Analysis Services
السلام عليكم ورحمة الله وبركاته

كيف الحااااال جميعا.. يارب تكونوا طيبين وياارب ماكون ثقيلة عليكم

اختي الغالية كاتبة موضوع ((حملة رمضان بدون مسلسلات واكل))

جزاك الله خيرا فيما كتبتي وحبيت ارد عليك في موضوع مستقل لانك تكلمتي في شي مهم لكن مع الاسف فيه ظلم لبعض الاخوات ومن ضمنهم انا

انا معك في بعض المبالغات اللي تصير في اغلب البيوت من ناحية الاسراف وهم قله

بالنسبة لي ولبقية الاخوات الموجودات اعتقد باذن الله ان احنا ماندخل في دائرة الاسراف

انا باتكلم عن نفسي وماانوب العضوات بس ان شاء الله اعبر عن راي البعض بطريقة سليمة

انتي استشهدتي بنبينا عليه افضل الصلاة والسلام بس زمنة عليه السلام ماكان فيه هذا التنويع في الاكل والشراب ولو كان فيه مابخل على نفسه بنعم ربه

احنا الان في نعمة كبيرة والحمدالله مايمنع نطبخ كذا صنف لعيون عائلتنا

سبحان الله حتى الاكل تكون النفس مفتوحة عليه في رمضان والحمدالله ماينكب شي منه يروح في بطون عيالنا عساه هني مري
رمضان يااختي مو كم صنف فيه يمنعنا من العبادة... نصوم الشهر ونصلي التراويح واليوم فيه متسع لقضاء انواع العبادة...
ماوقفت على الساعات اللي نقضيها في المطبخ وحتى في وقت الطبخ مايوقف لساني عن التسبيح والاستغفار يعني الطبخ ماكان عذر لوقف عبادتي
الام تحاول ترضي كل اهل بيتها من صغيرهم لكبيرهم..
انا وحدة زوجي اذا شاف السفرة قليلة قال ليش ماطبختي؟؟ كان قلتي لي اش اللي ناقص وانا اجيبه..وليش ماسويتي؟؟مو توني جايب لك الاغراض؟ يعني مو بكيفي والله الام تنحد على اشياء اوقات غصب عنها بس في سبيل ترضي بيتها
هذا غير ابنائي اللي كل واحد يفضل اكل معين اللي يقول وين الفطاير؟ وين الحلى ؟ وين ووين؟؟
واللي يزعل ويقوم ومايفطر
عيال اليوم مو زي عيال امس تكفيهم التمرة والله لو كانت تكفيهم ارتحنا من هم الفطور بس كله لعيون حبايبنا

ومن ناحية البنات اللي يفرزنون ردت عليك وحدة من الاخوات رد منطقي

فعلا احنا عايلتنا فيها العزايم كثيرة وممكن زوجي يدخل اي وقت يقول انا عازم رجال الله الله في الفطور

والله وقتها اتوهق لو مافرزنت واندم بعد... ماراح ينفعني غير مفرزناتي وفعلا توفركثير من الجهد والتعب..

ودام الله ميسر علينا ليش نعسر على انفسنا؟؟بدل مانقضي شعبان نوم وقعدة وكسل مايمنع نطبخ ونفرزن توفير كثثير للوقت والجهد

رمضان يميزه العباده واجواءه الرمضانيه المميزة وقيام التراويح وقراءة القران وتميز اكثر ببعض الاصناف اللي نطبخها فيه.. والله في رايي المطبخ له طعمه الخاص في رمضان حتى نفسنا تنفتح على الاكل

(((((( وعمر الاكل ماوقف عبادة شخص )))))

دام النعمة موجودة المفروض مانقصر على انفسنا
اختي الله يجزاك الجنه
اسلوبك كان فيه نوع من الاستهزاء بمواضيع بعض البنات ياليت يكون فيه مراعاة لمشاعر بعض

وياليت ماتزعلين مني كان مجرد راي وكلام في خاطري ربما يدل على راي كثير من العضوات

اختلاف الراي لايفسد للود قضية


ربي يجيب لنا الشهلا الكريم واحنا في اتم صحة وعافيه ويبلغنا هلاله

اللهم ارحم جميع اموات المسلمين

استغفر الله واتوب اليه
19-08-1431 هـ, 12:41 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الله يعطيج العافيه على هالرد
بصراحه كفيتي ووفيتي
انا ماقريت موضوع الاخت اللي كتبتي لها هالرد
بس سبحانه الدنيا يسر ماهي عسر
وسبحانه ربي لو يبينا بس قاعدين نصلي ونصوم ماخلى هالانعام وهالمستويات من الناس
كان خلا الناس كلها تصوم وتصلي بس
بس ربي بعد عيني اسمه خلا لنا اختبارات كثيره ومنها رمضان
بقوة تحملنا وعدم اسرافنا وبصلاتنا وبقيامنا
يااختي سبحان الله ربي سمح ليش البشر ماهي سمحه
والطبخ حق البيت والعيال ترى هذا كله اجر
يعني الوحده تقعد تفرض سجادتها وتمسك قرآنها بس هذي هي
طيب وين واجبها نحو بيتها وعيالها
ليه ماهي محاسبه عليهم يعني
واللي تب تطبخ صنف نفس اللي تطبخ عشر
مافرقت الا بعدم الاسراف وبتنظيم الوقت
والله يابنات ترى حنا في وقت يحسدنا عليه الجميع
كل شي عندنا متوفر ولله الحمد
يعني حتى اللي تطبخ تقدر تحفظ قرآن ولا حتى تسمع ندوات دينيه
مو شرط بس برمضان
اللي يبي الاجر والاعمال يلقاها بكل وقت
فلانخلي رمضان ترهيب للناس
والله ياانه ايام ربي كلها ترغيب ماهي ترهيب
واللي يرهبها البشر اللي فيها الله يكفينا شر من فيه شر
اتقوا الله في انفسكم




اختي جمال الياسمين
عسى الله يبارك فيج ولج
وعسى ربي يسعدج وعن النار يبعدج
ويكفيج شر كل نفس
بوركتي على هالرد
في ميزان اعمالج ان شاء الله



وترى رمضان رحمه
وخلوا هالشي في بالكم وقلبكم

ومبارك عليكم الشهر مقدما
وعسى الله يتقبل صيامنا وقيامنا ان شاء الله
19-08-1431 هـ, 01:39 مساءً
 
وناات الفرح

افرحتيني بردك اللي يثلج الصدر ربي يبارك فيك

جزاك الله خير على كل دعوة دعيتيها لي

مروورك نوور الصفحة واسعدني كثير

وكلامك سليم مليون باالمية
19-08-1431 هـ, 03:14 مساءً
 
مشكوره
19-08-1431 هـ, 03:16 مساءً
 
الله يجزاك خير اختي وانا كتبت رد في موضوع الاخت وكان قريب من كلامك بارك الله فيك
والله يبارك لنا في رمضان يارب
19-08-1431 هـ, 03:28 مساءً
 


الساعة الآن 08:25 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏