السلام عليكم ورحمة الله وبركاته
أخواتي الله يسعدكم مالي الا الله ثم انتم تساعدوني
طبعا تعرفون ان في رمضان لازم افطر عند حمولتي بعض الأيام
وما قدر اروح ويدي فاضيه
انا عندي بنوته صغيره الله يهديها تتعبني مره وما تخليني اسوي شي
وحامل وانا اتعب في الحمل كثير
بس مش هنا المشكله
المشكله اني ابي اسوي اشياء سهله
مثلا صواني سهله او اكلات بالتوست
لأني وبشهادة الجميع طبخي حلو والصراحه اي شي اسويه يعجب ام زوجي
ولازم ترجع تطلبه مره ثانيه يا لها أو اذا جاها ضيوف
وما تقدر ابدا اني تعبت في هالطبق او مشغوله ماقدر اسويه
او تعبانه مع ان عندها بنتها وشغالتها يسون اكلات كثيره بس تقول لزوجي خلها تسوي
آسفه اذا طولت عليكم بس ابي روابط
لأكلات سهله اقدر اسويها بأي وقت
والله يابنات والله الشاهد اني نفسي اتفنن
واسوي اشياء بخاطري كثيره بس تتعب وهي اكيييييييد بترجع تطلبها مني
لا تطنشوني الله يخليكم
ودي اساعدك والله بس مااعرف احط روابط للاسف
بس انصحك سوي المنتو الكذاب رهيب هذا الي يحضرني الان
اقتباس مشاركة  (أخت حكيمه)
ودي اساعدك والله بس مااعرف احط روابط للاسف
بس انصحك سوي المنتو الكذاب رهيب هذا الي يحضرني الان
الله يجزاك خير
في بالي واحب اسويه
سوي الحلويات البارده تكون سهله وتسويها لو من الليل وتحطيها بالثلاجه وترتاحي
سوي بيتزا التوست انا طايحه فيها بسيطه ولذيذه مرررره
والطريقه انك تحطين على القطعه نفس حشوه البيتزاء بالظبط كلها ما تغيرين شي وتغطينها بطبقة التوست الثانيه وتدخلينها الآله حقت التوست اكيد تعرفينها واذا استوت تطلعينها من الآله و تقصين المثلثه نصين عشان يطلع من الحشوه شوي ويصير شكلها حلو احلى من لوهي مسكره . وتصفينها في صينيه وتزينينها بالخيار والخس والجزر وبقدونس او اي شي عندك من هذه الاشياء . انا والله كلن انهبل عليها ويسلني وشلون اصلحها وبسيطه مررره
ما تحتاج فرد عجين ولا خرابيط وتعب واطعم من البتزاء اللي نسوي عجينتها في البيت .
اتمنى انه اعجبتك !
وان تذكرت شي بسيط بقولك ان شاء الله بس هذا اللي حضرني يوم قريت موضوعك . وشكرا _


الساعة الآن 05:02 .