أختي المتحضرة .. بإنتظارك وإن شاء الله ترجعين بأسرع وقت ..

مرحبا أم تيماء .. خبريني من وين حملتيه قبل .. ؟؟! عادة اللي وصفتيه يكون لبرامج مب
كاملة يعني demo ... وهذه البرامج تكون للعرض .. ومب كل المميزات موجودة .
بس بالنسبة للفرونت بيج .. مااستوت معي ولا مرة .. خبريني بالتفصيل من وين حملتيه
وإذا فيه رسائل تنبيهية تطلع لج .. إكتبيها لي ...
هل ممكن يكون الشرح بالعربي اذا وافق الجميع
وبعد مانسوي الموقع ويكون جاهز مواقع الاستضافة تطالبك بمبالغ مالية اليس كذلك
وبعد ذلك هل يكون لصاحب الموقع اي مردود مادي اذا كان له فائدة مادية فكيف يكون ذلك
سر حواء لوسمحتي النقطه الأخيره وهي الحفظ أضغط على سيف يطلع لي
الغالية نهار و ليل .. الشرح تراه بالعربي .. بس الإنجليزي أستخدمه عشان أدل البنات على
الأوامر الموجودة في الفرونت بيج .. لأن المعظم عنده واجهة إنجليزية وأنا منهم ...
فما بعرف شو ترجمتها بالعربي .. إذا فيه شي ماعرفتي وينه أو ماعرفتي تنفذين خطوة خبريني
وبحاول أشرحها أكثر ...

اقتباس مشاركة
وبعد مانسوي الموقع ويكون جاهز مواقع الاستضافة تطالبك بمبالغ مالية اليس كذلك
وبعد ذلك هل يكون لصاحب الموقع اي مردود مادي اذا كان له فائدة مادية فكيف يكون ذلك
وردا على سؤالك .. مب كل المواقع تاخذ مبلغ مالي عشان الإستضافة .. فيه مواقع مجانية
منها موقع راح نسجل فيه للدورة .. تعطيك مساحة معينة .. ومقدار معين من (bandwidth) .. وطبعاً شريط أو صندوق دعايات ..

الحين صاحب الموقع .. وقصدي البنات اللي بالدورة ماراح يكون لهم أي مردود مادي إلا
اللي عندها بضاعة ( الله يرزقهن إن شاء الله) .. لأن الدورة راح تعلمها كيف تعرض
بضاعتها .. وتدير موقعها وتغير فيه على راحتها ..

وممكن عندها تتجه لتسجيل نطاق (domain) مثال : www.yourname.com
وتنتقل لشركة مستضيفة تدفع إلهم سنوياً عشان يعطونها مساحة وماتحاتي إن الموقع
يتسكر بسبب الbandwidth .. واللي هو يتعلق بزيادة عدد الزوار ..
وهذا كله مايكلف وايد .. في حدود ال 400 درهم ..
عزيزتي سر حواء

يظهر أني هابتدي أتعبك

قلتِ أن برنامج فرنت بيدج موجود ب أوفيس وأنا عندي أوفيس اكس بي بروفيشنال وما لقيته ودورت عليه بالسي دي غير موجود .
وكمان عندي فيجوال استوديو6.0 وغير موجود به ..

هل تتوجد طريقة أخرى لمعرفة أن كان موجود على السي دي ولا يظهر

آسفة على تعبك حبيبتي .. عاجبني موضوعك كتير وحابة استفيد ...

بارك الله فيكِ



شروق وغروب


الساعة الآن 09:11 .