الله يوفقك يام سلمان ويرزقك من حيث لاتحتسبين على المعلومات الققيمه
اقتباس مشاركة  (رووووز الحلووووه)
هلا وغلا

الصرااااحه نزلت الموضوع في منتدانا الغاااااالي لان الاغلب ما شاءالله تاجرات وصاحباااااات خبره ويحبون يسااعدون ويتجاوبن بسرعه والاغلب يشااااارك برايه ونصايحه وتوجيهاته
واتمنى الكل يعتبر الاخت اخته وينصحها ويوجهها ويبين لها السلبيات والايجابياااااا ت
لان والله ماعندها احد يدعمها وغير موظفه وقدمت على البنك ويارب يكون المشروع فاااااتحتة خير عليها واكيد ربي بيوفقكم ويبارك لكم لانكم بتفرجون لها .

يابنات صديقتي يتيمه وبتاخذ قرض من البنك وحبيت اسالك مين منكم فتحت مركز ضيافه او رياض اطفال تابع لوزارة التربيه والتعليم
وهل وزارة الشئون تدعم صاحبة المركز مثل وزارة التعليم او لا؟؟
ماهي السلبيات والايجابيات .اللي واجهتك في بداية مشروعك ؟
وهل مشروعك قرض او من مال الخاص ؟
اي حي ترشحين لاقامة حضانه؟
من متى بديتي مشروعك وهل هو ناجح ولا خاسر.
المبنى اللي ماخذته فيلا ولا عماره وايهما افضل بالنسبه لك وللاهالي ولماذا؟؟
كم صرفتي على الترميم وهل كانت الفيلا ولا العماره قديمه ؟
بكم موظفه سواء معلمات او حاضنات بديت وكم رواتبهم وهل عندهم خبره؟؟وماهي جنسياتهم ؟
مالذي تقومين بتعليمه للاطفال ؟؟
المناهج انتي اللي اختارتيهم ولا الوزاره تفرضهم ؟
كم طفل جاك بالسنه الاولى وكم رسومك ؟
كم عدد الاطفال بالفصل ؟
ومن وين شريتي الاثاث وكم كلفك ؟
من ساندك بمشروعك ؟؟وهل في مراكز ممكن يساعدونك في ادارته وكم اتعابهم ؟؟
واللي تعرف مراكز ضيافه ولا حضانه مميزه اعجبتها تذكر اسمها وماهو اكثر شي عجبك فيها ؟؟
ولا ماااااااااانع من اضافة بعض الاسئله والاجابه عليها واي معلومه او نصيحه او اقتراح يفيدها ويفيد الجميع
ولاتسون تدعون لها وتقدمون لها المشوره .الله يجزاك الجنه

اتمنى من الاداره تترك الموضوع للاهميه وعدم دمج مع مواضيع اخرى للضروره الله يبارك فيكم
ربي يوفق صاحبتك ويسهل امورها راح اجاوبك باللي اعرفه وان شاءالله تستفيد

اللي اعرفه ان مراكز الضيافة موقفه من فترة وبعد وقفو البنك تمويل رياض الاطفال

انا احكي لك عن الرياض والمعلومات اخذتها من فرع البنك عندنا بس اقولها هالشي في

البدايه عشان ماتحبط لان التاجيل عند البنك وارد كثير وهذا شعارهم يعني قبل كل شي لازم يكون

بالها طويل وتصبر البنك راح يفتح التمويل بعد فتره مو مبين بعد قد ايش لمشروع رياض الاطفال

واللي قالته موظفة البنك ان هالتوقيف شامل كل مناطق المملكه حتى للاخوات اللي تجاوزو المقابله

اما اللي وقعو عقود فالامور ماشيه لهم ومثل ماقلت لك التوقيف مؤقت لكن مانعرف لقد ايش


نترك جزئية الاحباط وبجاوب على اللي اقدر عليه من الاسئلة


من متى بديتي مشروعك وهل هو ناجح ولا خاسر


مافيه مشروع خاسر ان شاءالله اهم شي تكون عندها خطه مدروسة ايش راح تقدم بمشروعها

ويميزها عن غيرها واهم شي ادارة المشروع اذا صلح الرأس صلح الجسد


المبنى اللي ماخذته فيلا ولا عماره وايهما افضل بالنسبه لك وللاهالي ولماذا؟؟


الافضل فيلا عشان يتوفر عندك ملعب خارجي لازم الاطفال يتعرضون للشمس

ويكون فيه مكان يجدد نشاطهم ويفرغون طاقتهم فيه وكل ما كان هالمكان تهويته طبيعي

افضل بالنسبة للاهالي وللاطفال انفسهم واذا على الحر والبرد بامكانك تحددين الوقت

اللي يقضون فيه الاطفال وقتهم بالملعب خلال ساعات اليوم بما يتناسب معهم


بكم موظفه سواء معلمات او حاضنات بديت وكم رواتبهم وهل عندهم خبره؟؟وماهي جنسياتهم ؟

عزيزتي بناء على مبلغ القرض اللي راح تقدمه راح يتم عمل دراسة جدوى لها من الشركة الاكاديمية

يوضح فيها عدد المعلمات والرواتب ممكن تتقيدين فيها اضمن وممكن تقللين العدد خلال السنه الاولى

اعتماد على عدد الاطفال عندك يعني من عدد الاطفال تعرفين كم معلمه تحتاجين بالنسبة للجنسيات

اتوقع البنك يلزمك يكونو سعوديات مو متاكده


مالذي تقومين بتعليمه للاطفال ؟؟
المناهج انتي اللي اختارتيهم ولا الوزاره تفرضهم ؟

بالنسبة للمنهج بالاول كان البنك فاتح المجال لصاحبات الروضات بهالخصوص

فيه ناس اعتمدو منهج صلاح الراشد ومنهم من طبق نظام الوحدات المعتمد عند الوزاره

واضاف عليه اضافات اخرى تميزهم عن الباقين

اما حاليا شرط اساسي لتمويل المشروع لرياض الاطفال يكون على نظام المنتسوري

وهالنظام موال وحكاية طويله بحد ذاته لازم معلمات عندهم خبره بتدريسه وغير كذا

ادواته مكلفه

بس بامكانك تطبقين ادواته عند اي نجار وبكذا نقلل من تكلفته شوي

كم عدد الاطفال بالفصل ؟

يعتمد على عدد الاطفال الكلي عندك وعلى مساحة الفصول

يعني لا يقل عن 15 ولا يزيد عن 20 طفل بالفصل الواحد

وقلت لك هالشي يحكمه امور كثير مساحة الصف وعدد الاطفال الكلي والنظام اللي تدرسينه

ومن وين شريتي الاثاث وكم كلفك ؟

بالرياض عندنا فناتير عنده كل شي من الى يعني تروح وتاخذ منه وتريح راسها

طبعا هذا يختص بالاطفال اما باقي الاثاث للمشروع ممكن من اي سوق اثاث مكتبي

وعلى فكره ممكن تحصلين عندهم اشياء للاطفال

من ساندك بمشروعك ؟؟وهل في مراكز ممكن يساعدونك في ادارته وكم اتعابهم ؟؟

اكيد فيه جهات تساعدك في الادارة وغالبا يكون اتعابهم بنسبة او يدخلون كشركاء

ويعتمد المبلغ طبعا على حجم المشروع يعني مااحد يقدر يحدد لك مبلغ معين لحد

مايعرف تفاصيل المشروع كامله


بالتوفيق
ترف الله يخليك ويحقق احلامك ويوفقك بالدارين امين .
ماقصرتي والله بيض الله وجهك .
وينكم ياحلوااااااات محد رد علي .
الله يجزاك خير يا اخت ترف .....
بالنسبه للبنك كم اخذوا وقت عشان يردون عليك وهل كنت تتابعينهم او انتظرتي اتصالهم؟
اما بالنسبه للاخت روز الحلوه تمنياتي لكي بالتوفيق وابدي اول شي بالاستخاره احسن....
سبحان الله والحمدلله ولا إله إلا الله والله اكبر


الساعة الآن 12:17 .