بصراحة غوار لا يعلى عليها ..
وممكن تلاقينها في بعض البقالات .. لكن مو نفس جودة إللي تشترينها من المطعم ..
موقعه ..
شارع جرير وانتي جايه من شارع الستين .. ادخلي ثاني شارع يمين ..
وتلاقينه على اليمين ..
بتعرفينه من الطابور إللي عنده :)
مرة رحنا له قبل رمضان بأسبوع تقريباً .. كنا مشتهين مطبق ..
شفنا طابور طويييييييييييييل ..
المهم نزل أخوي ( في المتوسط ) وصف مع الطابور ..
وإحنا جالسين ننتظر في السيارة .. ونراقب .. كل شوي يقرب أخوي نص خطوة ..
وبعد تقريباً ساعة .. ترك أخوي الطابور وجاء متجه لنا وهو معصب ..
وأنا بصراحة انقهرت منه .. يعني بعد كل هذا الوقت يتعب ويطلع من الطابور !!!
لما وصل عندنا قال .. يقولون هذي الأيام ما يسوون مطبق ..
والطابور هذا كله عشان عجينة السمبوسة ..
بس والله لو تشوفون الطابور .. شيء عجيب جداً .
الصفحة الأخيرة
شوفي السوبر ماركات الي حوالين بيتنا يحطون اعلانات ( سمبوسا غوار)
بس على طول سحب عليها
انا اتذكر رمضان العام مرينا من عند محلهم تخيلي طابور الرجاجيل واصل نص الشارع ما قدرنا نمر بالسياره
تقولين بزارين بأولى ابتدائي مرتبين يشرون من المقصف !!!:)
انقهرت كان ودي اصورهم شكلهم تحفه