اقتباس مشاركة
المشاركة الأصلية كتبت بواسطة sticky
والله من التجربه انج تحطين غالي و ترخصين بالمكاسر احسن..و الحريم ما بيرتاحون الا بهاي الطريقه
لان اعرف وحده كانت مثبته الاسعار في محلها..و الاسعاااار رخييييييييصه وايد لكن بعد يكاسرون..يعني شباصه بثلاث دراهم..يقولولها هاتي ثنين بخمس..يعني يبون يكاسرون بأي طريقه...
اذبيحيهم بس لا تبيعينهم بسعر ثابت..ينقهرون من ها الشي بشكل عجيب..
اللي اعرفها الحين غلت الاسعار مثلا الشي بخمس سوته بعشر..عشان يكاسرون و يرتاحون و يشترونه بخمس..

مع اني والله من الناس اذا قلتيلهم السعر ثابت اشتري و اطلع..بس مادري بلاهم خلق الله يموتون في المكاسر<<وحده ما يخصها في المكاسر
بالتوفيق
هلا اختي sticky

خلاص ارح اخبر الفلبينه انه ما تثبت الاسعار
لانه صدق الناس تموت في المكاسر
وهذا من تجربتي السابقه
وان شاء الله ما تشوفون الا كل شي حلو وجديد
10-11-1425 هـ, 12:55 مساءً
 
اقتباس مشاركة
المشاركة الأصلية كتبت بواسطة راس المعزّة
أنا وحده بصرااااااااحه مالي طولة بال في المكاسر بسرعه آخذ وأطلع يعني ما أعرف أكاسر والسعر الثابت بيريحني..
هلا اختي راس المعزه

ياريت لو كل المحلات تسوي سعر ثابت
جان كلنا ارتحنا
بس صراحه رايي الاغلبيه اني اسويه مب ثابت
وان شاء الله باخذ برايهم
وانا في انتظارج اختي راس المعزه
واذا بغيتي افضل الموديلات تعالي اول شي
لاني انا مرات غصب عني ما اقدر اكرر القطعه مرتين او ثلاث بسبب االخامه
صدقوني كل شيله تطلع من عندي اشتغل عليها شغل
لاني ادور كل شي غريب ومش موجود من قبل
10-11-1425 هـ, 12:58 مساءً
 
اقتباس مشاركة
المشاركة الأصلية كتبت بواسطة أنستازيا
انا أحب أكاسر بس اذا السعر ما عجبني .. وحسيت انه مرتفع ..

لكن اذا السعر مناسب ما أجادل ..

ويوم أشوف المحل أسعاره ثابتة ومناسبة أمووووووووت من الفرررررحة ..

أوفر على بلاعيمي التعب ..

مع اني في المكاسر رقم 1 .. محد يقدرلي ..

وانا أشوف ان الفلبينية أحسن وأشطر .. من كل النواحي ..

والمعارض ما فيها شي بالعكس تشهر المحل .. بس أكيد المعارض المنظمة ..
هلا اختي أنستازيا
انا اسعاري مب مرتفعه وبتعجبج
بس طبعا مع شغلي يعني تبداء اسعاري من 120 درهم الى 250 درهم بس شغل حلو
وقطع حلوه بعد

وانا في انتظارج
10-11-1425 هـ, 01:01 مساءً
 
هلا خواتي
صدقكم يوم قلتولي لا اثبت الاسعار
مع انه اسعاري رخيصه وتبداء من 90 درهم اللا 280 درهم على حسب الشغل
لكن لازم ينقصون وبعض الحريم حتى لو عشر دراهم
سبحان الله صار تعود والدنيا تراه اخذ وعطا
المهم ردودكم ومواضيعك جدا افادتني

شكرا لكم جميعا
وشكرا لكل شخص شارك او قراء الموضوع
14-11-1425 هـ, 03:58 مساءً
 
الله يوفقج أختي


الفلبينية راتبه أرخص وزينه لكن المشكلة باللغة
والعربية بتفهم على الزباين وطلباتهم أكثر

بالنسبة للأسعار

إنتي حطي range للسعر

يعني مثلا السعر المبدئي 300 درهم .. وبعد الخصم تنزل الزبونة السعر على حسب شطارتها بس ما ينقص ( على سبيل المثال) عن 250 درهم

15-11-1425 هـ, 04:59 مساءً
 


الساعة الآن 01:48 .