السلام عليكم ورحمة الله وبركاته
الله يبلغنا واياكم شهر الصيام والقيام
احبيت اسألكم اشتريت من سنه قدر المنتو طبقتين ايش اسوي فيه طبخات غير المنتو ياليت تساعدوني واذا فيه طبخات ياليت بالطريقه الله يسعدكم دنيا واخره
والله مزاحمني في الدولاب

انا اسوي فيه المندي يطلع روعه وبعد ممكن تطحي تحت رز وفوقه اللحم او الدجاج وفوقه مكرونه او خضار وبس هذا الي اعرفه
الله يجزاك الجنه
خضار على البخار- رزابيض-لوفتحاته ضيقه كسكسي
فيه طريقه للرز بقدر المنتو لذيذه وما تشبعين منه
بس تزيدين فيه شوي لانه غير الطريقه العاديه اللي بالماء هنا يصير تقريبا نفس الكميه ما يتكاثر يعني لو انتي متعوده تحطين كاسين حطي ثلاثة كاسات ، وشي ثاني بعد انه يطول يجلس تقريبا اكثر من ساعتين
الطريقه سهله مره وما تبي شي
حطي الرز المغسول في الطبقه المخرمه وحطي عليه المقادير التاليه بحسب الكميه اللي انتي تسوين بها عادة
- كركم
- ملعقه صلصه
- ملح
- بصل مقطع - ثوم مقطع صغار
- حبة ليمون اسود
- اعواد قرفه
- مقدار تقريبا كوب من البقدونس والكزبره الخضراء المفرومه مخلوطه
- لحم او دجاج حسب الرغبه وكلها لاحظت نفس الوقت تستوي لان المهم في هالطريقه الرز هو اللي يبي وقت للاستواء
قليل من الزيت
اخلطيهم زين مع الرز وحطي مويه في القدر اللي تحت مع قطع ليمون عشان ما يتغير لونه
وولعي النار وما يهم تكون عاليه ولا واطيه لان الرز بعيد وماراح يحترق بس انتي راقبي المويه كلما شفتيها نقصت حمي مويه وزيديها
ولضمان استواء الرز بعد كل نص ساعه افتحي الغطا وبتلقين فيه بخار ماء حاولي ترشينه على الرز عشان يترطب ويستوي وانا احيانا ارشه ببيالة مويه شوي شوي بحيث ان المويه اللي رشيتها تكون فوق الرز وماتنزل من الخروم لانها بتروح معها طعم البهارات
احس اني طولت في التفاصيل بس ودي تجربينها والله الرز بهالطريقه لذيذ يصير كنه الرز الهندي متفكك ومنثر خصوصا لو نثرتي عليه عقب ما تنكبينه بقدونس اخضر مفروم ومكسرات محممره وااااو
"ربي اجعلني مقيم الصلاة ومن ذريتي ربنا وتقبل دعاء"



الساعة الآن 07:31 .