استغربت جدا من الي يفرزوا من بدري ليش هو رمضان شهر اكل وكل بس انا صراحه زوجي مايتشرط بالاكل وكمان اولادي عشان كذا ماجهز الا قبل يوم او يومين بالكثير وحتي المقاضي ماخصص مقاضي معينه لرمضان لانو الدقيق والحليب والاجبان والخضار اكيد موجود علي طول في السوق( السوق ماهو طائر) انا عندي اساسيات في رمضان في الطبخ وهي الشوربه (حب او كويكر ) وزوجي لو اطبخه الشوربات الجاهزه يرضي السمبوسك او البف ( اجهزها من الليل ) القيمات ( اعجنها الساع 2 الظهر ) المقليه او الطعميه( من اساسيات سفرة رمضان في ينبع هي وسلطة الحمر ) اجهزها من الليل او من الساعه 2 طبق سلطه (اي نوع) وخضار (صينيه او عاديه ) ونوع من المعجنات (يتزا فطائر باللحم او الدجاج ) والحلي نوع واحد واجهزه من الليل والحمد لله عندي وقت كفايه (اصلي التروايح واقرأ قرأن) ماعندي اطفال صغار وعندي شغاله للمطبخ وماسوي عزائم ابد في رمضان ولا انعزم عند احد الا للضروره القصوي وصراحه مرتاحه جد جدا فكيف برنامجكم انتو ياحلووووووين

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
طيب حبيبتي انتي عندك شغالة بس اغلب اللي يجهزو ماعندهم شغالات علشان كذا يجهزو من بدري وانا واحدة منهم
الي اقصده ياعسل هل انا سفرتي قليله جدا ؟؟ وانتو تطبخوا كم وجبه في رمضان
حبيبتي لكل مجتمع عادات وتقاليد
حنا ناس نحب العزيم والجمعات مع الاهل في رمضان
معني ماافرزن ولاعندي شغالة بس عادي في وقت
شوفي لي 7سنوات متزوجة ماقد حضرت اكل قبل رمضان كلو في وقتو
انا اعذر اللي تجهز قبل رمضان يمكن اسرتها كبيرة يمكن زوجها من النوع المتشرط اللي يبغى اشكال والوان
انا عن نفسي عادتي كل سنة انزل السوق واشتري شرشف وسجادة جديدة برغم انها مليانة عندي بس عادة سبحان الله
واكلنا شوربة ومودايم والسمبوسة اهم شي
وننزل ينبع نجيب فول وتميز ونرجع
والمهلبية بدقيق الرز
ولازم طبق رئيسي مثل البشميل او كشري او اي شي
ولا اننا ماعندنا غير ولدين صغار لازم يزيد لليوم اللي بعدو
وكذا يوم اطبخ يوم لا
ويارب تقوينا على العبادة ياااااارب

استغفر الله
استغفر الله
استغفر الله


الساعة الآن 11:19 .