والتقرير الي بترفعينه لازم اتقولين فيه كل شي يعني الصراحة لان العمل امانه؟؟؟؟؟؟؟؟
نا في قطاع حكومي

ويبدو ان الصراحة مع الخامس وتحضير اطراف المشكلة الي تحدث والنقاش معهم وجه لوجه سيكون خير عوين لي بالعمل لكن بعد لازم اتحمل اكثر لان الثالث زعول و متذمم ويشتكي الحال اما الرابع بسرعة يغضب ويبرطم .. انتو شفتو رجال يبرطم .. هذ اول واحدة أنا اشوفه يبرطم .. ولازم اتحمل الخامس حتى لو تصارحنا وتكافخنا كل شوي.

في موقف الخامس حط روحه فيه وعلى اثره المسؤل طلب مني رسالة في حقه كرد اعتبار لي
تصوري , انهالشخص ارسلته لقضاء مهمة .. لما تقابل مع الأشخاص المرسل لهم سالوه عني , وهو ماقصر فيني وفي الي ياي بالمكتب وقال كل الي خاطره يقوله وما يقدر يصارحنه فيه .. والي كانت تسمعه تقول له انت متاكد .. هي ما فيها هالصفات .. انت متاكد الي اعرفه ان الجماعة بالعمل كلهم مرتاحيين منها وبعدين اهي اشتغلت ويانا اهني 7 سنين وما عرفنا فيها شي من الي تقوله , آخر شي واحدة من الي كانوا حاضرين الموقف صرخت عليه وقالت روح شوف شغلك ابرك ليك لان انت قاعد تتكلم على البنت في غيابها وعند اختها ..
تصوري كل مادار من كلام جائني عن طريق اختي من دمي ولحمي وكانت منصدمة بما الف ونسج من خيالات لذلك عندما رفعت لشكوع عليه عند مسؤلي طالبني بتقرير بما حدث لرد اعتباري لكني رفضت وقلت ليه عطه فرصة ثانية لانها بتكون القاصمة ..

لذلك نحن افراد المكتب نلح على المسؤل علينا بضرورة نقله لقسم اخر بينما الاقسام الاخرى ترفضه و يقولون لنا اذا نتوا ما تحملتوه شلون تبونه نتحمله لانهم عارفين عن مكتبنا كل السمعة الطيبية والزينة نحن دائما نراعي الله في تعاملنا مع بعض .
ولسوف يعطيك ربك فترضى


الساعة الآن 06:08 .