Analysis Services
السلام عليكم ورحمة الله وبركاته
شخباركم حبيباتي؟
كل سنه وانتم بصحه وسلامه
انا من باب اني مقتنعه ان كل انسان ماله الا رزقه حبيت استشيركم بمشروع ببالي من زمااااان مدري احسها فكره جديده بس ميخالف ماودي احسد احد واللي عندها قدره وخاطرها تسويها ميخالف بحل بس تدعي لي ان الله يرزقني واستقر ببلدي ويحفظ لي عيالي وابو عيالي واحفظ القرآن الكريم بيوم من الايام

الموهم مشروعي هو نيووووووووو لووك
يعني شلووون؟
مشغل بس مو مشغل عادي تجي الزبونه ونسوي لها نيو لوك بسعر ثابت وطبعا هاللوك الجديد مهب حق مناسبه يعني تجي نزينها لحفله او عرس لا الهدف يعني تجي طفشانه من شكلها نغيره لها وبرضوه نلبسها يعني في نفس المشغل نبيع قطع رخيصه مثلا من حقات محلات ابو عشرين تيشرت والوان فاتحه واشياء بسيطه بس ساطعه تغير شكل الوحده ونفسيتها طبعا مع القص والصبغ والبدي كير وغيره من هالشغلات وكله مع اللبس يكون بسعر ثابت مثلا مايزيد عن 200 ريال من باب جذب الزبونات وايضا انه الوحده تستسهل تغيير اللوك بسعر بسيط خصوصا اللي بتطلع من نفاس او كانت مثلا حامل ومالها خلق تهتم بنفسها او طالبات المدارس والكليات والمعلمات يعني الموظفات والطالبات اللي يكون يومهم مزحوم او اللي بتحتفل مع زوجها بمناسبه صغيرونه وهكذااااااااااا
يعني الهدف هو تدليع للنفس
وطبعا حجم المكان وعدد العاملات على حسب الميزانيه ممكن الوحده تبتدي بعدد بسيط ومكان بسيط لين ما يزيد راس مالها وتنعرف بعدين تطور المكان وتظيف له كوفي شوب وجلسات رايقه ومساج وخبيره تجميل والخ


شراااااااايكم بفكرتي ؟

وكم تتوقعون لها ميزانيه مبدئيه كبدايه بسيطه
27-08-1431 هـ, 01:18 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
من الان اقولك مشروعك مره مايصلح ماهقيت احد بيجي
فكري بشي ثاني
27-08-1431 هـ, 03:06 صباحاً
 
الله يوفقكـ خيتو
ان شاء الله ينجح مشروعكـ
الفكرهـ مرهـ حلوهـ بس اتوقع تبغى ميزانيهـ
ولاتخافين البنات كثير اللي راح يشرفونكـ المشغل لانهم يحلمون بشي مثل كذا
27-08-1431 هـ, 03:27 صباحاً
 
حلوه الفكره ليش؟
لأن الوحده لما تروح المشغل مايعطون رايهم بلون صبغه تناسب وجهها أو قصه شعر يشوفون وش تبين أنتي ويسون لك حتي لو ماتناسبك
بس اللبس مأدري عنها
وغرف المساج إذا بالسعوديه ممنوع
27-08-1431 هـ, 03:48 صباحاً
 
يشبه فكرة بالصراحة احلى
27-08-1431 هـ, 05:40 صباحاً
 


الساعة الآن 06:23 .