موضوع جاء في الصميم

ونتقبل النقد والأراء بس بالمقابل الزباين يتقبلوا منا ولا يتطاولوا علينا
24-08-1431 هـ, 04:38 مساءً
 
والله كلام صحيح

اما بالنسبه للزباين اللي انا منهم

اقول ان اول الهواجس اللي اعاني منها في التجارة الالكترونيه هيا

معظم التاجرات تشترط ايداع المبلغ كامل في الحساب ثم ارسال البضاعه (ودا عشان تضمن حقها)

بس كزبونه مين يضمن حقي ازا البضاعه وصلت ومهي على المواصفات خصوصا ان كتير منهم يعرضوا نفس الصور للبضاعه

واللي انا اعرفوا ان البضاعه الصينيه درجات في منها درجه اولى وثانيه ...انا كزبونه ما عندي ما يضمن الكلام دا

ما اعرف ايش الاليه المتبعه بس كمان لازم نضمن حقنا كا زبائن

كمان توجد بعض البضائع تنباع في الاسواق رخيصه جدا مقارنه بأسعار التاجرات ما ادري ليش خصوصا عندنا في الغربيه

لازم يكون في حاجه تغريني كزبونه عشان اشتري من النت

ما ادري كلامي صحولا خطأ بس رأيي
اتمنى اني ما تتطاولت على احد او جرحت احد
بس دي تسأولات في نفسي من يوم ما سجلت في المنتدى اشوف كل يوم اشياء حلوه بس اخاف اطلب

خصوصا ان نسمع كتير حركات نصب واحتيال بسبب النت والشرى منوا

خلاص مصختها هههههههههههه

عموما اتمنى التوفيق للجميع والله يوسع رزقكم جميعا
24-08-1431 هـ, 10:22 مساءً
 
اختي نانا الفنانة انا حجاوبك بناء على تجربتي

احنا هنا عندنا قسم اسمو قسم عضوات الـvip واي خطأ من التاجرة سواء مقصود او غير مقصود بنتحاسب عليه هناك بنحاسب بعضنا والادارة بتحاسبنا وترجع حق الزبونة اذا ثبت ان التاجرة ظلمتها وممكن تنطرد والله اعلم كمان ايش اللي يحصل من تشهير وغيرو.

لكن اذا التاجرة انظلمت من قبل الزبونة ايش اللي بيحصل؟؟

الوقت الحالي والله والله والله عندي بضايع طلبتها زبونات جبتها على مزاجهم من غير ما ينزلوا في حسابي حاجة من باب الثقة فيهم وكل يوم والتاين يرسلوا رسالة يتشرطوا فيها لحد ما طلعت طلباتهم لوحات فنية وخسرت فيها ودحين مطنشين لا ارسلوا ليا الفلوس ولا اتصلوا!! مين حيضمن لي حقي وخسارتي؟؟ ربنا بس وممكن يوم من الايام انفجر وادعي عليهم من قلبي .

احنا زيكم نبغى ضمان لحقوقنا لان احنا كمان بنخسر لكن مين يحاسب العضوة (الزبونه)؟؟ الا ربنا.
25-08-1431 هـ, 12:51 صباحاً
 
غير اللي تتفق معاكي وتكون عارفة المبلغ وتقول خلاص نديه المندوب لما يجي . ويروح المندوب يوصل لها الشنطة آخر الدنيا يقوم زوجها يحاول مع المندوب يخصم من المبلغ ويزعل ويرجع لي البضاعة مع المندوب! اقوم ادي المندوب حقو من جيبي زيادة على الطلب اللي رجع لي! وغيرووو وغييرو..



ما نقول الا حسبنا الله ونعم الوكيل
25-08-1431 هـ, 12:53 صباحاً
 
برضو انا حابه اضيف نقطه
التاجره تتعب الين ماتجيب فكره جديده غير موجوده في السوق عشان تتميز فيها ويمشي حالها فيها وتعرف الزباين عليها لان هالفكره ماكانت موجوده في السوق
وفجاءة تلقى فكرتها انسرقت وانتشرت وصارت برخص التراب من تجار التقليد وبعض التاجرات اللي تركض وراء الرزق بدون ماتفكر هذا من حق مين

هنا وش بيكون شعور اي شخص لو كان مكان هالانسانه ؟؟؟؟
25-08-1431 هـ, 01:07 صباحاً
 


الساعة الآن 10:24 .