السلام عليكم ورحمة الله وبركاته

مساكم الله بالخير ,,

عندي مشكلة بالقهوة معقدتني

اليوم حطيت القهوة على النار وضبطت ساعة الفرن ورحت اشتغلت بالبيت بس الجرس ماضرب ونسيتها مع الشغل ويوم تذكرتها لقيت مويتها نشفت وصارت قليلة وزدتها موية ورجعتها على النار 10 دقايق ويوم ذقتها طعمها مويه .. وصفيتها وزدتها قهوة ومويه ورجعتها على النار وخليتها ربع ساعة بس برضو طعمها مويه

ادري اني خبصت الدنيا بس دايم يصير لي هالشيء ومدري وش اسوي وبعض الاحيان اكبها واسوي قهوة من جديد

ياليت تعلموني اذا صارت مويتها قليلة وش اسوي عشان ماتخرب

وجزاكم الله خير ,,,
16-08-1431 هـ, 04:35 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
إذا قلت مويتها اسكبيها مثل ما هى وحاولى توطى على النار وتكون خفيفه عشان مايقصر الماء
16-08-1431 هـ, 05:37 مساءً
 
الله يجزاك خير

بس كذا بتصير القهوة قليلة

وانا اطبخها على نار هادية
16-08-1431 هـ, 05:42 مساءً
 
المويه اللي تزيدينها حاره والاعاديه..؟؟
16-08-1431 هـ, 06:40 مساءً
 
اقتباس مشاركة  (أخت الـــــذيب)
المويه اللي تزيدينها حاره والاعاديه..؟؟

والله توني بأقول نفس الكلام لازم الموية اللي تنزاد تكون حارة مغلية وبعدين القهوة تنطبخ على نار عالية موب واطية وإذا غلت غليتين قصري عليها شوي خليها على نار بين العالي والوسط عشان تطبخ زين القهوة ما تزين إلا بالنار يا قلبي والنار الواطية تخليها زايطة ههههههه
16-08-1431 هـ, 07:25 مساءً
 


الساعة الآن 08:57 .