السلام عليكم ورحمة الله وبركاته

وكل عام وانتم بخير مقدما .......
الكويتيات ياليت تعلموني طريقه اللمموش على اصوله خاطري اسويه
ولكم شكري مقدما
15-08-1431 هـ, 12:12 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
يا حلات المموش

تبين تسوينه مع ربيان يابس ولا معه ربيان طازج؟؟
15-08-1431 هـ, 12:15 صباحاً
 
وانا بعد اتمنى اعرف طريقته
وسويت بحث هنا بالمنتدى لقيت طرق مختلفه بس المواضيع قديمه مالقيت احد يرد على اسألتي لاني ابي طريقته مضبووووطه!
15-08-1431 هـ, 12:15 صباحاً
 
أم عزيزاااااان ياهلا والله وغلا <بعد أذن صاحبه الموضوع
بالنسبه لي مااعرف الا للروبيان المجمد! ينفـــــــع؟؟؟؟

ووش الافضل؟؟؟؟؟
15-08-1431 هـ, 12:16 صباحاً
 
فعلا يا بنات من بيت لي بيت تختلف طريقة المموش

وانا تعلمتها من خالتي ام زوجي

ومرات استعمل الربيان اليابس وله طريقته ( يغسل جيدا ثم ينقع في ماء حار حتى يلين اشوي ثم يفرم خشن )

ومرات استعمل الطازج او المجمد

وهذى طريقة الربيان الجامد او الطازج اول شي الربيان ينظف ويغسل ويسلق اشوي مع الكركم ويصفى ويترك على جنب

وبعدها تحمسي بالزيت وكثري زيت اشوي (لان هالزيت ايضا راح يطبخ فيه الرز ) بصله وثوم وكزبره واشبنت وبهارات وفلفل اسود وملح ( اذا تحبي ماجي اضيفي ) وتحطي الربيان عليهم وتقلبي وتقلبي لما يستوي الربيان مع البصل

وتشيلي الربيان على جنب بعد ما تخلصينه

وبنفس القدر تحطي ماي ساخن وتخلينه يغلي وتضبطين الملح

وتكوني مجهزه الرز مع الماش .... الرز يكون ضعف الماش (يعني 2 كاس رز مع 1 كاس ماش ) مغسول ومنقع مع بعض

وتصفينه وتحطينه على الماء حتى يستوي ويشرب مائه

واذا الرز استوى حطي الربيان على الوجه وغطيه وخليه يتسكر تماما وبالعافيه

وسوي معاع دقوس الباذنجان ودقوس الطماط والدهن العداني ما تشبعيييين منه

واذا جربتيه عطيني رايك
15-08-1431 هـ, 12:49 صباحاً
 


الساعة الآن 10:15 .