كم وحده منكم يابنات شالت الجوال بتتصل على زوجها وتفاجأت برقمه على شاشه الجهاز
كم وحده موسوسه من العقارب والزواحف وتطلع لها في كل مكان !!!
كم وحده خمنت نتيجه امتحان وتوقعت انها بترسب وصـــــــــار لها هالشي !!
كم مره فكرتي بشخص وتفاجأتي انه يطرق باب المنزل لخطبتـــــــــــــــــــــك ..!!
كـــــــــــــــــم و كـــــــــــــــــــــم وكـــــــــــــــــــــم....ووووو
اللي اعرفه ان الواحد يحلم بالليل في اي شي يفكر فيه بالنهار !!! بس ان الاحلام والامنيات تتحقق على ارض الواقع فهذا الشي من ظروب الخيال ......!! قرينا مو اضيع مشابهه لموضوعي عن تاثير العقل الباطن !
وقانون الجذب !
وقوه السر !
باسرد لكم بعض القصص الواقعيه لتوضح الصوره اكثر !!
اختي اللي هي نفسها اقطع فيها بكل موضوع !!
متشائمــــــــــــه ولا للتفاؤل مجال عندها وكل شي يبدو لها اسود ...!! اتصلت بي قائله _
ماباروح هالصيف لاهلي احس ماحد طايقنا ! ولالنا قعده عند اهلي بوجود حريم العيال ...!
تذكرين يوم قالت وتذكرين وش سووا وووو....
قلت لها _ يااختي والله حريم العيال طيبات ولاشفنا منهم شي وانتي لاتتوقعين تصير مشاكل كذا من الباب للطاقه !!
في يوم زواج اخوي صارت مشاكل بدون اسباب وانتهت بالقطيعه بين اختي والمعرس !
2-بنت خالتي حريصه على ولدها حرص فظيع وطول الوقت متوتره لايصير فيه شي المسيكينه يابنات مااذكر انها طلعت من مناسبه الا ولدها مفلوق او مبطوط ...وتخاف عليه لايشرب بارد ولا يفتح دريشه واكثر مااشوفه مريض وطول الوقت تعبان ....!!!
3-على كثر مااشوف بنات ينخطبون ماتصورت بنت عمتي اللي جمالها لايوصف انها تتعدى سن الزواج وماتعرس كانت دايم تردد كلمه << مابه حد يستاهلني >>!!!
والله العظيم كل اللي خطبوها اقل منهم اجتماعيا واقل من مستواها التعليمي ودايم تقولي غريبه انتي ماعندك شهاده وزوجك ضابط وعنده ماجستير
!ومستغربه ليه بنات اقل مني يتزوجون وانا اللي استاهل اخذ وزير على حسب قولها ومايخطبني الا هالعينات اللي تشوفهم اقل منها !!!
خلاصه هالقصص السابقه اني ابي اسالكم تتوقعون ان هالشي يصير بمحض الصدفه ...
والا الحــــــــــــــــــــــــــظ !
والا وش السالفـــــــــــــــــه !
لقيت ملخص لتساؤلاتي في كتاب اسمه الســـــــر
واشرطه صلاح الراشد عن قانون الجذب
اكيد اغلبكم اطلع عليها بس قلت اكيد مو الكل يعرف هالسر الخطيييييييير اللي غير مجرى حياتي
وخلاصته انك انت يالانسان تجذب كل ماتفكر فيه اليك .....وكل مايحصل لك نتيجه لافكارك سواء كانت ايجابيه او سلبيه .....!
والله صرت احس اني مغناطيس اجذب كل مصيبه لنفسي وبعدما فكرت بطريقه افضل وتفائلت بدأت الحياه تظهر لي بصوره اجمل ولقيت ابواب الدنيا تنفتح لي باب باب ...!!
تدرون مؤلف كتاب السر ان ماعنده ماعند جدتي وغيره من الكتاب ماجابوا جديد !
لان هالكلام عرفناه من الاف السنين ولكن للاسف تناسينا وتجاهلنا وغفلنا عنه وكل مافي الكتب مصداقيه لكلام الله عزوجل ....
<انا عند ظن عبدي بي ....ان ظن بي خيرا ..الى اخر الحديث>
وقوله صلى الله عليه وسلم < تفائلوا بالخير تجدوه >
عندما تقول لنفسك تكرارا" انا متشائم.. انا حزين .. انا عاجز" عندئذ يقتبس عقلك كلمتك ويعتبرها دليلا على انك لن تكون في وضع يسمح لك بأن تكون "متفائل..سعيد ..قادر " ومادمت تصر على قول :" انا لااستطيع فعل ذلك الشيء لااني غير قادر "فإنك سوف تكتشف بكل تأكيد أن عقلك الباطن سوف يتبع اوامرك وانك سوف تمضي حياتك وانت تعاني من نقص وعوز في جميع الاشياء وسوف تضن ان الظروف هي السبب في ذلك ولن يخطر ببالك انك خلقت تلك الظروف لنفسك بالافكار السلبيه ........
هذا رابط لفلم السر مترجم الى العربيه ومدعم
بايات قرانيه واحاديث نبويه .......
( طريقة ) إضافة من اليوتيوب في المنتدى (
1 2 3 ... الصفحة الأخيرة) الفلم مكون من عده اجزاء وللعلم ان موضوعي هذا لايتعارض مع الايمان بالقضاء والقدر ولا ينافي التوكل على الله في كل شي
واللي بترد وتقول احمدي ربك لايبلاك ربي
اذكر هالقصص بمواضيعي مو شماته بس ابي اوضح بعض الصور لتتضح الفكره ولاخذ العبره !!
والحمــــــــــــــــــــــد لله اولا واخرا .......
.