تسلمي
19-08-1431 هـ, 09:21 صباحاً
 
الله يعطيك العافيه

وانا قد قلت لزوجي ان شاء الله الفطور سمبوسه وشوربه وفول فقط >>خخخ وانا صادقه

والسحور اي شي بسيط بس انا اشيل هم عيالي مساكين لو عليه انا وزوجي نفطر ونتسحر اي شي بس عيالي لازم اطبخ لهم شي شوي دسم يعني كبسه او من ذا القبيل

وفي النهايه كل الشغل عباده اذا كان لوجهه الكريم والله يكتبلنا الاجر ياااارب
19-08-1431 هـ, 02:01 مساءً
 
والله هو التبذير اكيد مكروه ومنبوذ بس يا بنات سبحان الله هذي عوايد صارت في دمنا اننا كحريم نحب نتفنن في رمضان باكلات حلوه وجديده عن باقي السنه وترى هذا ماهو عيب اذا الوحده تحب تبدع وتونس زوجها وعيالها وتكسب بعد اجر كم صايم سواء ترسل للجيران او تعزم احد عندها مافيها شي وانا مااشوف تناقض بين كونه شهر عباده وتقرب لله تعالى وشهر تفنن بالاكل وزيارة اقارب وحتى جو البيت برمضان غيييييييييير جو ايماني على راحة بال وحتى حنا في المطابخ الحمد لله النفسيه ولا احلى وهذا ما يمنع انا نفرزن ونجمد نخفف من ضغط الشغل شويه بس اهم شي انا نلتزم بقواعد دينا ربي ماقال لا تاكلون ولا قال احكروا انفسكم على كم صنف بس اهم شي ما نبذر ولا نسرف وتروح النعمه للزباله ونفس الشي مااوقف 4 ساعات بالمطبخ ولا جت الصلاة اقول والله جسمي منهك وتعبانه لالالالالالالالالا
خلينا نوزنها صح ونعطي كل ذي حق حقه نبي نفطر باكلات حلوه ومفيده ومنوعه بالعافيه
ونبي نصلي ونتهجد ونقرا قران وحنا بثوب العافيه
ونبي نكسب اجر نفطر صايم ولا نزور قريب ونونس عيالنا ونستغل وقتنا بالطاعات مافيها شي اهم مافي الموضوع الموازنه
واعذروني على بربرتي الزايده وياربي وضحت الصوره وكل رمضان وانتوا سالمين والى الله اقرب
19-08-1431 هـ, 02:51 مساءً
 
والله العظيم معك حق وجزاك الله خير
19-08-1431 هـ, 03:25 مساءً
 
انا ضد الاسراف بس مع التنويع والتفنن وتوفير الوقت والاجواء الرمضانيه المميزه
19-08-1431 هـ, 03:41 مساءً
 


الساعة الآن 06:05 .