أخواتي الحبوبات

أهنيكم بقرب دخول شهر رمضان


وحبيت افيدكم بهذا الموضوع من خلال تجربتي خاصه للاخوات العروسات او حتى الامهات الحبوبات


انا عندي طريقه اسويها كل سنه في رمضان


وهي اني اكتب في ورقه قبل رمضان هالجدول


واجهز الاطباق الي ممكن تفرزن من اللآن او اشتريها من الي يبيعوا المفرزنات اذا ماعندي وقت او ماعندي احد يساعدني حتى استغل الشهر هذا بالعباده وما يروح وقتي في المطبخ ولا اتعب جسمي ثم ما استطيع قيام الليل بسبب الإجهاد من شغل الطبخ


واسوي نوع واحد من كل مجموعه واذا عندي ضيوف ممكن نوعين واسوي الطبق الي متوفره مقاديره وطريقته سهله وسبق ان سويته قبل كذا لاني في رمضان مااحب اسوي اشياء متعبه او صعبه او اول مره اسويها وشكلها صعبه استغلالا لوقتي وجهدي لانه شهر عباده


ويمكن تستغربون كثره الاطباق فاقول موشرط تسوينها كلها وكل اسره لها رغبات واحتياجات مختلفه فالاسره الي عندها


اطفال ومراهقين لابد تنوع ووفي الاكل لانهم يرغبون بذلك


والاسره الي اكلها دايت ممكن تركز على الخضار والسلطات والي أطفالها صغار او ماعندها اطفال يحبون التنويع ممكن تقلل الكميه او تقلل الانواع وهكذا كل وحده ادرى بضروفها

ونبدأ الجدول


(1) العصيرات


ليمون - مانجو -فراوله- فيمتو - تانج بانواعه -داناو- قمر الدين -نعناع مع ليمون -او عصيرات جاهزه



(2) الشوربات


واكتب الانواع الي تحبها اسرتي مثل شوربه كويكر بالشعيريه , شوربه عدس, شوربه كويكر بكرات الدجاج ,شوربه الفطر,شوربة الجريش, واكتب حوالي 10انواع


(3) الحلويات مع الفطور او القهوه
لقيمات جبنيه سمبوسه جبن صغيره اصابع الجبن دونات محشيه دونات عاديه بقلاوه خليه سينابون حلى الفناجين بف باستري اي حلى قهوه سهل وبسيط ولذيذ


(4) المعجنات

فطاير جبنه سمبوسه بانواعها مطبق مالح او حلو او بالتونه او بالبيض والجبن سبرنج رول بالدجاج بيتزا - تورتيلا مع تنويع الحشوات


(5) حلى العشاء


ام علي كريم كراميل جيلي بانواعه عيش الساريا كيك بالشوكلاته اي حلى مفضل وموجوده مقاديره في البيت واكتب كم نوع تحبه اسرتي


(6) الطبق الرئسي


وهذا يختلف من اسره لاسره وعن نفسي مانحب الاكلات الدسمه في رمضان عشان ماتثقل علينا في الصلاة ولكثره الحلويات والمعجنات مااحد يأكل الاشياء الرئسيه وما يحرص عليها ولكن اكتب في القائمه لو كان فيه ضيوف مثلا


رز برياني وصينيه الارز وارز وملوخيه وكم نوع ارز من الانواع الي اعرف اسويها ونحبها


مكرونه بشاميل مكرونه لزانيا مكرونه بكرات اللحم فوتوتشيني واكتب كم نوع مثل الارز


دجاج مشوي مع حمص ومتبل سمك مقلي مع بطاطس صينيه سمك بالخضار


ربيان مقلي ربيان بالطريقه الصينيه



(7) اطباق خفيفه

وكبديل عن الاطباق الرئسيه ممكن اضافة هذة الاطباق والمقبلات


لاننا نفضل هذه الاطباق على الاطباق الرئيسيه كما ذكرت


صينيه خضار بالبشاميل - مسقعه - لحوح مع دجاج - كفته _ ورق عنب - المنتو الكذاب -


(8) السلطات


سلطه سيزر سلطة التونه سلطه فتوش تبوله سلطه مكرونه سلطة الزبادي مع الخيار


سلطه الزهره المقليه سلطه الباذنجان



واكتب حوالي 15 نوع واسوي النوع الي اغراضه متوفره بالثلاجه نفس اليوم


اتمنى اكون افدتكم بتجربتى ونصيحه اخيره رمضان شهر عباده واهم شعيره فيه الصيام والقيام وفيه ليلة خير من الف شهر من قامها ايمانا واحتسابا غفر له ماتقدم من ذنبه فلا نجعله شهر للطعام والشراب فقط


وهذا الجدول سجليه بطريقتك واحتياجاتكم الاسريه الي تناسبكم والاطباق المرغوبه والمحبوبه عند اسركم لانك اذا كتبتيه من اول رمضان ترتاحين من انشغالك بالتفكير ومن شراء الاغراض الي ماتحتاجين لها ومن ضياع وقتك في البحث عن وصفات وطرق تضيع وقتك وجهدك


وممكن الي عندها تجربه وافكار ثانيه او اضافه تفيدنا مشكوووووووووووو وره


وصياما مقبولا للجميع

الموضوع هذا من اعدادي ونزلته قبل فتره في منتدى ثاني بس حبيت افيد حبايبي في منتداي الغالي

جزاتس الله خير

اللهم ارزقني الوظيفه عاجلا غير اجل واشفي بنتي واجعل مابيها كأن لم يكن وارحم ابي واجمعنا به في جنانك

مشكوره
اللهم اجمعني بوالدي في الفردوس الاعلى من الجنه..
تسلمي حياتي
وجزاك الله خير
جزاك الله خير والله يبلغنا رمضان


الساعة الآن 06:35 .