السلام عليكم
ان شاءالله موضوعي يكون مكانه صح .. لانه كنت متردده احطه في قسم المشروبات لانه مشروب !!
او احطه هنا لانه استفسار عن مشروب ؟؟ !!!

مشكلتي مالقيتلها حل واتمنى القى الحل عندكم
الشاي اللي اسويه مايطلع مزبوووط معايا ويفشلني قدام الضيوف
دايما اذوق عند الناس الشاي ويكون طعم فيه نكهة النعناع ونكهات ثانيه مدري ايش هيه بس احب اشربه عندهم
اما انا حاولت اكثر من مره حطيت نعناع وحطيت حبق اللي يسموه الدوش ولايزبط
ولونه موكل مره يزبط معايا مااعرف اوزنه كويس
ابغى طريقة معتبرة منكم
انا طريقتي اجيب مويه مغليه واحطها في البراد ويكون فيه الشاي بس واخليه يغلي غلوتين
انا استخدم اكياس الربيع يقولوا افضل من التلقيمة وافضل من اكياس ليبتون عاد الله اعلم
المهم
بعد مايخلص غليان احط فيه اوراق نعناع كثيرة شوية والحبق عرقين بس عشان لايصير طعمه مر زي مايقولوا
واغطي عليه وماارجع اغليه على طول اصب الشاي بعد انتظار 5 دق عشان ياخذ نكهة النعناع
ومع ذلك ومع العمل بالاحتياطات والنصائح مايطلع الشاي مزبوط مدري ليه
فشلني قدام ضيوفي
هل فيه اشياء تنحط عالشاي ؟؟
ارجوكم ردوا عليا
25-08-1431 هـ, 03:16 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
بالنسبلي الشاي الي اسويه الكل يمدحه ويكيف عليه

احط بالابريق اثنين ليبتون التلقيمه واكثرحبق مو مره واحط سكر واصب المويه المغليه عليه ومااغليه على النار ابدا لان غلي الشاي خطر عالصحه سمعتها في برنامج
ملاحظه الحبق موكثير مره ولاقليل وسط اذا حطيتي كثير مره مايصير زين واذا حطيتي قليل ماله طعم

اتمنى اكون افدتك ادعيلي بالذريه
25-08-1431 هـ, 03:26 مساءً
 
الماء له دووور

حطي صفاي ويطلع شاهيك روووعه

اكسبرس الربيع روووعه
25-08-1431 هـ, 03:30 مساءً
 
طريقتي حطي المويه المغليه والسكر والنعناع او الحبق على النار واغليهم 5 دقائق بعدها اطفي النار وحطي الشاي تلقيمه او اكياس وخليها شويه بعدين جيبي كاسه وصبي فيها الشاي وارجعي رجعيها في براد الشاي وتمتعي باحلى شاي
25-08-1431 هـ, 03:42 مساءً
 
^
^
صح كلامك الماء له دور
انا استخدم الربيع تلقيمه رووعه
جربي تغلين السكر مع المويه وبعدين صبي المويه المغليه على الشاهي
بدون ماتغلين الشاهي واذا حبيتي تحطين اضافات على الشاهي
مثل الحبق او النعناع خلي الشاهي خفيف شوي لايصير ثقيل
25-08-1431 هـ, 03:43 مساءً
 


الساعة الآن 11:01 .