اليوم بيت لكم كب كيك محشي بصوص السنيبون و كيكة السمسم و اخذت الوصفتين من منتدى ثاني من عضوه اسمها غرور انثى يعطيها الف عافيه .
كيكة السمسم
المقادير :
بيضتين في حرارة الغرفه
3/4ك سكر
1/2ك زيت
1 1/2ك طحين
اعلبة روب مخلوط معه زعفران في حراره الغرفه
1م ك ب.ب
3 م ك سمسم
1م ص زعفران + هيل +فانيلا
سمسم اضافي لرش القالب
الطريقه :
اول شي نطلع البيض و الروب من الثلاجه بفتره و نخلط الروب و زعفران نكسره باليد و نضيفه على الروب و نخلط و نخليه على جنب .
ننخل المكونات الجافه مع بعض و تترك جانبا
نخفق البيض مع الفانيلا لين يصير لون البيض فاتح و ينفش
و بعدين نضيف الزيت و السكر و الروب و يخلط بعدين نضيف الزعفران و الهيل و السمسم و اخر شي المكونات الجافه و بالتدريج
و بعدين ندهن قالب المجوف بالزيت و نرشه بالسمسم
نصب خليط الكيك في القالب و نحرك يدنا و احنه نصب بشكل دائري لانه طلع معاي الخليط شويه ثقيل و لين صبيته و ما حركت يدي تيمع السمسم صوب واحد
و بعدين ندخل القالب في الفرن مسخن على درجه 180 لمدة 30- 40 دقيقه تقربيا
و من داخل
لاحد يرد ليحين ما كملت
