أنا بعد إذا البائعة عربية ما أدخل المحل أما هندية أو فلبينية أدخل والأفضل تكون مسلمه علشان أحس أننا نساعد المسلمين بتوظيفهم علشان يعيلون أهلهم ، الكثير يقولون ماشي فلبينية مسلمه وزينه بس والله شي أنا خدامتي فلبينية مسلمه وجامعية ونظيفه وفاهمه
حبيبتي شوة اسم محلج

هل انتي مشتركة في معرض الخبيصي
ردي علي بليز
هلا شهوده
هيه انا مشاركه في محل بالمعرض
غريبه ما شفتي موضوعي عن عباية دهن العود
بتلاقي الموضوع اخر الرد دخلي عليه اخت شهوده
وان شاء الله تكوني من زبايني


اللهم اني استغفرك يا حي يا قيوم واتوب اليك

اللهم لك الحمد ولك الشكر حتى ترضى كما ينبغي لجلال وجهك وعظيم سلطانك على نعمك علي

مرحبا اختي
عندي لج نصيحه تبين تمشين بضاعتج حطي وحده عربيه بس تكون ممتازه وتعرف تسووووق عدل
لانه عندج مثل محل ايليت الفيليبينيات احسهم مالعندهم خبره في هالاشياء

وعندي لج شي ثاني ...وهو اقتراح
انج يوم بتفتحين المحل ..اول اسبوع سوي مثل عروض خاصه وبالعكس اذا مشى في المعارض بيشتهر اكثر

وعن الاسعار على حسب الشغل اللي عليه
وتحياتي لج
المشاركة الأصلية كتبت بواسطة chocolate_cake
الرد باللون الوردي حواء العين

مرحبا اختي
مراحب

عندي لج نصيحه تبين تمشين بضاعتج حطي وحده عربيه بس تكون ممتازه وتعرف تسووووق عدل
يختي العربيات انا ما افضلهم وايد وما احب ادخل محل فيه عربيه
والاكثريه قال لي نفس الشي
بس اكيد فيه ناس تفضل العربيات
بس صدقيني الموظفه الي عندي بتعجبج


لانه عندج مثل محل ايليت الفيليبينيات احسهم مالعندهم خبره في هالاشياء
محل ايليت يمكن الي اديره مب عربيه اهم شي الاداره والتعليم
وانتظري دهن العود بعد سنه وان شاء الله راح تسمعين كل شي يسرج


وعندي لج شي ثاني ...وهو اقتراح
انج يوم بتفتحين المحل ..اول اسبوع سوي مثل عروض خاصه وبالعكس اذا مشى في المعارض بيشتهر اكثر
العروض انا وايد احبها واسلوي العروض جدا حلو واكيد بتكون في عروض اول شهر من افتتاح المحل

وعن الاسعار على حسب الشغل اللي عليه
الاسعار انا مب طماعه يعني ما استفيد في الشيله وايد يعني يدوب اسد ايجار المعرض تعرفون ايجار المعرض في العيد وايد وغالي وفقط عشرين يوم وهناك بعد راتب للموظفه من غير اشياء وايد غير ما يعلم بها الا الي اشتغل في التجاره وذاق التعب بس لما تلاقي بضاعتج لها طلب تفرحين وايد اكثرمن المكسب صدقوني

وتحياتي لج \
شاكره لج اهتمامج وتعليقاتج الي جدا فادتني وان شاء الله اكيد في يوم من الايام بشوفج في المحل الي بيفتح قريبا يعني بعد شهر ان شاء الله


اللهم اني استغفرك يا حي يا قيوم واتوب اليك

اللهم لك الحمد ولك الشكر حتى ترضى كما ينبغي لجلال وجهك وعظيم سلطانك على نعمك علي



الساعة الآن 05:52 .