يقولون ان اسواق الكويت متميزة من حيث الجلابيات والشيلات بالأشكال والاسعار الرخيصة اكثر من السعودية..
فحبيت اسأل عن ارخص الاسواق والمحلات الكويتية ..
وحبيت اسأل عن سوق الجملة ممكن احد يذكر لي هل اجد فيه بغيتي؟؟واين مكانه بالضبط؟
يعني هل اشد الحيل واروح للكويت؟
ارجوكم لا تطنشوني............

السلام عليكم ورحمة الله وبركاته
ان ما يميز السوق الكويتي النسائي
الدراريع ...والشيلات وحتى العبي الاسلاميه
ومستوى الاسعا يختلف بمستوى البضاعه نفسها ..............يعني........ .في الغالي وفي الرخيص
انت تبين مستوى الاسعار يبدى من كم
؟؟؟؟
روحي سوق المباركيه وكاسري في الاسعار حسب ماتقدرين وفي محلات جليب الشيوخ فيها شغلات روعه مجمعات وايد وموديلات واسعار على كيفج انا رحت مره وانصدمت بعد عرس اخوي وتحسفت اني ماشريت بدلات سهره على 15 دينار وفيه خامات روعه وترا ارخص محلات بالجليب كل شي تلقين وحياج الله
ولا تنسين السالميه القديمه في تخفيضات روعه واسعار خطيره المحلات وايد واغلبها تسوي تخفيضات والاسعار حلوه خصوصا الملابس والدراعات والشيلات مافي بالي محل معين بس قولي لاي احد يوصفلج المكان سوق السالميه القديمه يم بوشهري او سوق المباركيه عند سوق الذهب ولاتنسين هلا فبراير قرب وحياج الله ترا تخفيضات روعه وفي وقتها ****لله بس حاولي تشترين الشغلات اللي مو محدده بوقت شيلات عطورات دهن عود الخ
السلام عليكم ورحمة الله وبركاتة ،،،،،

اختى بصراحة انا كنت ابسال نفس السؤال محتاجة بدل من الكويت وخصوصا انى من البدينات وطايحين عدنا بالبدل والبنطلونات الكويتية الواسعة والانيقة

ارجوكم افيدونى وفى شركة اتوصل للامارات اكون شاكرة جدا لكم

همتم معى يابنات الكويت


الساعة الآن 11:53 .