انا نفسي افرزن لرمضان لان المطبخ ها السنة راح يكون كله على.....

لان امي تعبانه الله يشفيها بس ماني عارفه متى ابدا وكيف افرزن ؟؟؟

اتمنى احد يساعدني

ياعمري عمرك ...
أذا أنتم عايله كبيره ماشاء الله ابدي من الحين لفي السمبوسه وسوي المعجنات ..
وفي ناس يفرزنون الجبنيه والدونات قبل القلي بس صراحه ماجربتها ..
وسوي كشنه للشوربه وفرقيها بعلب أو أكياس واحفظيها بالفريزر ...
وأذا انتم من النوع اللي ماتتكلفون بالسفره لا تكلفين عمرك وتثقلين على عمرك عشان ما تملين ...
أنتي قولي وش نظامكم بالفطور ووش الأشياء الأساسيه اللي لازم تكون موجوده وحجم عايلتكم واذا انتم راعين عزايم برمضان وحنا بنساعدك ان شاء الله ..
والله يشفي أمك ومرضى المسلمين
اسطوا على الحياة ... أمتصوا نخاعها كل يوم مادام يُمكننا ذلك ..!
فَ ذات يوم .. لن تكونوا شيئاً سَ ترحلون وكأنكم لم تأتوا ..!
أحلام مُستغانمي . ...
حبيبتي احنا عائلتنا مو مرة كبيرة ونحنا نسوي فطور جدتي وخوالي العزوبية عرفتي
واحنا مو راعين عزايم برمضان كثير
بس يوم الخميس كلنا نتجمع في بيت جدتي
والمعجنات كيف افرزنها؟؟؟؟ بطريقه لو سمحتي
عارفه ثقلة عليكي...
انتي ابدي الحين لفي سمبوسه عاديه شي بالجبن وشي باللحم وحطيها بعلب ورصيها بالفريز

سويكشنه للشوربه عباره عن طماطم مطحون وبهار وشوي زيت زيتون اخلطيهن مع بعض وخليهن يطبخن بقدر لين مايستوي

تقريبا ربع ساعه لان الطماط يقل برمضان ويغلى واذا برد حطيه باكياس وصفيه بصينيه بالفريز لين يجمد بعد كذا جمعيه بكيسه او علبه وحده وكل مابغيتي للكبسه او الشوربه او المكرونه خوذي منه

سوي كشنة بيزا عباره عن بصل طماطم فلفل رومي مقطع صغار احمسيهن على النار مع شوي زيت لين يذبل

بعدين حطي الخليط بالخلاط واطحنيه ورجعيه للقدر وضيفي عليه ملح وصلصه وفلفل اسود وخليهن يقلبن مع بعض شوي

قبل تطفينه بشوي حطي كتشب وشوي زعتر والكميه حسب الكشنه وحسب الذوق اذا برد وزعيه باكياس صغيره وعلى الفريز

المعجنات جربتها مره ضبطت ومره ماضبطت فالافضل لك طازجه وممكن تسوين اقراص للبيزا وترصينهن بصينيه بالفريز واذا جمدت

تجمعينها بعلبه وتخلينها بالفريزر

واذا تحبون المحاشي لفي ورق عنب وررق كرنب

سوي شيره عباره عن كاسين سكر وكاس ماء وعصرة ليمونه وانتي ضاعفي الكميه اذا تبينها ببرطمان كبير

وجهزي توفي تلاقين له كذا طريقه بالمنتدى ببرطمان

يعني بنهار رمضان انتي شوي المعجنات فقط والشوربه والسمبوسه بتكون بالفريز جاهزه وسوي حلا نوع واحد

يالقيمات او جبنيه او دونات او بسبوسه اي شي خفيف

واذا جاء رمضان بتتسهل ان شالله وبتجيك افكار سهله وتطبقينها واذا اشتهيتو طبخه حلوه

ادخلي عالم حواء قبل بيوم وجهزيلها من اليل يصير من بكرا تطبقينها وانتي مرتاحه لان طلباتها بتوفرينها قبل بيوم

وتاكدي ان القهوه والهيل والشاهي موجودات والقهوه مطحونه وجاهزه والزعفران والسكر اطحني وخليه بعلبه بالدولاب للحلويات

وجدتك سوي لها الي تحب اذا مصابيب اوقرصان او تاوه واساليها وش تبي وش تحب عشان تخلين اغراضها جاهزه من قبل رمضان

والشباب العزوبيه اي شي بتحطينه بياكلونه زينة الشباب مايدققون مثل الحريم



وكل عام وانتي بخير
سيفتح الله بابا كنت تحسبه,,,من اليأس لم يخلق بمفتاح
اللهم يا ذا الوجه الأكرم والإسم الأعظم والعطية الجزلى انزل علينا الفرح والسرور والهناء.. ونجني وأهلي من أعمالهم وشرهم وأرني فيهم عجايب قدرتك يارب ياقوي ياعزيز ياقادر يامقتدر سلط عليهم جنودك انك انت على كل شي قدير


الساعة الآن 09:27 .