Analysis Services
  • «
  • 1
  • 2
  • 3
  • >
  • »
السلام عليكم ورحمه الله وبركاته
تكفون يابنات انا لي كم شهر وانا احوس في النت والمجلات والاسواق نفسيتي في الحضيض عندي قرشين حيلتي
انا وزوجي من الدنيا الي جمعناه بالكد والتعب فكرت استثمر ونسوي تجاره
يمكن حالنا المادي ينتعش شوي ومثل منتو خابرين الغلا في كل مكان وطلبات العيال والحياه
عشان كذا حبيت اجيب بضاعه من الصين واسوي محل صغير في سوق عشان التسويق ياانجح والله يوفقنا
والا اخسر حيلتي انا وزوجي محتاره وش نوع السلعه الي استوردها احس السوق مكتفي من كل شي
شوركم يابنات الحلال الله يجزاكم الخير وش تتوقعون الي ينجح وماعندي ماانع ممكن اروح للصين
بنفسي اجيب بضاعه بس وش اجيب هنا السؤال
الله يجزاها الجنه الي ترد ويرحم والديها والدي المسلمين اجمعين
11-08-1431 هـ, 04:32 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الاكسسوارات والافضل تكون غريبة وصناعتها نظيفة يعني يكون لونها ما يتغير مثل الكوري......والشنط والساعات ...........والله يوفقني ويوفقك
11-08-1431 هـ, 05:31 مساءً
 
<ْ~ الي اشوف عليه سووق بجد


أي شي تشوفينه غريب

يعني من شنآأط وأكسورات وعطور

أو تحصلي بالصين جلابياات غريبه مو الي مثل ماتعودنا عليهن تصير مايله ومأدري ويش لا

وفيه عندهم بجامات صينيه رووعه وصراحه كسبت راعيتهم الي باعتهم علي وفيه اكسسوارات شعر صغيره وغريبه هاذي شريتها لأختي حركآات والله تقدري برضوه تنوعي من كل شي غريب نعال وانتي بالكرامه


هاذي الاشياء الي اشوفها تصلح والله يوفقني وويفقك ان شاء الله
11-08-1431 هـ, 05:37 مساءً
 
ام مجود راجعي الخاص عزيزتي .


والله ولي التوفيق
11-08-1431 هـ, 05:41 مساءً
 
نصيحه اختي ,, ابتدي مشروعك من الصفر

لاتوهقين نفسك وتسوين محل ,, بالذات انه ماعندك خبره بالامور هذي

اول شي تعاملي مع تاجرات يوفرون لك البضاعه وانتي تسوقينها بطريقتك

وعلى شوي شوي بتكتسبين الخبره ,, وبعدها فكري انك تكبرين مشروعك



وبالتوفيق يارب


اختك,,
عنوده
11-08-1431 هـ, 11:43 مساءً
 


الساعة الآن 03:15 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏