السلام عليكم صباح الخير لكل الحوامل
اعرفكم عن نفسي انا حامل بالشهر السادس الله ييسرلي وجميع الحوامل اشهر الحمل والولاده
طبعا هذا ثاني حمل والحمدلله اخف من الحمل الاول بكثير يمكن لاني مبتعده عن الدسم ووزني مازاد كثير مثل الحمل الاول والحمد لله
بالحمل الاول كنت ادخل القسم 40 مره باليوم
الحمل هذا مادخلت الاكم مره واليوم قررت اكتب موضوع ان شاء الله يكون مفيد وخفيف على قلوبكم
من كم يوم وانا ابحث بالمنتدى عن اشياءامنه ومامنها ضرر للحمل اقصد طبعا كريمات وخلطات ولقيت كم خلطه امنه باذن الله ومامنها ضرر على الجنين وهذا اهم شئ عندنا
اول شئ اجلسي مع نفسك شوفي ايش الي خرب في جسمك او بشرتك بالحمل
ابدا بنفسي بشرتي ورقبتي مسمره شوي او شويتين
الحمد لله الوزن مازاد كثير لاكن من اول فيه زياده بالوزن من قبل الحمل
اليد سمرت ومفاصل اليد قلبت على اسود من الحمل الاول وانا اهملت الموضوع وزاد بالحمل الثاني قبل ماتزوج يدي كانت تضرب فيها المثل ماشاء الله ناعمه وحلوه خخخخخخخخ
الرجل الله يكرمكم تشققات وناشفه والتشققات فضيعه فضيعه اتوقع يبغالها 3 اشهر اهتمام يمكن يبين فيها
الجسم سمار خفيف وتشققات بالبطن والارداف
نجي للخلطات الي ابغى استخدمها ولامانه كلها من عالم حواء واخترتها لانها باذن الله امنه ومامنها ضرر وان شاء الله تجيب نتيجه لو40 بالميه قبل الولاده وبعد الولاده ان شاء الله نقدر نستخدم اي خلطه
بالنسبه للوجه خلطة النشا مع موية الورد تسخنيها على النار شويه لما تثقل ضيفيلها ملعقة جلسوليد ممكن تضيفي ليمون لاكن احتفظي فيها بالثلاجه لانها تخرب بسرعه الخلطه هذه تفتح وتقفل المسام ومرتين بالاسبوع او ثلاثه ممكن تستخدمي خلطة الدكتور عبد الباسط وجابت نتايج حلوه مع البنات الخلطه مكونه من مقدار متساوي من الترمس والفول والعدس كلها مطحونه ناعم حطيها بعلبه وعند الاستخدام خذي ملعقه وضيفيلها زبادي وممكن حليب وموية ورد افرديها على وجهك نص ساعه وغسلي وجهك وهذه الخلطه تقشر وتفتح وعن كلام الدكتور انه ممكن تستخدميها يوميا
بالنسبه لليدين اول شئ استخدمي صنفره من الزيت الزيتون والسكر اغسلي يديك وادهني بالخلطه هذه
فازلين مقوي للاظافر الزهري العلبه الضغيره كامله او نص العلبه الكبيره + جلوسوليد علبه صغيره +كريم اولاي بالتوت علبه +جلسرين سائل ملعقتين كبار او3+ شوي فكس + ليمون وانا ماحطيت ليمون والفكس حطيت ربع ملعقه صغيره لانه بعضهمخ يقولو مضر مو للحامل للكل ادهني من خلطة الكريمات واجلسي فيها لاطول مده ممكن تستغني عن اليمون والفكس وتدهني من الخلطه هذه باي وقت
لتشققات الرجل وهذه المشكله الي محرجتني كثير لقيت خلطه وحده ذكرتها هنا بالمنتدى وحاطه صورتها الي شدني للخلطه
ان لونها زهري ذكرني بخلطه طبيعيه اشتريتها من محل تجميل عليه صغيره بالمره ب35 ريال ماكفتني اسبوع لاكن جابت معي نتيجه حاولت اعرف مكوناتها لاكن ماقدرت اتوصل للمكونات ميه بالميه ولما شفت الخلطه بالمنتدى قلت خليني اجرب والله يابنات نفسها طلعت نفس الخلطه وماتكلف مره وتطلع كميه كبيره تكفي شهر الخلطه
صابونة دوف الزهريه تبشريها وتنقعيها بموية ورد نص كاسه بعد ماتذوب ضيفيلها علبة جلسوليد صغيره وضيفيلها فكس ملعقه كبيره واخلطي معاها زيت لوز وجلسرين وزيت خروع والله يابنات روعه تفتح وتنعم بالمره ولا تنسي تصنفري رجلك وتشيلي الجلد الميت بالحجر كل يومين او 3 والخلطه استخدميها 3 مرات بالاسبوع وباقي الايام ادهني بفازلين او اي كريم للاقدام واذا حاله مستعصيه استخدميها كل يوم
للجسم لقيت خلطه حلوه اهم شئ مافيها روايح نفاذه وممكن تجلسي فيها وماتضايقك الكونات
زبدة الكاكاو بالمرز علبه واذا ماتحبي بالمرز استخدمي اي زبدوة كاكاو + زيت جنين القمح + جلسرين + زيت لوز مر + 3 ملاعق بودرة جونسون +علبة جلسوليد صغيره + موية ورد اخلطيهم مع بعض وادهني جسمك اجلسي فيها قد ماتقدري وبعدين تليفي بليفة البدي شوب واستخدمي الصابون الي ترتاحي عليه صابون مغربي او طاوس وبعد الاستحمام استخدمي الكريم الي تحبيه او زيت جونسون

يابنات هذه الخلطات كلها من المنتدى يعني مو اختراعي انا بحثت بالمنتدى وعجبتي الخلطات هذه كتبتها بورقه واليوم سويتها وبديت فيها يعني مو من تاليفي لاكن البنات مدحوها كثير وانا اشوفها مناسبه ومافيها تعب ولا حوسه كثير وان شاء الله تستفيدو وربي يسهل ولادة كل حامل وتقوم بالسلامه هيه والبيبي
ادعولي ربي يسهل ولادتي ويعيني على تربية اولادي تربيه صالحه  



يابنات الي متخوفه من الفكس تستغني عنه موضروري

الف شكر ياقمر والله يسهل لك ولي ولجميع الحوامل والله يعين الجميع
العنايه وقت الحمل حلوه لكن الفكس مرررره مو زين للحامل انتبهي حبيبتي
[SIGPIC][/]


رقمي للواتس 0547421206
اهملت نفسي شوي من غيرت مكاني
وهالاسبوع برجع وبرتب البيت وبرتب خلطاتي وبرتب شنطتي ووو..
اجازة زوجي بتبدأ الاسبوع الياي
ولازم أشد حيلي
الله يسعدك مجهود رائع تشكرين عليه
مره كيوت شكرا حبيبتي لمرورك ولنصيحتك الحلوه والفكس ذكرت انا انه بعظهم يقولو حتى بدون حمل مضر وممكن الاستغناء عنه في الخلطات وانا اضفت ملعقه بس مع خلطة القدم وان شاء الله مايضر


الساعة الآن 08:27 .