ولي طلب ما عليكن أمر..دعواااااااتكن لي ولباقي بنات المسلمين
نبدأ..................؟
بالأول حددت كيف أبغي تكون الرسمة فقررت المسحوب واللي ينفع أكثر شي على الحاجب الجاينيز
واللوك..كأني قسمت الجفن قسمين مايليين.. فتحت الحاجب بوسطه حطيت الشدو الذهبي وبعدين بالروحه والييه سحبته لبدايه الحاجب ونهايته..ويصير بالفرشاه مستويه الاطراف أو اللي تكون دائريه واللي تستخدم بعد لتحت العين
وبالوسط ما بين الجفن الثابت والمتحرك حطيت شدو بني وسحبته لمدمع العين ولنهايه طرف العين عشان يكون اللون المسحوب فاااااااتح أو أفتح من الوسط
2-حطيت على البني وبالوسط الشدو البني الغامج وسحبته نفس الحركه الاولى ليدام ولورا عشان اللون يبرز
3-رسمت العين بالشدو الأسود الكريمي بالفرشه الرفيعه الخاصة برسم العين من فوق وتحت..وسحبت الكحل من نهاية طرف العين لبرع اشوي عشان يبين انه خط+حطيت الشدو البني الغامج على الأسود من نهايه طرف العين ودمجتهم بالسحب لبرع (انا غلطت هني..وياريت تقولون لي شو هي الغلطة بهالخطوه ومثل ما هي ظاهره بالصورة )
4-بالفرشه الدائريه اللي استخدمتها سابقا لدرجات البني..دمجت بها ما بين البني والذهبي..يعني بحركه روحه وييه ما بين اللونين وبعدين مريت على الذهبي اللي تحت الحاجب كله بالفرشه فطلع اللون قريب من البني الفااااااااااااااتح او الرملي
ثم الحاجب بالتاتو الأسود
وداخل العين بالقلم الأزرق أو البحري ويناسب العدسه الزرقا
درجه البلشر عليه اسمي
الروج حبيت احطي برتقالي..بس طلع اللون برتقالي على وردي لانه ممزوج بالوري الفاتح مسبقا من طرفي..وحطيت عليه الروج البيج
تحت الحاجب اللمعه الذهبيه
من كذا اتجاه مع الرمش:
