السلام عليكم اسئل الله باسماءه وصفاته ان يبلغنا رمضان ونحن جميعن باحسن حال طلبي منكم حبيباتي ان كل وحده تقول عن رمضان زمان وكيف كانت سفرت زمان انا عني وانا عند اهلي يازين ذيك الايام كان كل شي له طعم ونكهه غير عن الحين مدري يمكن عشان كل شي قليل كانت السنبوسه عليه الحمسه والف والقلي كنت انا مع اهلي وكانت اختي لسى صغيره ودلوعه المهم كنت مشهوره بسنبوستي ولذتها وحلاوتها بس سنبوسه وشربه الفطور وبعد تطلي بس ناكله وحده في اي وقت من الليل وعشا تسويه امي الله يرحمها اذاابوي وخواني يصلون وانا اغسل خضار للعشا زي الجرجير والخس او اسوي سلطه والله يابنات ان ريحت السلطه تنشم من عند باب الحوش وكان كل شي له طعم وريحه الحين كل الاكل زي البلاستك الله يديم النعمه معا ان الاكل كثير الا انه ماله اي طعم انتم معي شكلي نسيت نفسي وقمت اسولف بس من الحنين للماضي يلا الحين دوركم كل وحده تقول كيف كان زمان وش كانت تحب وش تسوي وبلغنا الله رمضان وجعلنا من صوامته وقوامته بالله ادعو لمي برحمه من يوم راحت راح كل شي حلو
07-08-1431 هـ, 08:54 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
والله صادقه زمان افضل بكثثثثثثثثثر
اه اه اه
قلبتي علي المواجع
رمضان قبل كان له طعم اما الان لا والله
انا حتى من كم سنه ماصمت عند اهلي في رمضان
والفطور عندي ماله طعم
07-08-1431 هـ, 09:26 مساءً
 
صدقتي اول لما كنت عند الاهل كان الفطور بسيط وحتى لو كان كثير تحسين القلوب على بعض وكل شي له طعم خاص حتى الجيران تشوفينهم يسيرون وكل وحده تعطي الثانيه غير الحين يمر رمضان والجار مايدري عن جاره ---- كني شطحت بعيد
07-08-1431 هـ, 09:31 مساءً
 
اول يجنن كل شي له طعم

السمبوسة كان لها نكهه خاصة ونشتاق لها حييييييل هي واللقيمات لانها ماتتسوى الا برمضان

ورقاق السمبوسة تسويها امي بالبيت الله يعافيها ويطول بعمرها على طاعته ووالدي ووالديكم ..

ماكان فيه اكلات ثانية بس شوربة وشعيرية وان خربوها طبخو مكرونة مع الفطور ههههههه وتطلي وكريمة وجلي ...

والقهوة والرطب هي المتسيدة السفرة مافيه لا حلا ولا خرابيط نستلة وكيري <<<<قلبت عليهم هههههههههه

ووالتوت ياويلييييييييييييييييييي له طعم ونكهه كان رمضان زمان حرررررررررررررر مررة .

وكان الفيمتو مركززززززززززززز ويكفينا ايام واحنا عايلة كبيرة

هلحين والله مهوب بعيد عن الماء سايل ويالله يكفي جيكين .؟.

والسن كويك ياحلو وطعمه

والاكل اللي نرسله للجيران او يرسلونه لنا امممممممممم ننبسط نذوق طبخهم .

هلحين والله ماعرف احد في الشارع لي سنييييييين متزوجة ماعرف احد ولا يعرفني احد...

زمان وولى سقى الله ذيك الايام ماحلاهاوهذي وردة لايام زمان خخخخخخخخخ
07-08-1431 هـ, 09:53 مساءً
 
بعد اذن صاحبة الموضوع .وين ذكرياتكم؟؟؟؟؟؟؟؟؟؟؟؟؟؟؟؟؟؟
08-08-1431 هـ, 04:42 صباحاً
 


الساعة الآن 02:15 .