وهالرابط كمان للعضوة كاسة

http://forum.hawaaworld.com/showthread.php?t=2472686
هلا والله يالغاليه

اسمعي حبيبتي من فضل ربي امي مشهوره بلقيماتها

والحمد لله طلعنا عليها

بقولك الطريقه

1- ذوبي في كاس ماء دافيء (لا يكون حار و لا بارد ) ملعقة كبيره خميره فوريه و ملعقة صغيره ملح .

2- ضعي 3 كاسات طحين + 2ملعقه نيدو في وعاء اخلطيهم مع بعض .

3- ضعي على الطحين بيضه + كاس الماء المذوب فيه الخميره و زياده كاس ماء ثاني .

4- اعجنيهم كويس حتى تختلط المقادير مع بعض وتكون العجينه رخوه بحيث تقدرين تشكلينها بيدك .

( انتبهي لا تكون العجينه رخوه اقرب للسيوله او جامده اقرب لليبوسه )

5- غطيها و اتركيها في مكان معتدل اقرب للدفء - كجانب الفرن او بوسطه . لمدة ساعه او ساعه ونص .

6- تلاقيها ارتفعت و اختمرت قومي بضربها بيدك حتى تنزل العجينه وترجع لحجمها الأصلي - ويكون الزيت عندك

حار ( انتبهي لا يكون لدرجة الأحتراق علشان ما يحرق عليك اللقيمات )

7- ضعي بجنبك فنجان زيت و بوسطه ملعقه صغيره وامسكيها بيدك اليمين و يدك اليسار ماسكه فيها العجينه بوسط

وعائها وابدي اضغطي بيدك اليسار على العجينه يطلعلك كوره صغيره بين اصبع الأبهام و السبابه .

القطي الكوره هذي بالملعقه المغمسه بالزيت و نزليها في الزيت الحامي وكذا لحد ما تعبي المقلاة

إذا كان الزيت حامي وحمر اللقيمات وانتي ما خلصتي من العجين قصري على الزيت

وقلبي فيهم لحد ما يحمر لونهم ثم شيليهم من الزيت على ورق نشاف .

صبي عليهم عند التقديم الشيره - او الدبس -او العسل .

( كل شيء في البدايه صعب لكن مع الأستمرار يسهل وراح تكوني بإذن الله احسن طباخة لقيمات

خص نص )


وبالهناء و العافيه .
خلاص البنات اعطوك الطريقه


وبالنسبه لطريقة التكور ترى سهلللللللله ان نفسي كنت مصتصعبتها لكن طلعت ولا شيء ..

الطريقة :


تاخذين بقبضة يدك من العجين بعد ماتخمر وتظغطين عليها بحيث يضهر لك من الفتحه بين الأبهام والسبابه


من فوق وتجيبين ملعقه مدهونه بالماء وشوية زيت ( انا كذا اعملها ) وكأنك تغرفين العجين اللي طالعه وهي مكوره

وصقطيها في الزيت .. شوفي حبيبتي انا مخصصه وعاء عندي صغير عميق للقيمات امليييييييييييييييه كور واخليها

تحمر بنفس الدرجه سوا من الزحمه في الوعاء واقلب فيها على كيفي وخلاص اقدمها مع القطر او بدون مع الشاي


كويس عندي صوره قديمه حبيت تشوفيها لو تبغي طريقتي في العجن ان شاء الله لي عوده للموضوع








الساعة الآن 07:06 .