اول شئ قطعي الوحده ثلاث او اربع قطع وحطيها على جنب اللي هي الربيان

قطعي بصل اخضر(الطازج) وحطيه في محماس على النار مع شوية زيت (لك الحريه في نوع الزيت)طبعا كثري كمية البصل
حمسيه شوي لين تحسين لونه تغير شوي ثم حطي عليه الربيان وحمسيه مع بعض وحطي عليه بهارات مهران كاري
طبعا الربيان مايطول بسرعه ينضج انتي غطيه وحطي له شوية مويه وقطعي كزبره وحطيها عليه وخليه شوي ياخذ النكهه ثم طفي النار

ولك الحريه ياما تاكلينه مع خبز اومع رز انا دائما اكله مع خبز طعمه الذ مع الخبز

للمعلوميه انا دائما اشتري كيلو ربيان واحط نصف الكيلو يكفي حق وجبة شخصين

وعليك بالف عافيه
رفع

يارب أصلح أولادي وأرزقني بنت عاجلآ غير آجل
لاحول ولاقوة الا بالله
سبحان الله وبحمده سبحان الله العظيم

حبيبتي اختي الكريمه انا اختج من الكويت وفنانه بالربيان

بعطيج طريقة المربين الكويتي وشوفي ابو الشباب اذا ما قالج كل يوم سويها

الطريقه :

هاذي الطريقة الي بعطيج اياها تكفي حق كمية روبيان نصف كيلو اوكي اذا ازيادة انتي عاد شوفي ضبطي


1- 4بصل مقطع شرائح

2- راس ثوم كامل واحد مفروم

3- 2شدة شبنت

4- 2شدة كزبرة

نحتاج ايضا الى ماش .


الخطوات :


تحمسين البصل في الجدر الى ان يصبح لونه ذهبي ثم اضيفي اليه الثوم المهروس ثم اتركيه قليلا دقيقه ثم اضيفي الروبيان المغسول والمنضف الى الجدر واتركيه لانه بيطلع منه ماي بس رشي عليه ملعقة وسط فلفل اسود علشان الزفرة واتركيه الين تحسين ان الماي الي بالجدر الي طلع من الروبيان صار قليل جدا بعد ذلك اضيفي البهارات الي اهي كزبرة مطحونه استخدمي الملعقة الوسط و كركم مطحوم و بهارات مخلوطة الي اهي العلبة الخضرا الكاري واضيف عليه دارسين صحيح ( الدارسين الي اهو القرفه ) وهيل صحيح ونضيف ايضا عليه الشبنت والكزبرة المفرومتان ونتركه على نار هادئه

في هاذي الاثناء انتي تكونين غاسلة الماش وحاطته في جدر صغير مخليته يطبخ بس تشوفين حبته صارت كبيرة ومستويه صبيه اهو ومايه على جدر الروبيان ونزيد بعد ماي مغلي كثر كمية العيش الي تحتاجينها وطبعا لا تنسين الملح ذوقيه لان هالطبخه تحتاج شوي ملح زياده علشان الماش

تخلين الجدر على النار وتتركينه يغلي شوي وتكونين غاسله العيش الي اهو الرز ومنقعته ولمن يفور جدر الروبيان كذا فوره شخلي الرز من الماي وصبيه بالجدر اذا كانت كمية الماي وايد زياده على العيش شيلي منه لما تحسين ان الماي يكفي لاستواء الرز عاد اتركيه على نار عاليه وبعدين قصري عليه لما يتناشف العيش
وبعدين صبيه بالطبق وزينيه وعليكم بالف عافيه

واي استفسار انا حاضره وتحت امرج ...
رفع


الساعة الآن 11:55 .