مساء الفل والكادي...
بنات حواء يااحبي لكم..
نخيتكن مانخيت رخوم ابيكم تقولون لي رايكم هل طريقتي هذي صح والا خطاء...


خواتي انا بسوي ايدام باللحم وبقدر عادي.... اولمره اسوي..

شوفوا طريقتي قبل لااسويها صح والا غلط..


المرحله الاولى اقطع بصل وثوم صغار... واحطه بالقدر واحركه لمايذبل بس مااخليه يحرق....

المرحله الثانيه: اكون انا قطعت لحم مكعبات صغار واضيفها على البصل واحمسها شوي معه....

المرحله الثالثه:
اطحن 6 او 7 حبات طماط بطحونه.... واضيف بالطاحونه كم جزره وكم كوسه واخليها تطحن مع الطماط ....ولما تنطحن وتصير سايله اصبها بالقدر ع اللحم والبصل.....

واضيف شوي ماء....

المرحله الرابعه اكون انا مقطعه خضار صغار مربعات مثل الجزر والكوسه واحطها بالقدر ....

المرحله الخامسه لما اللحم احسه طبخ نص استوى ...اضيف بطاطس مربعات....


والمرحله الاخيره اضيف معجون صلصه وملح.......


ملاحظه: البهارات غير الملح متى احطها....؟؟

ووش البهارات اللي احطها؟؟؟

ياليييييييييت تقولون لي هل طريقتي صح بالايدام.........؟؟ ؟

والفاصوليا متى احطها... في اي مرحله من المراحل اللي فوق....


ووش البهارات اللي احطها ومتى احطها؟؟؟؟


انا عندي بهارات " قرفه وكمون وهيل وفلفل اسود وكركم"


فماادري وش اللي احطه من البهارات.....
طبعا الكركم لا ماراح احطه.......



يالييييييييييت يااخواتي تساعدوني.....

للمعلوميه انا كتبت المراحل...عشان تساعدوني....


اللي بتساعدني راح ادعي لها بصلاه الليل...


لااله الا الله محمد رسول الله..

سبحان الله والحمدلله ولااله الا الله والله اكبر..
اللهم لك الحمد ملء السموات والارض ومن فيهن ومابينهن..
طريقتك صح لكن لو تستعملي لحم بالعظم احسن واطعم وحطي البامية والفاصوليا اخر شي والبهارات حطيها مع
تشويح البصل وااالحم ملعقة دارسين وكركم وبهار حلو على نص ملعقة ورشة بهار اسود وكزبرة ناعمة
ولاتنسي تدعيلي ولزوجي بالتوفيق للوظيفة الجديدة بعد رمضان
لااله الا الله
لااله الا الله
لااله الا الله
اول شيء صح الين تستوي اللحمه نص استواء

تحطين الفاصوليا لانها تطول بالطبخ
اما الخضار الباقي مايطول

حطيه بعداستواء اللحمه عشان ماينهري

ايوة البهارات حطي مع الكشنه شوي

وبعدين مع الخضار شوي عشان كل شيء يتبل

وكمان بعد ماتطفين النار افرمي حزمة كزبره وحبة طماطم وحطيه على وجه القدر وغطيه

وبعد عشره دقايق قلبيه بشويش واغرفي

اطعم ايدام مع العيش والليمون

وبالعافيه على قلوبكم

ملاحظه الباميه اطعم لمن تكون مع بطاطس بس

ترى انا بنوته بس سالت ماما وهي الي نقلتني هالملاحظات



["....اللهــــــــم صلـــــــي وسلــــــــــــ م علــــــــى محمــــــد ...."]
يالبى لبايب قلوبكن................. زاكم الله الف خييييييييير.
لااله الا الله محمد رسول الله..

سبحان الله والحمدلله ولااله الا الله والله اكبر..
اللهم لك الحمد ملء السموات والارض ومن فيهن ومابينهن..
سمحيلي ماعندي فكره

ان شاءالله الخوات يفيدنج ^^


الساعة الآن 01:53 .