اب

استغفرالله الذي لا الـه الاهوعليه توكلت واليـه المصير


سوي لازانيا مع كريم كراميل الفرن

مشكل مقبلات تبوله ،متبلـ الدزه مع المايونيز والزبادي

سلطة ملفوف(ملفوف وجزر وشوي حليب شاهي ومايونيز

فتة الباذنجان حلوه وبتعجبهم اذا حبيتي سوي ايدام هندي
شوفي ياعيوني هذي صياني خضار سهله ولذيذه مررررره


1// صينية الخضار والزهره بالبشاميل ::
------------------------------------
قطعي خضار إصابع وإقليه ( جزر _ قرع _ كوسه _ باذنجان _بطاطس )
حطيه كطبقة إولى بقاع الصينيه
جيبي زهره وقطعيه وإقليها حطيه طبقه ثانيه
بالخلاط ( قشطه _ جبن مثلث ) على حسب مقاس صينيتك
ودخليه الفرن تتحمر من فوق يـــمـــي يـــمــي على الريحه اللي تدوووووخ .. وبالعافيه
============
2// صينية بيتزا البطاطس ::
------------------------
قطعي بطاطس إصابع وإقليه وحطيه بقاع الصينيه كطبقة إولى
إذا تحبين سوي حشوة دجاج فيليه إصابع بس تكون من دون خضار بيضاء وحطية فوق البطاطس
سوي كشنة بيتزا ووزعيها زين الدجاج والبطاطس وحاولي تكثرين شوي
على الوجه ( جبن بيتزا _ زيتون شرائح إسود وإخضر _ فلفل رووومي حلقات )
تحمر من فوق وتقدم تنوكل بالملعقه إو خبز .. وبالعافية
==========
3// تندوري الدجاج :::: (للإمانه إخذتها من عضوه بالمنتدى )
-----------------

الطريقه بصل شرائح طويله وكذلك فلفل رومي شرائح وفلفل حار قطعيه صغار تحطيهم بقدر ع النار
وتقلبينهم مع زيت لين تذبل وبعدها جيبي صدور دجاج
وقطعيه صغير وحطيها مع البصل لين تحسينهم بدأت تستوي واضيفي الملح او ماجي والبهارت

فلفل مهران مشكل واضيفي الكزبره بعد ما تقطعينها صغار
وحركي بعدين اضيفي 2 م معجون طماطم لين تصير حمراء واذا حسيتي الدجاج استوى خلاص

جيبي حبة زبادي وحطيها على الدجاج وخذي من مرقة الدجاج
في فنجال قهوه وحطي نشاء عليها وحطيه ع الدجاج واخلطيهم عدل بعدها طفي واضيفي الكزبره

فوقها .. وبالعافيه
============
إذا تحبين بعد إكتبلك إنوااااع حلى قهووووه إبشري من عيووووني إكتبلك كم نوع حلووووات ومجربتهن
حبيبتي حاولي انك ماترجين نفسك


ترى احنا هذا اللي يلخبطنا اننا نرج نفسنا ونبغغى كل شي جاهز من بدري وتبغي تسوين كل شي مره وحده

انتي ابداي جهزي من اليوم وشوفي الاغراض الناقصه واكتبيها

وبكره سوي الحلا مثلا صينيتين كفايه

وسوي نوعين سلطه واشتري ورق عنب جاهز او اشتري المعلب حدائق فكتوريا مررررره لذيذ ورصيه في الصحون وحطي عليه ليمون

وسوي مكرونه او خضار بالباشميل وبس مو لازم تكثرين المهم ان الاكل يجمل

والله يوفقك ويستر عليك

وعاد بشرينا عن العزيمه لاتنسينا

ولاتنسين الصور
( رب لاتذرني فردا وانت خير الوراثين )

يارب انك ترزقني بالذريه الصالحه


رفع لعيونك


الساعة الآن 09:13 .