نفس رغبتي

ولاكن بالرياض
حياك الله قصيمية بجدة

هاليومين أنا زعلانة حيل من جدة
يا ختي وش ذي الزحمة ؟ وش الحر ؟
يا ويلي ويلاه .. ساعتين وانتِ مرتزة في السيارة
تنتظرين بس توصلين لمشوارك
وتأذن عليك كل الصلوات وانتِ ولا وصلتي

ما علينا

،

طبعاً أكيد تعرفين سوق اليمامة بجدة

شفت فيه كوشكات كثيرة هناك

الكوشك مرة فخم

هم عاملينه

طبعاً مو انتِ اللي تبيعين فيه

اللي يبيع فيه رجال

فهذي ما هي مشكلة

خذي لك أي صبي

السوق ما شاء الله زباينه كثير

ولو فعلاً قدرتِ تجذبين لك الأنظار
فأكثر المرتادينه من العرايس وأهل المناسبات
ممكن تسوين كمان طلبيات مناسبات وأفراح
مو شرط تسوين بس طلبيات أكل
سوي معاها طلبيات خارجية

طبعاً أقولها لك بصراحة الكشك إيجاره غالي
يمكن 18 ألف في السنة

لكن عليهم إقبال شيء مو طبيعي
والسوق كله ما فيه غير محل واحد بوفيه
وكشك كرسبي
وأتوقع لو شفتِ لك شريكة معاك
بإذن الله ما راح تخسرين


،


عندك كمان ..
الكندرة مول
هذا المول فيه هناك محل يبيع بطاطس مقلية وعصيرات
لو رحتِ لهم وقلتِ لهم إنك على أتم الإستعداد
تجهزين لهم معجنات وورق عنب
تحطينها في صحن كبير وهو بدوره يبيع
الحبة بريال / الحبة بريالين
ما لك دخل انتِ
انتِ بيعيه بالكيلو

شوفي كم يخارجك وخارجي نفسك

،

بالنسبة للمعاهد والمدارس ما أتوقع فيه
لإن هالحين وزارة الهدم والتحطيم ( التربية والتعليم )
مسوية عقود مع بعض المؤسسات الكبيرة

شوفي المدارس الأهلية
أو دور رياض الأطفال
أو دور تحفيظ القرآن الكريم

،

لكن بأدلك على طريقة يمكن تساعدك

ليه ما تتعاملي مع سوبر ماركت من اللي جنبكم
أو سوبر ماركت كبير شوي
أو بوفيه رجالي

تسوين انتِ يومياً كمية محددة
وتحطينها في حافظات بلاستيك
وتبيعينها في نفس المحل
وأعطي له نسبته
أو حددي انتِ سعرك وهو يبيع بالسعر اللي يبغاه

رحت لأكثر من سوبر ماركت
لقيت اللي مسوية معمول وغريبة
واللي عاملة مخللات وطرشي
وكلها شغل بيت

طالما إن تخصصك في المعجنات والورق العنب
أنا أشوف لو تتعاملي مع بوفيه ( رجالي )

ومع بداية المدارس
روحي بنفسك لأكثر من مدرسة
وشوفي إذا عندهم إمكانية تأجير أماكن والا لا
أعطيهم رقمك
وأول ما ينفتح لك باب
صدقيني بيدقون عليك


كمان شوفي المشاغل النسائية
هالحين ما شاء الله تبارك الله مع العيد بيكون عليها إقبال

أدري إنك كنتِ تبغين أحد يدلك
بدون ما تبحثين
بس والله ما سمعت عن جهة معينة
لكن إذا سمعت أو لمحت
إبشري بالخير

بس وش يخارجنا من هالزحمة ؟
الله يوفقك
الله يوفقك يارب وتحصلين مطلوبك..
يارب..
إذا أسأت إلى الناس أعطني شجاعة الاعتذار..
وإذا أساء لي الناس أعطني شجاعة العفو..
ياحبيلكم كل ابوكم الله يجزاكم خير الي ردو والي دعو والي رفعو الموضوع

اما بالنسبه لشيخة احمد

اييييييييه لاتشكيلي ابكيلك

هالزحمه مامنها فرار كل سنه وهذا حالنا لدرجة صرنا مانطلع من البيوت عاد انا بيتي بعيييييييييد عن الزحمه والهلومه ذي كله انسي اروح للجنوب ولا شارع فلسطين ولا التحليه بوقت الصيف ورمضان ههههههههه

نشاطاتي فقط ناحية الشمال من حراء وفوق بس برضو مانسلم من هالزحمات بس تصدقين يقولون زحمتكم اهون من زحمة الرياض تجلسين بالاشاره ساعه وهو ماجاء دورك

ماعلينا من ذا كله حبيبتي كفيتي ووفيتي

اما سوق اليمامه والكندره للاسف بعيد عني مررررررررررررررررره وانا ابي مكان اتابع فيه من قريب وحتى لو صار الي يبيع فيه رجل

من بيوصل ومن بيجيب انا لي رجل اذا يوم مزاجه رايق عشر ايام لا هههههههههههه

والا والله فكرة البوفيه حلوه بالاسواق يبيلي امخمخ عليها

وبالنسبه للسوبر ماركت لازم ختم من وزارة الصحه وشغلانات كثيرات يعني ماياخذون منك اي منتج الا الصحه معلمه عليه وسجل مدني وغرفه تجاريه والهلووووومه ذي كلها يعني صدقين ماكتبت هالموضوع الا بعد مافرفرت رجلين على كل المحلات واستفسرت وتقصيت

والمدارس كذالك فرفرت على اغلبهن الي حوالينا وذوقتهم اكلي وعجبهم ولي سنتين انتظر اتصال اي مدرسه لاحس ولاخبر

بلعو وشبعو وطنشوو ههههههه عليهم بالعافيه

حتى المدارس الاهليه محتكره كل المدرسات والمديرات مستثمرين المقاصف كاستثمار لهم يعني مالك امل

عشان كذا قلت ابحث عن مشغل ولا نادي ولا مركز تدريب يمكن فيه حريه اكثر والاقي مطلوبي عندهم

وماقصرتي يالغلا بس تاكدي اني ماكتبت الموضوع الا بعد ماياست من البحث وكان لي موضوع قديم بنفس هالطلب

وقلت هالمره بكرر الطلب يمكن الرميه تصيب ويصير لي نصيب

والله يجزاك خير انتي والجميع وعساك على القوه فزعتك ذي لحاله تحسسني انك سويتيلي شي كبييير ياحبيلتس
سيفتح الله بابا كنت تحسبه,,,من اليأس لم يخلق بمفتاح
السلام عليكم حيا الله القصمان كلهم
شوفي يابعدي قريت موضوعك وفكرت وفكرت وفكرت من تجربتي وزيارتي للنوادي اشوف ان النوادي افضل شي بالنسبه لك
مو اي نوادي
فيه شي اسمه (( مراكز الأحياء)) في جده كل حي في مركز الحي
ماادري عنك انتي وين ساكنه وهل عندكم مركز احياء اولا
عباره عن فله كبيره يكون فيها كل شي مسبح رياضه كوفي شوب كل شي من الى
المركز الي جنبي شفت فيه واحده مستأجره كذا وماشاءالله ماتخلي شي ماتبيعه وعليها زباين من اكل وغير الاكل
حتى الزرع الشتلات الصغيره تبيعها
استفسرتي عن مركز الحي عندك وشوفي وش وضعهم وروحي قابلي المديره بنفسك
واتوقع ان الاجار لو حصلتي ان شاءالله بيكون ارخص من الاماكن اللي برا وافضل لك انتي بعد من الزحمه والقرف
تروحين تغيرين جو وبنفس الوقت تكسبين ان شاءالله
اي استفسارات وانا اختك من عيوني انا زيك قصيميه وبجده برضو


الساعة الآن 04:20 .