السلام عليكم ورحمة الله وبركاته

اليوم انا كاتبة موضوع يخص التاجرات او بالاحرى زبائن التاجرات والاشخاص الي تتعامل معاهم التاجرة بشكل يومي في عدة نقاط من زمان نفسي اناقشها معاكم واطرحها واتمنى القى صدر رحب وتقبل لراي المتواضع

النقطة الاولى:

مصادر البضائع:

دائما مالاحظ مئات المواضيع التي تسال التاجرات وتحلفهم عن المواقع والمصادر الي يجيبون بضاعتهم منهم وينتهي الموضوع عادة بالدعاء عليهم او الاغتياظ منهم لعدم الادلاء بالمعلومات .. هذا الشي يثير عندي تساؤل هل سبق دخلتي محل في سوق او في مول وحلفتي صاحب المحل من وين جايب بضاعته .. او هل سبق مسكتي موظفه وقلتي لها بشتغل شوي من شغلك وبقاسمك في الراتب ليش التاجرة ماتحترم خصوصيتها يعني المصدر حق من حقوقها دورت وبحث وجربت الين ماتوصلت اليه .. وكثير منهم انصب عليهم كذا مرة قبل ماتوصلها البضاعة.. يعني لازم نقتنع ان لكل مجتهد نصيب.

اسعار البضائع:

بالنسبة لاسعار البضائع الكثير من الزبونات تشتكي من المبالغة في السعر او ان القطعة لاتستحق الثمن وتغفل ان الناس تختلف معايير الغلاء والرخص حسب مادياتهم ومعتقداتهم يعني فيه ناس تشوف اللي ب 100 غالي وناس تشوفه مناسب وناس تشوفه رخيص يعني قبل ماتكتبين رد كبير عريض تبخسين فيه السلعة وتطيحينها من عين الناس فكري في هذي النقطة .. كمان في بنات تكون مطلعة على الموقع الي تطلب منه التاجرة وتشوف سعر القطعة وترا السعر اللي طالبته التاجرة فتحس السعر غالي ومبالغ فيه بس للاسف هي تشوف القطعة بذاتها وناسيه انه في مصاريف شحن وتحويل بنكي واحيانا تكون قيمة الشحن تتجاوز قيمة البضاعة.

تفاوت الاسعار:

عادة مانجد مقارنة بين اسعار التاجرات ونرى التلميحات والتعليقات ممكن تكون فيه تاجرات تبالغ في السعر بس كمان التاجرة الللي تطلب كميه كبيرة تطلع عليها سعر القطعة ارخص من التاجره اللي تجيب كميه اقل ومن هنا نجد تفاوت في الاسعار..كمان هذي النقطة لما نلقى المنتج في السوق ونرا فرق كبير بين سعر التاجرة وسعر السوق العادي لان المحلات عادة تجيب جمله او قطع كثيرة ممكن توصل الف قطعة فالشركة تعطيها سعر مختلف وعادة مايكون ارخص بكثير من التاجرات.


استكثار الربح على التاجرة:

ارى كثير من الاخوات من خلال ردودهم نظرة استكثار الربح على التاجرة بمعنى انها تدقق الف مرة قبل ماتدفع وتناقش وتسال وتجادل هذا شي سليم وانا احب الزبون الذكي اللي ياخذ حقة .. بس بالمقابل انزل للاسواق ارى بضائع رديئة متشابهة مكررة اسعارها اضاعف تكلفتها وفي الغالب قبيحةوتتهافت عليها الاخوات من دون سؤال او مناقشة بس لانها ماتعرف الربح هذا يذهب لمن ..

احترام وقت ومجهود التاجرة:

وهذا الدافع الكبير اللي خلاني اكتب الموضوع ترا التجارة يااخواتي مو سهله يعني التاجرات يتعبون مو بس شي ماخذته من باب التسليه والترويح عن النفس .. في وقت تقضية في الاختيار والتحويل ومتابعة وصول البضائع وعرضها وتسليمها للزبائن .. وقت تاخذه من وقتها ووقت بيتها وعيالها .. التاجرة تستقطع مال من مالها الخاص ومال اولادها والله اعلم كم من شغلة استغنت عنها لتبدء تجارتها وتنمي نفسها .. التاجرة تتحمل الاتصالات في الاوقات الغير المناسبة .. تتحمل الاستفسارات الكثيرة والي سبق شرحتها بالتفصيل الممل .. تتحمل النفسيات المختلفة من الناس .. فيحق لها الاستمتاع بنتائج مجهودها وثمار نجاحها


في الاخير لااغفل انه يوجد تاجرات غير امينات مع الزبائن وغير مخلصات لعملائهن... كما يوجد زبائن راقين ومقدرين للعمل والاجتهاد


هذا رائي المتواضع قد يكون فيه نسبة من الصحة ونسبةمن الغلط لكنها افكار كانت تراودني وحبيت طرحها

مع جزيل الشكر


Why should i care what other people think of me.. i am who i am and who i wanna be
كلام سليم وعين العقل

ياليت هالصوره توصل لجميع الزبائن عشان يقدرون ويتفهمون

يعطيك العافيه حبيبتي

كفيتي ووفيتي
سبحان الله وبحمده .. سبحان الله العظيم



قربت الدوامات ! لازم تطلين هنا ....

اسعدني مرورك baby hard والله يوفقك ويرزقك يارب

Why should i care what other people think of me.. i am who i am and who i wanna be
كلامك كله درر
والله يهدي النفوس
كلامك يخط بالذهب ياااااااااااااخ تي الكريمة

بوركتي فيما كتبتي ياااااااااااااا اااقمر





عرض خاص اسدال صلاة مع مسبحه ب25ريال












الساعة الآن 01:50 .