بسم الله الرحمن الرحيم
كيفكم يابنات ان شاء الله طيبين
بدون مقدمات انا اليوم رحت انا وزوجي وبناتي منتزه قريب مننا وجلسنا نسولف ونتعشى وفيه عايله قدامنا جمس وجالسين جمبه مجموعه بنات كثير و4 شباب ورجال كبيرفي السن وحرمه كبيره كانواجالسين وشوي قام واحد من الاولاد يمكن عمره في العشرين ركب السياره وقام يضغط البوري ومعلق عليه طبعا هم قريب مننا فانزعج زوجي من هالتصرف قال يوووه وش هالازعاج وقاله بصوت عالي طبعا واحد من الرجال الكبار بالسن واتوقع انه ابوه قام يقول له ياولد انزل
وهو مو راضي بالعكس يزيد قام الاب وراح له وسحب شماغه منه وضربه كم ضربه على راسه وراح تخيلوا اول ماجلس ابوه على الارض قام يضغط عالبوري مره ثانيه وقام ابوه مره ثانيه ونفس الشغله ضربه وقال انزل وراح ويوم قدهو قريب من عيلته قام ولده يضغط البوري يعني الشغله يبي يعاند ابوه المهم قام ابوه وفتح الباب وحاول ينزله وربي يابنات انه ماقدر ينزله كل ماجاء يسحب الولد يبغى ينزله دف الولد ابوه برجله من داخل السياره ويسكر الباب ويزيد في دقات البوري وكل مابغى ابوه يفتح الباب حق السياره طلع يده مع الشباك ويدق يد ابوه بقوه علشان ينزلها المهم الاب شاف انه ماقدر على الولد اسمعه يقول (حسبي الله عليك ليتك ميت
ليتك ميت حتى الطلعه مانتهني فيها نكد هنا وهناك) والله يابنات كأنها خويه ماكأنه ابوه سبحان الله الدنيا تغيرت والله يابنات انها دمعت عيوني من اللي شفته معقوله في ناس عاقين بابأهم كذا
اسأل الله انه يهديه للصواب
والله طول الطريق وانا راجعه البيت افكر ببناتي اقول يارب انك تجعلهم بارين فيني وفي ابوهم ويقدرني على بر والديني
امـــــــــيـــن يارب العالــمــين
يلزم عليك تسجيل الدخول أولًا لكتابة تعليق.
الله يجعلنا ممن يبرون باهلهم و يجعل ذريتنا بارين بنا يارب
للاسف كثيرة نماذج العقوق في المجتمع
من جد شي يحزن
جزاك ربي خير
للاسف كثيرة نماذج العقوق في المجتمع
من جد شي يحزن
جزاك ربي خير
الله يهديه بس ماعليش شكل الولد موب صويحي
يعني ممكن عقوق بس ولو قدام الناس وبهالشكل اللي قلتي
موب طبيعي مرة
الله يهدي شبابنا يارب
يعني ممكن عقوق بس ولو قدام الناس وبهالشكل اللي قلتي
موب طبيعي مرة
الله يهدي شبابنا يارب
نوووران
•
لا مو عقوق يمكن الولد عقله تعبان
لانك لو قلتي بزر ممكن بس ولد كبير في العشرين ماراح يسوي هالحركات الا اذا كان مو صاحي
الله يشفيه
لانك لو قلتي بزر ممكن بس ولد كبير في العشرين ماراح يسوي هالحركات الا اذا كان مو صاحي
الله يشفيه
الصفحة الأخيرة
اكيد ذا ماهوب صآحي ..
والله لو ابوي عايش بـ أيديني اشيله ..
يعطيك الـع ــآآآفيه
شهد الجهني